صوت ازييييييز في اليوكون2009؟؟؟!!!!

هذا الجموووووووووووووووس كلها اصوات ومن موديل99ونازل لازم جغجغجغجغج

هذي العلامة الفارقةللجموس من ايش مادري هالصوت وش علته

اقوووووووووووووووووووووووووووولك خذ ها مني اليوكن بدي لاتعليق

ممكن يكون شي في البدي ملتصق بشي اخر وطرمبة البنزين احتمال70%

هذا عندي الصوت بس مو دايم يطلع طبعا تسدحت تحت هاليوكن لما عرفت السبب بالنسبة للعندي
السبب طلع من طرمبة المساعدات
و اذا حملت السيارة بحمولة يطلع و بعدين يوقف
هذا الله يسلمك فيه حساس يوزن مستوى السيارة حتى لاتكون هابطه من الخلف موقع الطرمبه عند الكفر السبير من جنب السواق
وفيه بعض السوبربان يطلع لها مثل هذا الصوت بس كانت بالسوبر حق الوالد زمان كان موديل 97 و هو جديد كلمت الوكاله قالوا انها الطرمبه حقت البنزين
المفيد انها ياطرمبة البنزين يا طرمبة الهواء حق المساعدات
اذا اليوكن عندك مافيه مساعدات هواء فشيك عند الوكالة ليكون طرمبة البنزين فيها شي
على فكرة طرمبة البنزين عندي مالها صوت

أخواني بارك الله في جهودكم ولا حرمكم الاجر

فعلا ً طرمبة البنزين ،
ممكن تكون المسبب الرئيسي للصوت هذا وهذا من واقع تجربة ،
مع جمس كان معاي ، كم مرة يطفي من نفسه وتعال شف الشباب
كل واحد يتفلسف الحاصل قلت للوالد قال إذا طفى طق التانكي من تحت
إذا أشتغل تراها الطرمبة غيرها
ولا عاد تنزل البنزين عن الربع << قلت وش دراه ذا :bigggrin:
بالفعل غيرتها وبديت ما أنزل البنزين عن الربع
وأستمرت معي سنوات الين بعته ونفس القضية
مع كابريس95 كان مع أخوي ,انتم تعرفون أنو النوع
هذا من السيارات قضيته المتعبه والوحيدة هي الطرمبة ،
المهم صلح نفس التجربة وضبط معاه كل شي ،
يعني لا ينزل البنزين عن ربع التانكي
لو تظطر تشيله للمحطة بـ (سطحه :bigggrin: ) ،
ولا تنسى أنو عملية أصلاحها متعبة وتتطلب فك
التانكي من تحت وأستبدالها وقد تكون خطرة
لأتنها تسبب الحرائق إذا شاء الله ،

ياطويل العمر لو تعبيها ببسي برضو الصوت فيك فيك . هي كذا طبيعيه في اي سياره يعني ريح بالك :bigggrin:



شف ياطويل العمر , اولا هالمعلومه جايتني من واحد خبير انه يفضل تنتظر شوي بعدين تشغل ,

وقد صارلي شي باللومينا خلاني اتبع هالشي , طبعا باللومينا احط المفتاح وعلى طول اشغل فـ صارت احيان لما اشغلها كذا وامشي تأشر لمبه بالطبلون وبعدها بشوي حراره السياره ترتفع والمراوح ما تشتغل , اطفي السياره وارجع ادق سلف بس اسمع صوت المراوح تشتغل وشغلت السياره عقبها ونزلت الحراره , هالحركه صارت لي ثلاث مرات , ومن عقبها صرت احط المفتاح وانتظر شوي همن اشغل والى يومك ذا ماصار شي ولله الحمد , فأنا من باب الحرص مني طبقتها على التاهو بعد عشان اريح راسي بس .

معلــومة مهمة يالغــلا تحتاح الى الانتباة اليها

اخوي قضية النغمه عند التشغيل تعتبر اشارة لبداية التشغيل وانطلاق الدائره الكهربائية بالمركبة وليس هناك ضرر واضح للانتظار حتى انتهاء نغمات التشغيل، اما فيما يتعلق بموضوع طرمبة البنزين فأن ظهور صوت فجائي لطرمبة البنزين أو ارتفاع صوتها بإستمرار اشارة الى وجود مشكلة فيها ولها مسببات منها:

- عدم تعبئة خران الوقود الا عند انتهائه مما يؤدي الى دفع الاوساخ المتبقية الى نظام الحقن الالكتروني بالمركبة.
- اتساخ فلتر البنزين الموجود داخل خران الوقود نتيجة تعبئة الوقود والخزان فارغ أو التعبئة من محطات ذات وقود غير نظيف مما يسب صعوبة للطرمبة في دفع الوقود.
واذا كانت سيارتك لايوجد بها تقطيع والطرمبة لايزيد صوتها بل ثابت فربما تخدم الطرمبة مدة زمنية قد تصل لسنة أو اكثر.
[/CENTER]

الله يعينك

فلفلت البنزين ونفس الصوت الازيز ما راح:blue:

يعني البلى بالطرمبه ...........


وش الدبره ودي اعرف البلى وشو؟

اخوي بارك الله فيك يعني فيه ضرر اذا شغلتها مع صوت النغمه اعتقد سيارات الديزل هو اللي تنتظر لين تخلص النغمه

يعني فيه ضرر باليوكون ؟ وشهو نوع الضرر؟

دائرة الخبره بدأت تتسع وكل هذا بفضل الله سبحانه ثم بمشاركاتكم جعله الله بموازين اعمالكم

^^

اختصرها لكم :bigggrin:

ويفضل انك ما تشغل السياره لين تخلص صوت النغمات الخمس اللي تطلع لما تحط المفتاح وتدفه مره وحده قدام .

فعلا هذا صوت طرمبة البنزين وهذا صوتها الطبيعي جدا

هذا و هي داخل التانكي اجل كيف لو سمعتها وهي خارج التانكي ... جرب تسمعها !!!

فعلا عندي البنزين على الربع مثل ما قال اخوي ابو دانه راح اراقب

على العموم بارك الله فيك اخوي لا انحرمنا منك ولا من الاخوان

^^^
كلام جميل ،
والله يمكن الطرمبة لأنو الصوت مو دايم
بس راح اراقب عداد البنزين،
شكرا ُ يا بطل ،

الله اعلم افيدونا يا اهل الخبره في اليوكن