المساعده ياخوان في الاختيار بين التورس والافالون

انا متاكد ان في سؤال يجول في خاطركم
اللي هو ان سيارتي القديمه السوبارو رياضيه
كيف انت تبي تتزوج وماتبغا سياره رياضيه ؟؟ (( هذا هو السؤال ))
اول شي ماتدري القدر وش مخبيلك بعدين السياره شريتها من حر مالي يعني لو يصير اللي يصير ماراح اغيرها او ابيعها فبرضوا كنت اعشقها لكن الان قدر الله وماشاء فعل بعد ماصار وفقدت السياره فالوالد قرر يشتريلي سياره هبة وهدية منه لااجل سلامتي ...

فهذا اللي خلاني اقرر اشتري سياره سيدان كبيره وفخمه فهذا هو السبب اخواني ..
ارجوا ان تكونوا تفهمتوا الموقف ..
واشكركم جزيل الشكر على ردودكم اللي تبشر بالخير واللتي تفعمني بالامل ...
فدمتم بكل خير وبكل ود ...
وتقبلوا تحياتي ... سوبارو قديما ..

اخي العزيز الفورد توريسس 2010 نازلة عندنا في امريكا منذ 6 شهور واكثر لحد الأن
لايوجد اي شكاوي او عيووب تذكر في السياررة وللعلم السيارة حصلت على جوائز عديدة
وتتميز بتقنيات عالية جدا خاصتا لفئة ليمتييد

لو كنت مكانك كنت اخترت توريسس شكل جديد جميل فخامة تقنية عالية

لكن يبقى الأفضل تروح الوكالة وتجرب السيارتييين


وايضا تبقى افالون سيارة رائعة جدا وفخمة لكن مشكلتها شكلها قديم ويتغيير

الله يسلمك ويحفظك يالغالي من كل شر ومكروه
والله يعوض على الجميع انشالله..

انشالله سوف احسم القرار عما قريب فنسبة قراري هي الى الان :
45% افالون
65% تورس ( لكن الصبر مفتاح الفرج ) نصبر ونشوف ...
اسعدتني بمرورك ...
دمت بود ..

الحمد الله الله يعوضك احسن منها وحمد الله ع السلامه

وانا انصحك الفورد تورس مواصفات وجوده وبتكون مميز بين الناس :wink:

تقبل شكر وتقدير اخوكم { mr.nawaf }

حياك الله ابو اسد
مثل ماقلت الاقوى طبعا الافالون لكن انا بشكل عام القوه لست مهتم فيها ذالك الاهتمام بل اهتمام بسيط فانا ابغا الكشخه والرزه ...
ثقتي بتويوتا عاليه فهذا اللي خلاني انظر للافالون بجكم جودتها لكن السعر عن اعادتها للبيع غير مهم بالنسبة لي ولكن سيبقى التورس الافضل بالمواصفات والشكل ..
اللي اتكلم عنها فئة الليمتد ...
بعد الاستخاره انشالله سوف اقرر لكن تبقى المنافسة قوية ...

طبعا اكثر شي عشقته في السوبارو الشكل القديم فارى انه افضل شكلا واحلا بالمنظر لكن الجديدة سارت افضل من ناحية الوسع فقط اما من ناحية الشكل فالقديم احلا بنظري ...
فانا اريد سياره كبيره لاني مقبل على زواج فهذا اللي موقفني بشكل عام على السيارات الرياضيه كالسوبارو جي تي والتشارجر والمكسميا وغيرها ...
اشكرك على حسن ردك ...
دمت بود ...

انا لم اشكك في قوة ومواصفات التورس لكن السياره جديده ف الى الان لم تظهر المشاكل اللي فيها ...

فانا متخوف منها لكن الاعضاء اللي جربوها انشالله مايقصرون معاي ..
فالان اللي في بالي التورس الليمتد ...
لكن الافالون تبقى الافضل بالجوده .... هذا اللي محيرني بينهم ..
دمت بود ....

الله يسلمك ويخليك لااجل عين ترجيك
الحقيقه اسعدتني بمرورك وعلى سعة صدرك وردك المتواضع
لكن سيارتي القديمه لاتتعوض ابدا لان اللي اشترى شي من حر ماله يحس بطعمه جلست اشهر اجمع كل قرش عشانها
لكن السياره الثانيه فهي هبة وهديه من الوالد حفظه الله لااجل سلامتي ارجوا ان تكون قد فهمت الموقف عشان كذا سيارتي القديمه ماتتعوض ابدا ....

بصراحه الباسات اختيار حلو لكن السياره لم تعجبني فكل واحد له وجهة نظر
اما عن الفورد فكرت فيها ال sho اللي ابعدني عنها انها رياضيه فانا ابغا شي رسمي لاني مقبل على زواج انشالله فالافضل برأيي فئة الليمتيد ..
اما عن التشارجر فهي ايضا لم تعجنبي شكلها غير متناسق اما بالنسبه للداخليه لم اجد فيها الفخامه لان داخليتها سبور ..
ياليتني مغامر كان ماقارنت بين التورس والافالون ..
بدون تفاهم التورس...
لكن اللي يسئل مايضيع....
انشالله راح تشوف اللي يسرك وتشوف التورس بجنوط برتقالي بعد هههههههه
اسعدتني بمرورك .....
دمت بود ...

التورس فاقت كل التوقعات ولكن السياره جديده لم اثق فيها تماما لكن ناخذ راي بعض الاعضاء اللي جربوها وارائهم عنها

وانا قارنتها مع الافالون بسبب الجوده اما في الشكل والامان فالتورس والمواصفات فالتورس تفوقت بجداره ...

دمت بود ...

الله يسلمك ويحفظك يالغالي

واحد من الزملاء اشتراله مكسيما قبل اسبوع وانا شفتها وجربتها لكن المشكله انها السياره توها نازله السياره كانت فيها رجه بسيطه والمسجل كان مو صافي فيه وشوشه طبعا لاحظت الشي هذا بعد شراءه السياره ب يومين فالرجال حب يتطمن على نفسه قام باعها عشان المشاكل اللي فيها
انا ماقولك ان المكسيما كلها مشاكل لكن السيارت الجديده الدفعات الاولى كلها مشاكل فهذا اللي صرف نظري عنها وبعدين هي رياضيه وانا مقبل على زواج ...

دمت بود...

الي يقول أن التورس أقوى حبيت أوضح للجميع

قوة التورس العادية 265 حصان والأفالون 268 حصان

قوة التسارع من 0 إلى 60 ميل/ساعة
التورس 7.8 ثواني! ،،، الأفالون 6 ثواني

مصدر تسارع التورس هنا
http://www.insideline.com/ford/taurus/2010/2010-ford-taurus-limited-full-test.html

ومصدر تسارع الأفالون من موقع تويوتا نفسه كانو كاتبين أن تسارعها 6 ثواني أو 6.1 ثانية

وشوف الفرق البسيط جدا بالأحصنة

وهذا يدل على أن ارقام الحصان الامريكي ما تقارن بالحصان الياباني :ch19:


مواصفات التورس أكثر من الأفالون وبصراحة مواصفاتها جديدة ومدهشة

حقيقة ثقتي بتويوتا أكثر ويميزها الوكيل وقيمتها أثناء أعادة البيع لكن مواصفات التورس محترمة (أن كنت تتكلم عن الفئة الي يجي فيها نافيقيشن ونظام الرادار)

التورس سيارة جديدة كليا الأفالون مدري نهاية هذا الشكل حسب ما قرات وليس متأكد في 2012

استخير وناظر وش الي يعجبك

بس بغيت أسئلك

أنت عارف أن أقيام السيارات الي تختارها تقدر تجيب لك سوبارو ليجاسي GT الجديدة؟

ليش ما تفكر فيها دامك تعشقها وما تقدر تنساها؟!

ما تدري ان التورس العزل حقها يتقارن بالكزس .؟!

والبدي حقها افضل من لكزس 460 l ..؟! راجع اليوتيوب وشاهد

بس انت ما قلت اي فئة من التورس ؟

الحمد الله على سلامتك .. ولو أنا مكانك والله ما أجيب إلا الليجاسي وبنفس المواصفات بعد .. لكن إن كنت طفشت منها .. فأنصحك بأحد السيارات التالية :

1- باسات سي سي فل
2- فورد تورس SHO
4- تشارجر RT

أما لو إنت صامل على واحدة من السيارات اللي فوق .. الصراحة أقلك لو كنت مكانك على طول على الفورد الجديد .. ممكن بتكون مخاطرة لأنه ماحد جربه ولا عرف خراباته أو نقاط ضعفه بالأحرى .. لكن التجربة ممتعة .. وباين من كلامك إنك مغامر :)

وأنا أحترم الناس المغامرة .. يلا أبغا أشوف تقرير وأخبار في غضون شهر خخخ
وأنا أتخيلك تاخذ توروس فضي وجنوط سودة أو أحمر غامق وداخلية بيج خخخ


يالله بالتوفيق وآسفين على الإطالة

انا ركبت حقت واحد من الشباب الفورد تورس صراااااااااااحه ماتوقعت فورد تجيب سياره بالفخامه هذي والجوده والشكل والقوه

داخليتها ابداااااااااع وجوده الديكور ممتاز جدا افضلها على الافالون الي كلها اصوات من جوهه لكثره البلاستيك فيها

بداية الكلام .. حمدلله على سلامتك ..
....

ثاني شي انا لو عندي قيمة الأفلون .. والتورس !!

ما راح اطالع فـ اي وحده فيهم ..!!

روح شوف نيسان مكسيما الجديدهـ لون ( ابيض - عودي - اسود )

وصدقني راح تدعيلي وحتنسى العشق القديم :tongue:

تحياتي لكـ

الله يحفظك ويسلمك من كل شر

دمت بكل ود ...

امين يارب ويعوض علينا جميعا

من ناحية السعر الافالون بالتاكيد اقل لكن التورس اعلى بشئ قليل ولكن تبقى المقارنه هنا بالجوده

ودمت بود ...

الله يسلمك ويعافيك ويحفظك من كل شر ومكروه
انا اوؤيد رأيك ان التوروس افضل من ناحية الشكل والامان لكن الجوده هل هي مثل منافستها الافلون ...

تبقى بينهم المنافسه حاميه

ما أقدر أقول إلا الحمد لله على السلامه

ودامك بصحة فالحمد لله

الصحة تاج على رؤوس الأصحاء

الله يعوض عليك

انا اشوف التورس احسن..والظاهر هي اقل سعر من الافالون واكثر مواصفات خصوصا اللمتد فيها اشياء ماهي في البنوراما

وشكرا