وعليكم السلام ورحمة الله وبركاته وحياك الله
أخوي أبشر بالخير وصدقني قليل تلقى مثل هالمنتدى في خبرات الشباب اللي فيه وتعونهم وكثرة المعلو مات المتوفرة وإن شاء الله ماتخيب إستشارتك..وإليك نصيحتي:
أولا / لاتستعجل وثق بالله عزّ جلّ وأنه تعالى هو المدبر سبحانه وإسأله أن يوفقك بالسيارة الجيدة التي تحقق مطلبك وأن يجنبك شر كل حرامي وغشاش.
وثانيا / إذا كنت تبي أمريكي وملزّم فلا تخرج عن نطاق الفورد أبدا مهما كان الاغراء إذا كنت تبي سيارة تكد وماتتعبك بإذن الله....لكن تذكر أن الفورد مهما كان جيد فماهو مثل الياباني من هالناحية .
ثالثا/ الصالات هم أساتذة الحرمنة والكذب والدجل ــ إلا من رحم ربي ــ وأغلبهم أكثر غش ومبالغة في الاسعار من الشريطية و المعارض , وكن على ثقة أن أي سيارة (بطاقة جمركية)تطلعها من صالة أو معرض لو عرضتها بنفس اللحظة لأكتشفت ان سعرها الحقيقي في السوق أقل من اللي دفعت فيها بـ15% على ألأقل , يعني اللي سعرها عندهم 50 الف مثلا ماتسوى في الحقيقة أكثر من 40 ـ 42 ويمكن ماتوصل حتى 37 ألف !!! لاتستغرب صدقني هذا شي مؤكد :c0038:.
إذا ما هو البديل الأفضل ؟
البديل هو أنك تتريث وتبحث عن سيارة مناسبة تشتريها من صاحبها اللي مثلك لاهو شريطي ولاصالة ولامعرض...شخص مثلك محتار وكاره حرمية السوق ويبحث عن مشتري جاد يعطي سيارته قيمتها المعقولة وعندها يبيع , وهذولا ما أكثرهم هاليومين وإسألني...والله من أكثر من سنة كل ما دخلت السوق أبحث عن سيارة أو أبيع سيارة لقيت السيارات مكدسة وأصحابها يبون بس الزبون الجاد يقول بكم..!!! ولايلقون الاهالشريطية اللي أغلبهم مايخاف ألله ...لو تقول له خذها ببلاش قال لك عطني عليها ألفين وآخذها :smilie20:!!!؟؟ المهم هذولا بتحصلهم بجدة وغير جدة طول المملكة وبعرضها , وكذلك في المنتديات والصحف بتحصل ناس عارضين سياراتهم الشخصية وبياعين وهذولا أفضل لك من غيرهم إختار السيارة وإفحصها وتوكل على ألله
هنا ممكن تجي فبالك مسألة الضمان اللي يغرونك فيه أصحاب الصالات...أقول لك :
حكاية الضمان هذي ــ ولعلم الجميع ــ ممكن تقول أنها أكبر نصبة ينصبونها علينا ...كيف؟
نتركها برد لاحق إن اء الله لأني طولتها عليكم أدري والله بس حبيت أفيد قدر ألإمكان وسامحوني عالإطالة
