سوزوكي ساموراي ( معلومات وتعديل واستفسارات وتبادل خبرات )

جربت هم المشي باللوك وبالرباعي كلها القير الأول ما يعطيني فوق ال 20 نسمه قصير حييل بسرعه تحن....الظاهر من الصينيه والدسك والفلايويل شي جذي عيل
لنه جربت ساموراي صاحبي نفس مكينتي والله قير أول يمشي لي 40 عالراحه وقير ثاني لي80 !!! ...انا عشان اوصل 80 لازم اكون مبدل 5 :\

أها، هذا إسمه هب لوك hub lock وليس دف لوك. أنا أقصد تعمل التجارب كلها وهي على اللوك، وليس على الفري.

إذاً أكيد مسألة تعوّد ما دام كذا. ما أظن عندك مشكلة في الدبل.

الدف لوك والفري اقصد فيه الي على التاير الي جدام الي تحرك فيه تلفه يا تودي على free يا على lock نفس هالصوره طلعتها من النت


وجربت يوم اقوم بالسياره من الثاني بطيئه حييل ماتمشي غصصصببب

هل تقصد بـ free وضعية الفاضي N؟ إللي بين الدبل الثقيل 4L والخفيف 4H؟
وش تقصد بـ dif lock السوزوكي ما يجي فيه دف لوك؟

ممكن يكون من التواير فقط إذا كانت التواير إللي راكبة أصغر من شد بلدها، لكن ما أظن هذا الشيء صاير عندك، لأن الساموراي شد بلد فيه تواير صغيرة جداً أصلاً. كذلك من الصور حجم التواير طبيعي.

جرب إنك تقوم السيارة على الثاني وشوف تقوم بسهولة والا لازم تسايس الكلتش عشان تقوم؟

آنه جربت الدبل ومتأكد منه 100%
جربت رفعت السياره كامله تحت كل جهه حاط الي يثبتها بعد ما ترفعها الأحمر
وجربت مشيت عادي وانه مو مشغل الدبل وحاطه على free ...التواير الي وره بس تحركت
جربت اخلي الدبل شغال وعلى الfree وهي مرفوعه طبعاا وهم بس الي وره اشتغلو
جربت حطيته على الdif lock والدبل شغال واتحركو أربعتهم ...ويوم سكرت الرباعي والدف لوك شغال تحركو بس الي وره واهي مرفوعه :\
مستغرب من سالفة بسرعه تحن
لو بعدين صلحتنا ان شاء الله راح أصور فيديو وانه امشي وشوف الي يصير ماي وأصور وانه احاول احرك الدبل ومايروح كل الخانات
أو ما تتوقع انه من الرنجات الي على السياره مو مالت الوكاله رنجات سناتر اعتقد كيبات ****ل يايين اصلي مو مصبوغين ثقال....تتوقع منهم يعني صاير جذي :\ ؟

أتوقع أنه فيه مشكلة في الدبل عندك، الظاهر إنه معلق على الثقيل. هذا الشيء الوحيد الذي يخطر في بالي. هل تأكدت الدفع الرباعي شغال لما تحط على 4H؟

ان شاء الله باجر بشوف الديلكو ببدله ويه الأسلاك وبنضف الكابريتر

بس بالنسبه حق القير فعلاا نسمه قصييير حييييل انا جربت ساموراي واحد صاحبي يعني يمشي على الراحه تمشي معاه لي 40 بقير أول بالراحه ومكينته نفس مكينتي بس أهو موديل 88 وانه 98 وماني عارف ليش معاي بسررعه تحن المكينه ما يمديني امشي ثانيه اله وتحن علطول....وهم مشكلة الدبل مايروح غير خانتين متأكد من هالشغله مايروح غير فوق وتحت احاول ألفه يمين يسار وانه اصعد من بعد ما أكون نزلت ماكو فايده :\

الكربريتر ما فيه بخاخات أخوي. لازم تسوي تنظيف للكربريتر نفسه.

بالنسبة للدبل، أنا كان عندي شك أنه الدبل مغير إلى دبل الساموراي القديم، عشان كذا طلبت صورة. لكن الصورة تدل على أن الدبل أصلي. ربما كل ما في الأمر أنك غير متعود على نسب السيارة.

قد يكون الديلكو عندك مضروب. أحد الشباب جاب لي ساموراي حديث مثل إللي عندك، ونفس الشيء يعاني من مشاكل في الديلكو، بالرغم من أن مشكلته غير مشكلتك. قد يكون عيب مصنعي في الموديلات الحديثة. شوف إذا تقدر تركب ديلكو ساموراي قديم، قد يكون إعتمادي أكثر. كذلك غير أسلاك الديلكو، قد تكون تعبانة.

وهذي الصور توني صورتها وان شاء الله تكون اهي عاد :p

مشكووور على الرد والتواصل السريع منك

اول شي اقصد اني سويت تصفيه كامله للسياره من تنضيف البخاخ clean injector ومبدل البلاكات والدهن والفلتر وفلتر البانزين وكلشي

وبالنسبه حق الصوره ان شاء الله اصورلك الحين واييبلك الصوره

وأسلاك الديلكو كلها فكيتها رديت ركبها تأكدت انها راكبه وسليمه مافيها شي :\
وبالنسبه حق الكابريتر اليوم اشوفلي احد يجيكلي عليه

وانه مستغرب حيل من سالفه القير مايمديني امشي ثانيه اله وعلطوول تحن المكينه ولازم ابدل والصور الحين ان شاء الله

أخوي واضح من الصورة أن السيارة كربريتر وليست بخاخات، وش قصدك نظفت البخاخات؟

1. غريبة أن نسم القير قصير. هل ممكن تاخذ لي صورة من الدبل أسفل السيارة؟

2. عشان تحطه على الثقيل لازم الدبل تحطه على 4H ثم تدفه إلى اليسار ومن ثم إلى الأمام دقتين، ويدخل في الثقيل. لكن صورة من الدبل قد تظهر لي وش المشكلة.

3. تأكد أن أسلاك البواجي كلها راكبة ومو متخلخلة، وتأكد أن الديلكو أسلاكه راكبة. كذلك تأكد من أن الكربريتر يشتغل، خذ لك بخاخ كربريتر وفك فلتر الهواء ونظف الكربريتر. وإذا كنت تعرف واحد حق كربريترات، روح له وخله ينظفه لك ويوزنه. وإذا تبغى شوري، ركب كربريتر رياضي مثل إللي أنا مركبه، Weber 32/36 مثل إللي في المقطع التالي:
http://www.youtube.com/watch?v=mxZCwYrUuco

وستجد فرق هائل في القوة والاستجابة. الحقيقة أنا أعتبره من أفضل التعديلات على السوزوكي حقي. ممكن تطلبه من هنا:
http://www.lowrangeoffroad.com/suzuki/samurai/engine-upgrade/weber-32-36-carburetors-and-accessories.html

السلام عليكم
اخي انا من الكويت ومتابع الموضوع منزمان واخرتها شريت الساموراي :]
وهذي صورة الساموراي الي خذيته







وبعد ما شريته لاحظت مشكله وطلعت وياي مشاكل اتمنى لو القه لها حل
المشكله رقم 1 :-
السياره نسم القير مالها قصيير حييل بسرررعه تحنن
يعني ما يمديني اوصل بالسرعه 20 اله وأحس المكينه شوي وتنفجر
يعني قير أول 20 قير ثاني 30 قير ثالث 40 :|

المشكله رقم2 :-
الدبل عندي مايروح غير خانتين 2h أو 4h
يعني مااقدر اله انزله وأصعده فوق صاحبها ماكان يستخدم الدبل كلش الظاهر مايتحرك اله خانتين

المشكله رقم3 :-
آنه يوم كنت توني شاري السياره كان فيها تقطيعه بسيطه وصاحبها قالي يبيلها تصفيه من كثر الوقفه والسياره موديل 98 مو ماشيه غير 60 ألف! ....المهم سويتلها تصفيه وراحت التقطيعه والرجفه الي فيها
الحين بعد فتره ردت أرجعت بقوه وقامت تدخن دخان ابيض وأسود....جييكت على الدهن ولا ناقص <--- ييت متفلسف يعني بالبيت بغير الدهن والفلتر :p رحت وشريت الدهن والفلتر غيرتهم بالبيت ولا ماتشتغل غير شر ولي شغلتها غصب ادوس على البانزين احس كأنه سلندر واحد يشتغل معني توني مصفيها ومغير البلاكات ومنضف البخاخات وكلشي :\

معذرة نست أحط الرابط:
http://www.lowrangeoffroad.com/suzuki/samurai/clutch-tranny/automatic-transmission-conversion-kit.html

الرابط يظهر صور لصفائح معدنية، لأن تركيب القير الأوتو يتطلب قص تجويف القير في الساموراي، وبالتالي لازم تقفل المنطقة المقصوصة بتلحيم هذه الصفائح.

شكرا وماقصرت بس ماني شايف اي رابط في الصفحة!!

نعم فيه حل، تركب القير الأوتوماتيك من الفيتارا.

الرابط التالي فيه طقم تحويل لتركيب القير الأوتوماتيك الخاص بالفيتارا (3 سرعات أو أربع سرعات) على محرك فيتارا. ومحرك الفيتارا 1.6 لتر يركب بسهولة في الساموراي، لا تكاد تحتاج تغير أي شيء ما عدا إرتفاع الكبوت لازم يزيد شوي لأن محرك الفيتارا أعلى من محرك الساموراي.

والطقم يحافظ على دبل الساموراي. لكن الله يعينك تركب مكينة فيتارا 1.6 لتر.

السلام عليكم ياشباب انا عندي ساموراي 96 وابغى اغير الجير من عادي الى اوتماتيك هل في مجال وش القير الي ممكن يركب وهل الدبل يبق شغال ارجو المساعدة مع العلم اني لفيت عدة ورش في جدة مالقيت عندهم حل !!!!

متابع بصمت وتامل واعجاب

ما شاء الله تبارك الله

موفق ابو رنا والجميع

ماشاءالله تبارك الله

شجعتوني أفكر جديا بسوزوكي ، أمتطي صهوتها فوق الرمال أوقات الفراغ ! :c0214:


يعطيكم العافية شباب











ومـضـه / أطهر حب ، حب الأم

مشكور وما قصرت لي عندي انجكتر فيه 16 صمام

مركبنها عندنا فالامارات في إمارة بوظبي سعرها 300 درهم اذا حاب فالك طيب اطرشلك اياها

خلني ارويك المارك لني حاليا فالدوام بس اخلص بعطيك الربورت كامل عن السياره واستحداثاتها وحتى لو تبا اي شي فالك طيب ونشوف يمكن قطع الغيار وغيرها ارحص عندكم او عدنا مب عارف بس لي سمعته في دولة عمان تحصل كل شي لسوزوكي

بس ما شاء الله عليك شغلك ممتاز

بتوفيق وانتظرني في الربورت لي بحطه على السياره بالكامل وطبعا بتعطيني افكارك العبقريه بعدها لتصميم السياره لنه باقي الصبغ والتضبيط الداخلي والخارجي بعد اعتماد المكينه وفحصها بالكامل لنه عندي طلع ليك في البور استرنق وحاليا احاول اصلاحه وباذن الله نعدله

بتوفيق لك واتمنى لو تحط لنا فيديو عن السياره من الداخل والخارج وصوتها وكل شي عنده من الداخل والخارج علشان نشوف الفرق وعلى الاقل نتعلم منك:smilie16: