صوت ازييييييز في اليوكون2009؟؟؟!!!!

اخي ابو زيد الهلالي
انزل و طل تحت ستجد زي الطرمبه و كالع منها انبوبين بلاستك ضعيفه جدا عند الكفر الاحتياطي من جهة الرفر الخلفي الايمن الي عنده فتحة البنزين :xyxwave:
الي اعرفه انه اساسي بالدينالي و كذلك جميع فئات SLT (SLT1 ,SLT2) وسلامتك
كثير من الناس ياخذ الاكسسوارات الخارجيه عند المقارنة بين اليوكن و التاهو وينسى المواصفات الميكانيكية.
اي خدمة حاضرين

انا حبيت اضيف ان الصوت موجود في اليوكن عندي

وفي الحقيقه ما لاحظته الا بعد ماشفت الموضوع


بس الاعضاء ما قصروا اعطوا تحليلات منطقيه واتوقع انه امر طبيعي وموجود في كل انواع اليوكن



ولكن اللي ابي اعرفه هل المساعدات الغازيه او الهيدروليك موجوده في جمع انواع اليوكن ؟؟ او فقط على الدينالي ؟؟


انا اللي عندي دبل فقط

بدون فتحه وبدون دي في دي ومخمل

معلومه مهمة يعني هل اليوكون يتميز عن التاهو بالهيدروليك و لالا ؟ لان اغلب اللي يشترون يعتقدون ان فقط شكل و اكسسوارات

اخواني بليز جاوبوني

بيض الله وجهك , معلومه حلوه + مهمه بالنسبه لي .

^^^^^^^^^
مثل ما تفضلت أخوي هذا اللي موجود على كذا الصوت طبيعي صح....؟

قالوا لي الوكاله سيارتك فيها من الفل كامل ومن ضمنها الهيدروليك ينفخ عن طريق دينمو بعلبه موجوده عند الاستبنه

^^^^^^^^^^^^^^^
مساعدات الغاز اساسية في الدينالي و كذلك SLT بجميع درجاته اتكلم عن اليوكن
و من اجل ان تتاكد انزل و شوف من خلف الكفر الايسر الخلفي شيك على الاستبنه اي الكفر الاحتياطي تلقى طرمبة محموله ببلاستيكه اذا شفتها اعرف ان مساعداتك هواء

لحظه لحظه , انا اللي فهمته في اول الموضوع انك لما تحط المفتاح وتحط وضع الاستعداد للتشغيل ( اللي هو تشغيل انوار الطبلون ) فقط بدون ما تشغل السياره . في هذي اللحظه هي اللي قصدي فيها ان الصوت اللي يطلع من طرمبه البنزين , لكن اذا على كلامك بعد ما تشغل السياره فـ صراحه ما ادري , لكن قد مرت علي في ميركوري 2009 يطلع نفس اللي وصفته لمده خمس ثواني ويروح وطبعا هو صوت الهيدروليك . لكن في سيارتك ما ادري صراحه , واللي اعرفه ان الهيدروليك يجي في فئه ( يوكون دينالي ) فقط .

بارك الله فيك ابواياد

لا والله ما ني بموسوس سيارتي السابقه اللي معي فكتوريا لاعنن ابو جدها وما شاء الله اروح فيها واسافر وما فيه اي مشكله ما ادقق واضحك على الشباب اللي يتحسسون عرفت وشلون هذا من ناحية الوسوسه...........

وبالنسبة لصوت القير والطقه هذي الشباب بالعيسى استغربوا منها وعلى فكره كانت سليمه بس بعد ما مشت 300كيلو بدأت الطقه واللي أكد لي ذلك واحد من العيال معه نفس سيارتي شاريها من الجميح ركبت سيارته وفريت بها وما فيها شيء ما شاء الله تبارك الله

الوكاد ما قصرتوا والله لا يحرمني من الجميع وان شاء الله اوافيكم اول باول بعد ما اطلعها

الله لا يحرمكم الاجر ............ آمين

السلام عليكم

قبل لحظات رحت لسيارتي وفعلاً الصوت موجود لمده ثلاثه ثواني

والحقيقة أنا ما أعرف الصوت حق إيش
بس مادام إنه موجود بسيارات الشباب كلها فهذا يدل على أنه طبيعي إحتمال يكون طرمبة بنزين وإحتمال يكون هيدروليك مع إني مع أتوقع السيارة فيها هيدروليك ( سيارتي lt1)
مهما كان سبب الصوت المهم إنه عادي ولا يعتبر خراب .

بالنسبة للقير فسيارتي 4 نمر ولا عندي خلفية عن القير 6 نمر

هذا بالنسبة لطقة القير

أما إهتزاز دعسة البنزين فأكيد إن فيه شي بالسيارة ولا بد يتصلح

هذا إذا كنت ما أنت موسوس :tongue:

أتمنى إني أكون أفدتك بما لدي من معلومات ويبقى الرأي الصائب لأصحاب الخبره

وعندي نصيحة قلتها لكثير من الشباب (((لا توسوس)))
لأنك إذا وسوست كل حاجة بالسيارة بتحس إنها خراب

الصوت بعد ما اشغل السياره ب3 ثواني يطلع الصوت اززززززز قررررررررر لمدة 3 ثواني




الشيء بالشيء يذكر اخوي هههههههه
يعني افهم منك ان الصوت هذا عادي اللي هو الازيز حق الهيدروليك؟

بالنسبه لصوت القير بعد 300 كيلو اذا شغلت السياره اول ما احرك النمره الاولى والثانيه احسها بالمكينه من تحت وبدعاسة البنزيزين لدرجه بترجف رجلي وبعدين عادي يروح الطقه هذي اوقف امشي بشرط ما اطفيء السياره لما اطفي السياره لو دقيقه والا يوم واجي اشغلها ثانيه ترجع الطقه والصوت لما احرك بالنمره الاولى والثانيه

اتمنى اني اعرف وش السبب لاني رميتها عليهم العيسى وقلت بالحرف الواحد:a120(115):((لا اجي يوم الاحد الا وكل شي تمام :a1120(82):)) عشان كذا ابي اعرف من خبرتكم لا يهكون علي ابي اصير على وضح النقا:smilie16:

الحين وش السالفه :bigggrin: الموضوع عن صوت الازيز وفجأه تحول على صوت طقه القير صح ولا لا .؟

عموما صوت الازيز قلتها في ردودي السابقه بتلقاه في كل الجموس . اما القير وش نوع الطقه اللي فيه .؟ هل هي قويه لدرجه انك فعلا تشك فيه .؟ لان قير موديلات 2007 و2008 4 نمر والتعشيق حقه مافيه لا طقه ولا شي , اما الـ 2009 فـ تحس انه فيه سرعه بالتعشيق او سرعه في تجاوب القير وخصوصا في النمره من 1 الى 2 فاللي مايعرف للجمس بيتوقع انها زي طقه او ان القير فيه شي .

الصوت و انت ماشي ولا إذا حطيت المفتاح بالسويتش بس ؟

هذا صوت الهيدروليك واح تحصلة خلف الاطار وتحت تانكي البترول مغطى بجلد

^^^

فعلا الجمس اذا دققت فيه فما راح تتهنى فيه

و هي مثل اغلب الأعضاء اما طرمبة البنزين او دينمو المساعدات الخلفية

يمكن بالفعل صوت المساعدات
لأنو الصوت جاي من الخلف وجرب أنك تشغل وتروح
وراء السيارة على طول وراح تسمع أصوات نفس الشي ،
<< تصدق عاد أني ما أهتم لها الأمور لأنو التدقيق
يذبح الواحد وإذكر الصوت هذا في كم جمس
كانو مع الوالد ،:rolleyes1:

يعطيكم العافيه وما قصرتوا

مثل ما قال اخوي saudi-man صوت دينمو المساعدات الخلفيه يعني نفخ الهيدروليك

امس الاربعاء رحت للعيسى تشييك ما بعد الالف كيلو وبنفس الوقت قلت لهم عن الصوت اللي بالخلف وثلاثة سعودييين قالوا لي عادي الصوت هذا الهيدروليك ينفخ هوا اوحاجه زي كذا وقالوا لي انت سيارتك شبه فل كامل ناقصه فتحه ونافيقيشن ودي دفي دي وهالصوت يطلع بالللي فل كامل لان اليدروليك يجي معاه دينمو ينفخ الهواء فتصي السياره تتحمل اي شي تحمله بدون ما تنزل وهذا صوت الدينمو لما ينفخ الهيدرو ليك قلت ما بعد شلت عليها شي وبعدين ما طلع معي الصوت الا بعد تقريبا 300 كيلو من ممشاها:c0214: بصراحه ما اقتنعت:c0038: وبعدين عندي صوت اذا شغلت المكينه اول ما احرك طقه بالتبديل الاول والثاني وش تتوقعون تصير :confused1: لاني وقفت السياره عندهم وقلت لا اجي يوم الاحد الا وهالصوت مختفي:a120(115): حق القير

عاد رايكم تتوقعون صوت هالازيز مرتبط بالهيدروليك وعادي وهل فيه سيارات مساعداتها عادي بدون هواء هيدروليك يعني نفخ ؟


نوروني لا يخفون بي يالربع وانا بانتظاركم.........................

الصوت أول ما تفتح السويتش على الاخر

اليوكن مساعداته الخلفية نيوماتيك يعني هواء الهيدروليك زيت مثل المرسيدس :ch19: