تويوتا تستدعي سياراتها المصنوعة في الصين .. !!

يلا اخذوا هذي عاقبة تصنيع الصين :a1120(82):

للأسف تويوتا تدور الرخيص وتبيع السيارة غالية :a1120(82):

شكرا لك على الخبر..

Another reason why I hate Toyota Cars :a1120(121):

بعد قلبي والله .. :D


اللي يريحك .. تيوتا تيوتا .. :)

^^^^^
هههههههههه
لا و الله أخ و عزيز و غالي و ما نزعل منك
و تويوتا :xyxthumbs:

^^^

نضل اخوان يا بعد قلبي ... ولا تزعل تيوتا احسن سياره على وجه الارض .. هاه وش قلت ؟؟ :D

وين راح ظنك أخي الكريم ؟؟
أنا ما أعتقدت أنك تدافع عن الكوري
انا كل اللي وقفني عن مواصلة النقاش
هو الهدف من وراء كتابة هذا الموضوع بالأساس (( و اللي توضح في الردود الأخيرة ))

أنا مع كل نقاش معقول و موزون و محترم
و لكن النقاش له ضوابط
و أولها ان يبقى النقاش في صلب الموضوع
و هذا الشيء لم يحصل في هذا النقاش
لذلك توقفت

^^^

حياك ربي ..


ابلخص ردي على شكل نقاط :

بسم الله .




ذكرتك بنفسك .؟؟

عزيزي .. اولا انا ما عندي عقدة من شي اسمه تيوتا ..

بالعكس .. فيه سيارات من تيوتا تعجبني جدا جدا جدا .. اولها الاوريون ..

والافلون ..

لكن مو معناة هذا اني ادافع عنها واغالط الحق والصواب في الدفاع عنها ..





ليش !! هل تتوقع ان واحد مننا راح يدخل بجيبه ريال واحد من هالوكلاء ؟؟ :D

كلنا نبي نبين وجهة نظر .. ووجهة نظري ووجهة نظرك شي اساسي لاي موضوع ولاي منتدى ..

ما يقوم المنتدى اصلا الا بوجهات النظر :D

تحملوا قليلا من الفلسفه :D




هذا يحل النقاش :D


كونك انتقلت من بيجو الى سياره يابانيه !!!

كفيل بانك تغير وجهة نظرك ..





طيب الان .. هل كورلا الجديده تستاهل سعرها ؟؟؟

ان بغيت الفخامه والرفاهيه فـ هي تساوي صفر تقريبا ..

وان بغيت العملانيه فـ هي سياره جديده ( شكلا ) .. وفيها تجديد ميكانيكي .. يعين ما زالت جديده وطارئه على المجتمع ..


مثال لابرز عيوبها :

اضيف نظام جديد على الفرامل .. ما اذكر وش هو بالضبط عشان ما اتفلسف ..


لكن بسببه .. اعرف 9 اشخاص (( شخصيا )) .. يغيرون فالفحمات كل شهرين او ثلاث شهور ..

بحد اقصى 4 شهور .. وبعدها انواع الصرصره والتصفير ..

راحوا الوكاله كلهم .. افرع مختلفه .. قالوا هذا شي طبيعي ..

اترك لك التعليق على قضية (( ان جودة تيوتا ما زالت توووووب زي سابقها ))


واعيد واكرر .. والله انا ما احمل كره ولا حقد على تيوتا ..

بالعكس .. نصحت اشخاص كثير كانوا محتارين بين اكثر من سياره .. نصحتهم بتيوتا ..


(( سيارات معينه من تيوتا ))

فـ اتمنى تحطون هالنقطه في بالكم ..






حلو .. طيب اعطيك امثله عشتها انا شخصيا ..


1- عمي عنده مازدا 323 .. اللي هي اصل المازد 3 .. موديل 98 ..

الى الان السياره ماشيه معه تمام ..

وآخر مرة سألته هل صلح فيها شي او واجهته خرابات ..

قال من طلعتها الى الان .. والله ما غير الا زيت واعبي بانزين فقط (( ما شاء الله تبارك الله ))

طبعا وقطع استهلاكيه مثل : فلاتر , فحمات , .. الخ .. عشان ما يجي واحد يقول يعني من اول ما شراها ما غير فحمات ؟؟

لان فيه عقليات محدوده قليلا وتحب الاستعباط :D


--------------------

2- بالمقابل جارنا عنده كورلا 2000 .. استعماله استعمال حشمه والله .. والسياره الان واقفه عند البيت بعد معاناه سنتين من : الحراره , المكيف , السياره تطفى , الكهربا .. وغيره ..



المقصود من هالمثالين مو التقليل من جودة تيوتا .. ابدا ..

المقصود ان مو بس تيوتا هي السياره الاعتماديه الوحيده فقط في هذا العالم :)


وهذي هي النقطه اللي قاعد اكافح واتحمل الصعاب عشان اوصلها لكم :D


لكن مدري ليش مو راضين تقبلون فيها ..

امير الاشباح يعتقد اني ادافع عن الكوري .. وانت تعتقد ان فيني عقده من تيوتا .. وغيركم مدري وش يعتقد :D





شفت كيف التقليل من شأن الوكالات الباقيه .؟؟؟ :D


طيب قل 300 الف .. يمكن تكون صعبه شوي .. لكن 200 الف ؟؟؟

السيارات الكوريه تمشي هالممشى ولا تقول وقف :D


طيب اعرف واحد يصير ولد عم صديقي .. معه مازدا 3 موديل 2005 وماشيه معه 160 الف ..

يغير : فحمات + زيوت + فلاتر فقط .. وفقط لا غير .. من يوم شراها من المعرض (( مع العلم انه شراها مستعمله بعد )) :D


-----------------------------------


انا اطرح وجهة نظر .. انت تطرح وجهة نظر .. مو لازم ان واحد يقنع الثاني ...

يمكن نطلع وكل واحد ما زال مقتنع برايه . ونظل اخويا وحبايب ..


لكن اهم شي لا يدخل بيننا اسلوب المكابره واسلوب ( انا الصح وانتوا غلط ) ..


واسعدني الحديث معك :)

ما ابغى اقنع احد لانه ما راح يدخل في جيبي ريال من الكلام اللي راح اقوله بس حبيت اوضح ( وجهة

نظري ) لانك ذكرتني بنفسي زمان اول ماسجلت بالمنتدى كان عندي بيجو 206 وكنت متعقد من شي اسمه

تويوتا ولما شريت كورولا تغيرت نظرتي كليا لكن مو ذلك الدرجة لما تقول لي ( شاص بدركسون و50 الف ) ؟

ربنا عطانا عقل ان شفت السيارة تستاهل السعر شريتها اما لو شفتها غالية او ما كان بأستطاعتي شرائها فـ راح اتجه لغيرها واولها نيسان ،،،

والسيارات اللي قلت عليها كلها عملية وتقطع مسافات كبيرة لكنها تتهربد ولما تسوقها تحسها مهربدة

على عكس تويوتا تمشي 200 الف او 300 الف كلم وانت مرتاااح والاهم من كذه مكيفها تبقى باردة

ولاتتأثر مع مرور الزمن ( جيب لي واحد معاه مازدا 3 ) وماشية فوق 200 الف ؟؟؟

( اسعدني النقاش معك )

تحياتي ،،، :xyxwave:

ابو سراج ..

قسم بالله اني ضحكت على ردك .. الله يجعل الضحكه ما تفارقك ..

يعني هل تبي تقنعني الان .. ان من بين الصناعه اليابانيه كلها .. مافيه سياره جمعت المواصفات والرفاهيه + القوه والتحمل ؟



وين راحت اللانسر ؟ وين راحت الصني ؟؟ وين راحت المازدا 3 ؟؟ وين راحت السفك ؟؟


يا عيني عليك .. اجل اللي يشتري تيوتا يشتريها عشان الكرف بسس ..


على كلامك اعتقد لو جابوا لك سياره شاصي + كرسي ودركسون وتباع بـ 50 الف لكنها تيوتا ..

بتقول اشتريها لانها اعتماديه !!!



هذا النوع من المعتقدات هي اللي خلتني اتكلم في هذا الموضوع اصلا ..

8888

جابها ابو سراج اللي ما قرأ الرد يعيد عليه

بس لا تركزون على كلمة معدومة المواصفات فقط من باب المبالغة :)


و ختمنا الموضوع :xyxwave:

ياحبيبي ادري انها تايوتا لكن تعال وشوف اسعارها

كورولا اللي هي تعتبر من السيارات ( الصغيرة ) سعر السياحي منها 55 الف وانت طالع

و 75 الف للفل كامل هيا قول لي اللي يفكر يشتري سيارة صغيرة بهذا المبلغ وخاصة الفل كامل

بالله ما ايحس انه يشتري مازيراتي :bigggrin: ؟؟؟

واللي يقول ان التويوتا ما فيها موصفات ورفاهية

اقول ان الشركة تنتج سيارة اعتمادية اغلب اللي ياخذون السيارة يبغوا يكرفوها كرف الحمير ( تفحيط على مطبات ويوم مع السواق وتطعيس بدون صيانة ) يعني بالعربي سيارة كد وآخر شي يفكروا بالموصفات

وانا اتفق مع الاخ ياسر صحيح جودة التويوتا مو زي اول لكنها افضل الموجودين حاليا


انا دفعت مايقارب 50 الف ريال على الكورولا وكنت متحسف على المبلغ لان السيارة محركها

صغيرة ولا فيها موصفات وكان بامكاني اشتري التيما سياحي بـ 53 الف ( وقتها سنة 2007)

او سوناتا بـ 51 الف لكني فكرت في سيارة تقعد معي 10 سنوات على الاقل ولا افكر لا

بالصيانة ولا بالمطبات الي يوميا آكلها ولا بالخرابات او المشاكل الكهربائية لذلك وقع اختياري على الكورولا <<<< بس عاد حكيت قصة حياتك :bigggrin: ،،،

ادري اني خرجت عن الموضوع شوية بس علشان اوضح للبعض ليش الواحد يدفع مبلغ وقدره على

سيارة معدومة الموصفات

تحياتي ،،، :xyxwave:

ما شا الله عليك ذيب .. قافطه :D








معليش نقطه .. المفروض تكتب ( ملاحظة ) مش تنويه ..


ثاني شي جالسين نقرق سنه عن السبب .. ثم تجي مدرعم وتسأل نفس السؤال ؟؟

ارجع ورا وبتلقا السبب .. بعدين محد جاب طاري كره تيوتا ..:c0038:







قسم بالله حسستني اننا نتكلم عن استون مارتن ولا مازاراتي ..

تراهي تيوتا يالحبيب :)

شف التكاسي والباكستانيين المساكين اللي حالتهم اقل من البسيطه ماخذين تيوتا آآآخر موديل ..

:D

يعني مافيه احد ما يطولها .. :bigggrin:








يا حبايبي لا تدخلونا بمواضيع مالها دخل ..

انا جبت طاري الازيرا مو عشان اقارن بينهم .. معليش الازيرا والله ما تصف جمب تيوتا ولا تصف جمب الياباني بشكل عام ..

لكن انا ضربت مثال ردا على الاخ الغالي امير الاشباح بانه يقول ان الناس شابين على تيوتا ..

جبت له سالفة قد حصلت .. ولو فيه شخص قديم شوي بالمنتدى راح يذكرها ..


رجاء لا تدخلون مقارنه كوري مع ياباني لان لا الموضوع له دخل .. ولا القسم بعد ..


يعني كل واحد يولع النور اول ما يدخل ويهدي شوي :D



وزي ما تفضل الاخ ياسر ان جودة تيوتا قلّت . محد ينكر هذا الا انسان ما يبي الصح ويبي يثبت رايه غصب ..


اما بخصوص الموديلات القديمه جدا .. فـ مازالت سيارات نيسان ومازدا وغيرها تمشي الى الان بـ أتم صحه وعافيه :D


مو بس تيوتا ..


الصناعه القديمه هي الجوده الصح ..


صوما هنيئا وافطارا شهيا حبايبي ..:xyxwave:

خطوط الانتاج مخصصة للأسواق الصينية المحلية فقط .. لتقليل من سعر السيارة والتخلص من الجمارك لكي تنافس في السوق المحلي .. واعتقد بأن الكامري الصينية هي الاوريون عندنا لكن بمحرك 4 اسطوانات ..

وياك ان شاء الله

بس انا الاحظ سيارات تويوتا بالذات تفتقر الى المواصفات وغاليه جدا

لذلك حبيت اوضح انه فيه بدائل رائعة بس الناس مافتحوا عيونهم شوي

الف شكر

momo777

انا سألت سؤال بسيط جداً تختار ازيرا و الا اوريون لو كانو بنفس السعر ؟؟

و انت عطيتني اجابة دبلوماسية الله يرضى عليك

تحياتي لك :)

1- ميتسوبيشي لانسر فل سعرها 70 الف بس وتكرف عن خمسين كورلا مقلده زي اللي الحين

وياباني ياباني موب من جميع الجنسيات ... وفيها مواصفات لو موجودة بالكورلا كان يبيعها عليك ابوجميل بـ100 الف اقسم بالله يكفيك الجنط 18 والقير CVT
وتحكم بالقير من الطارة وصب ووفر 650 وات ومسجل 6 سيديات ومداخل اوكس ودواسات رياضية
وحتى فيها بودي كت رياضي كامل وجناح شبيه بجناح الايفولوشن .... ولا تنسى كل هذا بـ70 الف
تذكر السبورت ايفو بكم يبيعها عليكم ابوجميل خخخخخخخخخخخخخخ وهي كلها شغل غرابي :a1120(86):

2 - مازدا 6 اليابانية فل سعرها 95 ألف وفيها مواصفات تحفر تصير بالأوريون قبل عشر سنوات :bigggrin:
اذكر منها للمثال لا الحصر نظام استشعار الامطار ونظام الـAFS الخاص بالمنعطفات والذي يسمح لعدسة الاضاءة بالتحرك باتجاه انحناء السيارة وايضا الباب الخلفي للهاتش باك يعمل بنظام الشفط بالكامل وايضا زنون عالي واطي ونظام بوز السمعي مع تسع سماعات ....

هذي أمثله بس

المثال الأول وهي اللانسر هو بالتأكيد أفضل سعرا وجوده واعتمادية وحتى شكلا من الغبيه الكورلا

المثال الثاني وهي المازدا 6 بالتأكيد أفضل من سيارة التكاسي ونقل الجاليات الكامري ( أم التنسيم )

المثال الثالث أخليك انت تبحث بعد ماتنظف مخك من زيف وخداع تويوتا

تحياتي

و الله تويوتا هي العز لكن العلة بالاسعار

و الباقي سلم لي عليه

ياللي تمدح الكوري جاوبني و ها أنت صائم

لو خيروك بين الازيرا فل كامل و بين الاوريون فل كامل شاشة ملاحة
و بنفس السعر أيهم تختار ؟؟؟







لنفرض معك 100 ألف ريال جبتها بتعبك و جهدك و تبي سيارة لك و للزمن و لا تفكر تبيعها قبل 10 سنوات

ماالذي ستختار بصدق و أمانة ؟؟؟؟؟

تعرفون متى تقدرون التويوتا ......

لم تشتغل في الصناعيه ((( بجده ))) وتشوف الزباين هم وسيارتهم ومشاكلها

واللي يقول ليتني ماخذتها وواحد يقولك غشوني فيها......

والمشكله كلها يا 2008 او 2007 واللي يقولك الصيانه رديئه وواحد يقولك ماعندي

فلوس القطع ((( مافيه الا اصلي او مستعمل اصلي ))) .

ولو تبغون امثله عندي لليل ......