سوزوكي ساموراي ( معلومات وتعديل واستفسارات وتبادل خبرات )

صحبكم الله بالخير. هلا أخوي أبو رنا. تسلم ع النصيحة. خلاص بشتري من عندك المروحة وملحقاتها(. هلل هي نفس الملحقات المذكورة في لو رينج؟ أو يحتاج اشتري حاجه ثانيه من عندهم؟). خبرني كم تطلب فيها وكيف ممكن ادفع لك المبلغ. وبخصوص الرادياتر راح اشتري الي ذكرته في ترايل تف. وأشكرك جزيل الشكر. ممكن ترسلي ايميل [email][email protected][/email]

أخوي أبو الهنوف،

بخصوص الرديتر، الرديتر المذكور الكبير ما رح يصلح لمكينة السوزوي 1.3 لتر أو حتى الـ 1.6 لتر، فهو مصمم خصيصاً لمحرك الـ 2 لتر فقط. ولو ركبته لازم تلغي قاعدة مساعد الدركسيون لأنه يدقر معه. مسوينه على أساس أن إللي يركب مكينة السوزوكي 2 لتر يركب دركسيون باور وما يحتاج مساعد دركسيون. أنا ركبته مع مكينة السدرك ولما جيت أركبه ورطت وإضطريت أعدل قاعدة مساعد الدركسيون وأولف ليات لأن مداخل ومخارج الليات غير متوافقة مع محركي ولا مع محرك السوزوكي 1.3، يتوافق فقط مع محرك السوزوكي 2 لتر.

لازم تاخذ الصغير. ولو تغبى أنصحك في الرديتر التالي، فهو أفضل من إللي في لو رينج، لكنه أغلى:
http://www.trailtough.com/index.php?page=shop.product_details&flypage=flypage.tpl&product_id=28&category_id=66&option=com_virtuemart&Itemid=53

وهذه صورة مكان ما يدقر مع مساعد الدركسيون:


فاضطررت إني أعدل في قاعدة مساع الدركسيون هكذا:


أما بخصوص المروحة، عندي نفس هذه المروحة إللي عند لو رينج، ركبته للسوزوكي حقي وطلع ضعيف على مكينة السدرك مو ملحق عليه، لكنه ممتاز لمكينة السوزوكي الصغير. ورح أفكه، موجود بكل أغراضه لو تبغى أبيعه عليك بسعر رمزي وقاعدة جاهزة لرديتر السوزوكي، يعني تركبه على طول بس يبقى عليك توصيل الأسلاك وسويتش الحرارة.

هذه الصورة للمروحة لما شريتها:


وهذه بعد التركيب:

مساكم الله بالخير. مراحب أخي أبو رنا. بس عندي استفسار إذا ممكن تفيدوني. أنا أريد أغير الرادياتر حق الساموراي تبريد المحرك غير كافي مع رادياتر القديم وفي هذا الجو حتى المكيف ما قادر اشغله.
هل في احد اشترى aluminum radiator 2.0L من لو رينج قيمته ٢٩٢ دولار أو أخذ العادي قيمته ١٦٩ دولار؟؟ ومروحة flex-a fan من lowrangeoffroad ??
أرجو منكم النصيحة. شكرًا

و سياره تاكل بنزين زياده

جرب سويله تنظيف قبل ما تشتري أي نوع

سلام عليكم

ياشباب انا معي جيب ساموراي97

وعندي مشكله فيه السياره تطفي لا شلت رجلي على الدعسه ووديته عند مكانيكي
قلي عندك الكمبريتر قلت ابشتري واحد جديد ولقيته في الوكاله بي 5000ريال
وقلت ابغاء المساعده منكم وهل اقدر اغيرله الكمبريتر ثاني غير حق الوكاله

السلام عليكم يعطيك العافية أخوي

ممكن إذا ما عليك أمر صور لل roll cage وقواعدة

كم تكلفتة ؟ وكم بوصة الحديد ؟

تحياتي

انا آسف اخوي الخل .. ماظهر الرد لاني داخل من الجوال . مشكور وماقصرت

توي عطيتك في ردي السابق أنها ممكنة، وممكن تركب علبة فيتارا أو تويوتا كراسيدا. شكلك ما قرأت ردي.

لعلبه الدركسون الموجوده بالسوزوكي .. فكرتي اني احولها لطاره هوا او كما ذكرت سابقا لنظام الهيدروليك حتى تسير خفيفه جدا فهل يوجد حل مجرب سابقا لنفس الفكره ؟؟

بديل لأي شيء؟

طيب مافي بديل لها ؟

والله الفضاوة في الدركسيون ممكن تكون أشياء كثيرة مختلفة لا تستطيع أن تحكم أنها من علبة الدركسيون.

أول ما شريت السوزوكي قبل التعديل كنت أعاني من الفضاوة مثلك. لكني طنشتها، ظناً مني أنها من علبة الدركسيون. وبعدين لما رفعت السيارة وركبت نظام أذرعة الدركسيون الجديدة اختفت الفضاوة تماماً، بالرغم من أني لم أغير علبة الدركسيون ولا غيرت القماشة rag joint

ركبت ذراع جديد من علبة الدركسيون إلى الكفر الأيمن، وركبت مساعد دركسيون جديد، وراحت الفضاوة تماماً.

يوجد كت لتحويل الساموراي إلى نظام دركسيون هيدروليك، ويتم تركيب علبة دركسيون فيتارا أو علبة تويوتا كراسيدا قديم موديل السبعينات والثمانينات.

حق علبة الفيتارا هذا هو الكت وهو يشمل العلبة وطرمبة الهيدروليك ومحولها وكل ما تحتاجه:
http://www.lowrangeoffroad.com/index.php/suzuki/samurai/steering/full-sidekick-tracker-power-steering-package.html

لكن يقال أن علبة الفيتارا ضعيفة، يعني على كفرات 33 إنش وطالع ما يجمل. فإذا كنت ناوي تركب هكذا تعديلات فعليك بعلبة التويوتا، وهذا الكت لكنه لا يشمل العلبة لكن ممكن تطلب العلبة من نفس الصفحة بشكل مستقل:

http://www.rocky-road.com/samurai-power-steering.html

ونسيت اذكر اني اخدت مقاعد بلاستك رياضيه جديده للساموراي .. بعد مشاهدتي لها اكثر من مره في معظم السوزوكيات الساموراي المعدله وايضا في انواع اخرى من سيارات الدفع الرباعي ومشابه تماما للمقاعد الموجوده بسيارات البقي . وبعد تجربتي لها وجدت انها قاسيه بعض الشيئ ولكنها مريحه جدا وشكلها جميل وسهله التنضيف وخفيفه جدا. وبنفس الموقع حصلت لها بطانه او تلبيسه متوفره بجميع الالولن لجعلها اليين. وهذه الرابطين توضح شكلهاا
http://hunsakerusa.com/i-12639977-combo-deal-hunsaker-pro-hi-back-bucket-seat-includes-1-seat-w-1-mounting-bracket-set-hardware-part-2300-1b.html

https://www.google.com/search?tbm=isch&source=mog&hl=en&gl=us&client=safari&tab=wi&q=Poly%20Pro%20High%20Back%20Seat&sa=N&biw=320&bih=504

السلام عليكم. كيفك يابو رنا ؟؟
لدي استفسار بخصوص فضاوه الدركسون بالسوزوكي عندي ..
سالت المكينيكي الي اشتغل بسيارتي سابقا عن سبب الفضاوه وشرحلي النظام كامل ومن خلال شرحه تبين انه سبب الفضاوه الي عندي بسبب عطل علبه الدركسون نفسها وايضا من الجلده الدائريه في منتصف العامود عند فتح الكبوت تلاقيها بالمنتصف بالظبط ولتسهيل الشرح راح اوضح شكلها عن طريق الرابط التالي في موقع لو رانج
http://www.lowrangeoffroad.com/index.php/suzuki/samurai/steering/steering-rag-joint.html
فحاولت اني اغير الجلده فقط بس المشكله راح تفضل كما هيا والسبب العلبه . فهل يوجد اصلاح لنفس العلبه ؟؟ او انه يجب تغيرها كامله لانهاء مشكله الفضاوه نهائيا ؟؟ علما باني اود تغييرها لنظام طاره الهوى كما يسموها او اعتقد الاسم الصحيح هوا نظام الهايدرولك. واعتقد انها اريح واخف ..
فهل يوجد توليف لها من سياره اخرى بحكم خبرتك مثل التيوتا او غيره استطيع تركيبها وتكون بنظام الهايدروليك او ايش رايك ؟؟

أخوي الكربريتر ماله دخل في تشغيل المكيف. لكن يوجد في بعض الكربريترات قطعة تشتغل مع تشغيل المكيف عشان ترفع ريس المكينة عند تشغيل المكيف، لكن غياب القطعة لن يمنع المكيف من العمل.

السلام عليكم
كلمت اخي الخل الوافي سابقا اذا كان الكربريتر الرياضي يشغل المكيف في الساموراي أم لا ياليت تاكدلي :confused1:
وعلما ان موديل سيارتي 96 لان فيه ناس تقول فيه اختلاف بين كربريترات الموديل السابق من 89 الى 95 عن ال 96 وفوق .

ما شاء الله، وش المكينة إللي ركبتها؟ كنت تقول لي تبغى تركب مكينة ددسن الظاهر؟

الحمد لله
تم الانتهاء من المشروع وتعديت مرحلة ترهيم المكينه والقير مع وجود الدبل
شكرا ل ابو رنا استفدت من خبرتك ومن هالموضوع

حاليا السياره تمشي وتم اختبارها بمشي متواصل قرابة ال 30 كيلو
لكن باقي ترهيم مروحه تبريد اضافيه و تنجيد من الداخل والرش من الخارج
وتشغيل عداد السرعه والبنزين والحراره وتحسين نظام التعليق وفكرة تركيب مكيف

ان شاء الله انزل صور لكن لما اصلح جهازي لاني الحين اتواصل ب جالكسي