عند الوقوف عند الإشارة والقير في وضع D وانا ضاغط فرامل بريك
السيارة ترجف وترج رجه مو قويه ولا خفيفة لاكن تحس فيها
والمكيف يصير يطلع بخار خفيف لاكن يبرد
ولما مشيت فيها تقريبا كيلو ولعت لمبة تشك انجن
رحت للقرعاوي في بريدة حق صيانة فورد وقلت له شيك عليها كمبيوتر
شبك عليها جهاز تحت الطارة وقعد يفرك في جهازه هو فلبيني
الرجه لما جيت لمه كانت غير موجودة اختفت
بعدين طفت اللمبة حقت التشك انجن وماخذ ولا ريال . خايف يكون خرب شي في الكمبيوتر ولسان حاله يقول الوعد بعدين ترجع لي وأخذ القيمة مدبلة خخخخخخخخخخخ لأنه يضحك ضحك غدر يخوف
بس هو طفا اللمبة بعد ماشبك الجهاز
خايف يكون طفا اللمبة نهائياً وماراح تشتغل لو خرب شي ثاني معي ..
أو يكون سواء بنج وسكت المشكلة وبعدين تكبر وابتلش بالموتر بكبره
لأنه ماحلها هو يقولي انه تكلف 400 ريال تصفية مكينة وتبديل اسلاك بواجي وصفاية بنزين بدون قطع غيار
علما اني من زمان ماغيرت صفاي البنزين الصغيره الي تجي بنصف الموتر ولا اسلاك كويلات مادري بواجي من زمان
المشكلة ماحسيت فيها الا اليوم بس
اتمنى الي بيساعدني يقراء كلامي زين علشان يفهم المشكلة قبل يرد علي لأني ابي حل نهائي مابي اغير شي ماله داعي لتغييره واتخسر
وش السوات ياناس ابي شوركم والله يعطيكم العافية مقدماً
