سيارتي مازدا 6 2009 خبطت مكينتها و الوكالة تقول :Over-Speed

وربي اتحدا لو كلامك صيحيح

الـ زووم - زووم 6 دائما في القمه

وغصب عن الكل

تفوق توقعاتك

نصيحه لله ياصاحب الموضوع ترى الضمان او الوكاله مايغيرون لك مكينه كامله

ومعروف هذا الشي يوضبون لك السياره وبس ويعطونك عليها ضمان غير كذا انسى

واقرا الكتيب الخاص بالضمان وتلقى ان التصليح للاشياء الخربانه بس ولا فيه اي شي يفيد

بانهم يغيرون لك مكينه كامله او يستبدلون سياره

وحتى لو جيت تحاجهم او تقول غيرو لي سياره او مكينه يقولوك ارجع لكتيب الضمان وشف

هو فيه تغيير سياره ولا لا وشف فيه تغيير مكينه ولا لا

ومادام انهم غيرو لك اشياء بالمكينه او وضبوها بكذا انتهت مسوليتهم وريح راسك وتقبل الامر

بصدر واسع ,,, انا ادري انك ضايق صدرك من هذا الشي بس وش تسوي قدر الله وما شاء فعل

فيه ناس خبطت سيارتهم ولا حصلو لا ابيض ولا اسود وانت الحمدلله ضبطو السياره لك

خلاص مادام السيارة تمشي زي الحلاوه امش واكرفها لين تقول هذا محلي وبعدها بعها

اذا مليت منها وترى المساله مساله نفسيه والله يعني لو قالو لك غيرنا مكينه جديده كان

فرحت وانبسطت وهم بالاساس ماغيرو لك مكينه

وغير كذا انا كان عندي سياره قديمه شوي المهم خبطت ووضبتها ومشت سنتين زين الالف

ولا شفت منها اي شي وبعتها وهي ماتنقص ولا شي ومكينتها ممتازه جدا


والحمدلله على كل شي

والسلاااااااااام

الاخ / A J

ارجو مراسلتي بخصوص اي شي يفيد بحل المشكله القائمة بين الطرفين حيث سيتم البت

والحكم بالموضوع بشكل رسمي في المنتدى واي مطالبات للعضو ستكون بينه وبين الوكاله

خارج المنتدى بحيث اذا ثبت بان الوكاله غيرت بعض اجزاء المحرك البسيطه فسيتم انهاء الموضوع

ويجب ان يرضاء صاحب الموضوع بهذا الحل فهذا هو الحل المتعارف عليه

وكما هو معروف بالضمان يقتصر الاصلاح الخاضع لهذا الضمان المكتوب على اصلاح الاجزاء

المعينه المعيبه او استبدالها او ضبطها ومادام الوكيل قادر على اصلاح الاجزاء المعيبه او استبدالها

او ضبطها بالطريقه الصحيحه فالامر ينتهي عند ذلك بعدم تغيير كامل المحرك

ولو اطلعنا على الضمان الخاص بالسياره لعرفنا اسرار كثيره وعرفنا ماعلينا وما لنا

هذا والله ولي التوفيق

الحل الأول ....
هل تريدني أن أوريك صورة لبيع وإحتياج ورشة الوكالة للقطع لك عن طريق الضمان ؟؟؟؟؟ في الوقت الي كانت السيارة في الورشة ؟؟؟؟؟ لإثبات إن السيارة غيرت فيها جزء من المكينة فقط وليست كلها لأنها أغلب القطع الموجودة في المكينة سليمة والي تضرر فقط تغير .....

الصورة سوف تكون عن طريق وسيط بيننا .... يمكن المشرف ..... لعدم ثقتي بك في المواضيع الخاصة

والحل الثاني
راجع ردي في الرابطة ....

الله يصبرك فيما أبتلاك
و ما أدراك يمنك تكون فيها دفع بلاء أكبر من كدة

دير



الله يعينك أخووي ... من جد شيء يقهر

حياك الله اخوي

اصبر شوي انا اليوم حصلت المكتب الاقليمي للشرق الاوشط بالامارات موقعها بدبي شارع الشيخ زايد
كان لي زياره لاحد الشركات بطبيعه عملي كمدقق حسابات بالصدفه حصلت بالبنايه كثير من المكاتب الاقليمه لكثير من السيارت من ضمنها مازدا وفورد وجاكوار وفولفو
انا ان شاء الله لي رجعه على نفس المكان كمان يومين واجيبلك طريقه التواصل او الايميل حقهم
وان شاء الله كل شي ينحل

^^^^^^^^^^^^^^

صدقت والله ..

وداها ع الضمان ..

باذن الله تمشي معك ..

وحاول تشيل فكرة انها موضوبه من راسك .. ادري صعبه وما تقدر ..

لكن حاول تتناساها ..


الله يكون معك ويوفقك يارب

^ ^
هذا هو رائي مهما حدث

أنت أولى بسيارتك من غيرك

لا تبيع وانا خوك ولا شئ

خل سيارتك معك لان قيمتها راح تنزل كثير حتى لو كان ما فيها شئ ..

شلون عاد وهي موظبه ...

انا انصحك إذا ما طلعت بنتيجه انك تخليها معك واعتبر المسأله عاديه قد تصيب

اي واحد فينا .....

ومادام السياره على الضمان لا تشيل هم ان شاء الله

نصيحه لا تفرط بالسياره إلا اذا شفت فيها عكاس جديد وقوي بعد

تحياتي

جاني الرد اليوم من شركة فرع إستراليا و كانت إجابتهم بتحويلي إلي فرع الحاج حسين .. الظاهر مافي مافيدة , و أفكر حاليا في بيع السيارة راح أستخير الإسبوع هذا و أتوكل على الله وأعرضها في حراج الموقع مالم يحدث أي شيء .

وأحب أشكر جميع الأخوة إلي شاركوني في الموضوع :



Dear Mr Nadhrah,

Thank you for your enquiry.

Mazda Australia are unable to comment on your vehicle as it isnt an Australian Mazda6 you will need to contact the head office of your City or contact the Mazda Dealership from where you purchased it from.

[COLOR=gray]Regards[/COLOR][COLOR=gray][/COLOR]
[COLOR=gray]
[/COLOR][COLOR=gray]National Customer Services Centre[/COLOR][COLOR=gray] [/COLOR][COLOR=gray] [/COLOR][COLOR=gray]
[/COLOR][COLOR=#2bc6db]_________________[/COLOR][COLOR=gray] [/COLOR][COLOR=gray]
[/COLOR][COLOR=gray]Mazda Australia Pty Limited[/COLOR][COLOR=gray] [/COLOR][COLOR=gray] [/COLOR][COLOR=gray]
P: 1800 034 411
[/COLOR][COLOR=gray]F: 03 8540 1810[/COLOR]
[COLOR=gray]dm[/COLOR]



From: [email][email protected][/email] [mailto:[email protected]]
Sent: Saturday, 25 October 2008 3:22 AM
To: Customer Service Enquiries
Subject: National Customer Service Centre



Submission Date 2008/10/25Submission Time: 03:22:07Enquiry details Please select the relevant area of the company: ServiceHow can we help you? Please provide a detailed de******ion of your enquiry. Dear Sir ; Good Day, I'm writing to you about my Car Mazda6 2009 , the car only pass 19K KM , and the Engine Break Down . and after I left it to the company the Company claim that the Engine is has defect and they will change it . Then after 10 Day of Delay and daily follow up with them . my car finished and the surprised was the Engine was not changed but only they repaired some part inside the engine , which mean and as per the service manager they change the (short-Engine) and Although, they refuse to give me any report about my car and what cause the problem . and as per the my basic knowledge and as per My Friend and My Brothers experience with other Car Agency , once the Engine Break Down , the Agency has no write to open the Engine and make some Repair inside the Engine with only 19K KM Car . and Due to the Above I demand the Company to Change the Car or to Give me my Money Back because it's the Company Mistake and the Break Down was because a Defect in the Car It Self not by misuse the Car , but Of course they refuse to either choice . and Even the Company refuse to give any report about the problem . Thank you ,,, If your enquiry relates to your Mazda vehicle could you please provide: Mazda6 Petrol HatchOther Mazda model please specify: Registration number: VIN/Chassis number: ******************Details Name: Mr Suliman Nadhrah

أرسلت آخر فاتورتين إلى الوكالة ............

كما وعدتكم راح أضيف فواتير الصيانات و أخر فاتورة خاصة بالمبالغ إلي أخذوها مني بعد توضيب المكينة . . . .
(الرجاء الضغط على الصورة لتكبيرها)

يعني هي ماهي وكالة BMW ..

قارنوه بالحمراني مثلا ..

او الجميح ..

او بالبيد ..

وردولي خبر ..
ــــــــــــ
بالبيد والجميح جدا تعباانين
ما اخس من قديد الا عسفان

انصحك تسوي زي ما قال اخوي ميكرو
والله يعينك

كلامك منطقي لدرجة كبيره ..


الله يعينه ويوفقه ..

أخواني أصحاب المازدا .. الرجال دفع في السيارة مبلغ وقدره ! ..
من حقه يتمتع بسيارة يعرف وش اللي صار فيها أقل شيء .. من حقه يتمتع بسيارة على يده من الوكالة ولا يتحرك فيها مسمار إلا وهو عارف كيف وليه ؟.. الحين الرجال لو ناوي يستخدم السيارة فترة طويلة ( 5 سنوات مثلا ً ) .. أو بغى يسافر مرة ثانية .. أكيد حتكون ثقته في السيارة مهزوزة والسبب انه مو عارف وش اللي تغير في السيارة وهل ممكن يرجع الخلل مرة ثانية ! ..

هذا هو لب المشكلة .. ان الرجال أخذ سيارة على يده وكالة ، ما أخذها مستعملة كل من هب ودب لعب فيها وغير فيها وهو آخر من يعلم .. لا سيّما إنه محافظ على كل الصيانات بالوكالة .

أنا لو تصير لي هذي المشكلة ثاني يوم بودي السيارة حراج السيارات ، والسبب إن ثقتي انهزت فيها وماني عارف ايش هو الخلل اللي صار بالضبط وكيف تم تصليحه .. بالعربي أنا أحتاج سيارة أعرف كل مسمار فيها ..

ثم سؤال أخير ، هل تقارن شد البلد الياباني ، بشد عمالة الحاج حسين ؟.. أترك السؤال لضميرك .. هل سيكون على نفس المستوى من الإتقان ؟.. أم أن هناك احتمالية أن تكون جودة العمل أقل ؟..
لو كانت بنفس الجودة ، كان صار تجميع سيارات مازدا عند الحاج حسين ، وانتهينا ! .

من حق الرجل أن يحصل على سيارة جديدة ، أو مكينة جديدة بأقل تقدير ..
لكن مكينة موظبة ! .. هذا والله قمة النصب والتلاعب في حقوق العميل ! .

^^^^^

اعجبني حوارك وتعقلك صراحه ..


واتمنى من كل قلبي ان حبيبنا يتوفق باللي يرضيه والله ييسر امره ..

الله يستر عليكم دنيا وآخره ..