السلام عليكم
امسيكم واصبحكم بالف خير
اخواني من واقع تجربة على جميع ما ذكر واليكم الخلاصه
في السابق كنت استخدم صابون فيري وطبعا ما قصر معي عدم الوجهيه مع العلم السرعه كانت 100كيلو متر
الشي الثاني الماده الي تتكلمون عنها هي عباره عن ماده لكر الي يستخدم في رش السياره على البويه لعمل حمايه وهي تعتبر بحد ذاته كويسه لكن الي ماتعرفونها ان هذه الماده عباره عن ماده مخففه وتتاثر بالحراره والدليل كانت لدي مكسيما ومعروفه انوار المكسيما الزنون تسخن المهم حطيت من الماده وكل شي تمام اروح اغسل السياره راح مافي اي مشكله لكن الاصطب جه اليسار مسك مو راضي يطلع رحت لمحل تلميع معروف في الحساء واسمه دايموند وقلت له المشكله قال ولا يهمك المهم شوي وجاني قالي انت راش لكر على اللاصطب قلت لا حاط الماده حقت العج واقسم بالله تقريبا ساعه ونص يحاولون الماده تروح وماطلعت الا بالعذاب وفي الاخير الحسبه هي كتالي
35 ريال قيمه العلبه +40 قيمه التلميع
نجي حق التغبيره وبصراحه ماهضمتها ابد والسبب اثناء رش السياره راح يرش على شبكه ومقدمه السياره وراح يدخل كميات تجاريه ويعدم عليك مواصير كثيره ويشوه منظهرها
نجي حق العازل الي موجود الان وقيمه 1500 ريال وفوق اولا يتغير لونه بعد فتره ثانيا انا كنت مسوي في زيبارت على هوندا اكورد وبعد فتره طلع من الزاويه رحت على حسب الضمان وقالوا ابشر نغيرها لك
يوم شالوا الطبقه الكبوت تغيير لونه في المكان الي صار فيه الطبقه العازله
وبعد فتره في الانوار تغيرت لونها ورح وشل وغير وانا بصراحه ادفع في بلاستك 1500 ريال ليه؟؟؟؟؟؟
نجي حق البرقع وكلام الاخوان الي يقلون انه يتسبب في تاكل بدي او البويه صح كلامك عارف ليه ؟
لانك ما تتبعون الخطوات السليمه عليها والي هي السياره تكون وسخه وعليها اتربه ويجي خويك وقربع وحط ام البرقع ويقول بعد فتره الانوار صارت مخدشه وش عارف كيف سلامات ياكبتن
والي يقول يلعب بالخط ويتنفخ حبيبي شغل عن شغل يفرق مو شغل بوهنود وطخته
اليكم تجربه لي لي الان معها قرابه 4 سنوات والى الان والحمد الله انا والشباب الي معي ما احد تضرر ابد واليكم طريقه جدا حلو وبصراحه انا استمتع اثناء تركيب البرقع ....:xyxthumbs:
1- تروح تفصل برقع الى تحت الكبوت والي يسمونه نقاب <<<<< والله اسامي غريبه:a1120(86):
2- اثناء تركيب البرقع اول شي تجيب ملمع زجاج وترش الوجهيه بكميه تجاريه وامسحها
3- تروح للبرقع وتقلبه وترش ملمع الزجاج على الاجزاء الي تغطي البلاستك وتمسحها تمام
4- تروح وتركب البرقع سلام سلام وراح تشوف الانوار راح يمسك فيها البرقع من الاجزاء البلاستك وهذا بحد ذاته ما يعطي فرصه للغبار انه يتوسخ او يحك في الانوار
5- بعد ما تخلص من البرقع وتبي تشيله ارجع ورش ملمع الزجاج ورش البرقع وامسح وبعدها شيل البرقع وصفطه تمام وحط في كيسه عشان مايدخل وسخ او غبار عليه وكرر الطريقه والله ماهي متعبه
وبالنسبه حق تفصيل البرقع الي وده يفصل برقع عليه يسوي التالي عشان وقت التركيب ماياخذ وقت ابد اظافه الى ذلك يكون تركيب في اطراف البرقع قماش مطاطي في الجه السفليه من البرقع عشان يمسك اوكي
في نوعيه من الجلد الامانيه قابله للتمدد وتحس انه مو جلد مطاط وهذا بحد ذاته يعطيك مرونه اثناء التركيب والي يحب يشوف عندي تاون كار 2001 وماشي 380الف والوجهيه ماشاء الله مافيها اي خدش
ادري طولت لكن هي تجربه وما احد يخسر شي
تحياتي لكم:xyxwave:<<<<<<<<<<<<<<<<< تراك اقلتنا وسويت فلم بنغالي خخخخخخخخخ
