300 ألــــف ريــــال هل لديـــــك الشجاعـــــه ان تغـــامر بــــها ..

ألتيما اليتيما · 2010-04-17T09:10:40+03:00

السلام عليكم ورحمة الله وبركاته أسعد الله صباحكم بكل خير ..., بصراحه أنا من الناس اللي ودي بباترول وفُل كامل .. وبصراحه كل ما فكرت إن الوكيل سيئ معي في الألتيما فكيف راح يكون معي في الباترول.. السؤال وبصريح العباره ؟ هل لديك الشجاعه لدفع مبلغ وقدرة على صيانه اقل ما يقال عنها اقل من مقبوله

الملهــم @user_86050 · 30-04-2010

يوم الخميس اللي راح كنت في معرض الحمراني
بخميس مشيط وكانوا مفضين المعرض من كل السيارات
مخصصينه للباترول فقط 4 سيارات باترول مختلفة الفئات وجميعها
باللون الابيض
بصراحه السيارة اخذت عقلي على الطبيعة اجمل من الصور بالف مره
شكلها جدا جدا جميييييل وعندي غطت على جميييع سيارات الدفع الرباعي
وماخلتني اشوف غيرها
وبالنسبه لسعرها اشوفه مناسب جدا بالنظر لشكلها وتقتنياتها
بنظري ماتنافسها اي سيارة دفع رباعي اخرى ولا حتى الرنج....
الرنج للاستخدام الخفيف جدا جدا ولا هي سيارة بتتحمل
بعكس الباترول اللي دمج اعلى المواصفات مع الجودة العالية والتحمل

وايضا الوكيل حتى لو كان اسوا مماهو عليه الان فلن يثنيني عن اني اشتريها
لو كانت معاي قيمتها
الله يرزقني واياكم الجنة والمال لحلال وهالسيارة بعد:xyxwave:

M.Suliman @user_144789 · 30-04-2010

انا جواب نعم
مع اني لم اجرب الحمراني
ولكن
من اكثر سوف يجلس معك السيارة ام السيارة وهي في الصيانه
انت مشتري السيارة ما اشتريت الوكيل
الصيانه كم تجلس يوم يومبن خليها تكون اسوء خدمه بس السيارة راح تجلس معك سنين بدون ما تشتكي منها
انا عارف ان من اهم عومال البيع المعامله

وانا في وكاله جربتها وما راح ارجع واجربها مره اخرى لانه سيئة
طبعا اتفق مع الجميع انه معامله الوكيل اهم من السيارة كلها
بس ايش نسوي امنع نفسي من حلمي بسبب نمله؟؟

واخيرا اشكرك على موضوعك
المشوق

مجنون باترول @user_15020 · 30-04-2010

الفل كامل الباترول 2010 مانزل الى الان الفل كامل يكون فيه لحيه يسمى CITY OPTION راح ينزل بعد ايام

حكيم زمانه 2010 @user_219607 · 30-04-2010

LE3 يعتبر الفل كامل و سعره بالوكالة 240 ألف ريال....

استخر قبل و توكل على الله...

حلم @user_20900 · 29-04-2010

هلا اخوي

شف 300 الف تعتمد على وضعك المادي

اذا الله مغنيك غنى تشوف ان 300 الف عادي فتوكل السيارة روعة

اما اذا انت من الطبقة المتوسطة وهي الفئة العظمى فاسمح لي اقولك اصرف نظر عن الموضوع

انا اموووت في الباترول وكنت مخطط على واحد بس السعر وقفني ...

سلامات 300 الف في سيارة

اي نعم الراتب ممتاز ولله الحمد بس ماني خبل اشتريه ب 300

خذ لك الفئة الاولى وان كنت اراها ايضا غاليه بس 175 الف تنبلع شوي

الامر راجع لك لكن نصيحتي لا تخلي العواطف تلعب بك وتخسر اكثر من ربع مليون في سيارة

واما السيارات اللي في الشارع فيا عزيزي اكثر من نصها اقساط وتأجير منتهي بالتمليك

أو اصبر شوي وتلقاه في المعارض طايح ما لايقل عن 40 الف

والامر راجع لك

وصحيح ان الله يحب ان يرى نعمته في عبده

لكن ايضا ربنا أمرنا بعدم الاسراف وجعل المبذرين اخوان للشياطين

تحياتي

الوقدان @user_50818 · 29-04-2010

اذا معي غير ال 300000 ريال هذي فليش لا؟؟

بالنسبة للوكيل..
فالسيارة اذا كانت موثوقة وجودتها عالية فالوكيل مجرد اكسسوار..
لكن زي ما نشوف..الرنج,الكدلك,الهمر,السيارات اللي وكيلها الجميح..مازدا..السوزوكي..وغيرها..
منتشره ولها جمهورها على الرغم من رداءة وكلائها..
خاصة عندك هنا بالسعودية..نادرا وجود وكيل سنع وينحط على اليد..اغلبهم من جنبها..
فالقاعدة اذا راقت لك السيارة وجودتها محترمه وعمرها طويل..فتوكل على الله واشترها..ولا تنتظر انك تلقى وكيل سنع او من جنبها..اهم شيء يوفر قطع الغيار الأساسية..
اما الصيانة فياكثر المراكز المتخصصة..

ألتيما اليتيما @user_32524 صاحب الموضوع · 29-04-2010

السلام عليكم

اسمحولي يا شباب ان اتخطى بعض الردود

اللي أغلبها كانت ضد نيسان كيساره وشركه واسم وكل شئ

أخي الكريم صاحب الموضوع ..

واضح من موضوعك أنك متردد بسبب الوكيل ..

وليس بسبب السيارة نفسها أو وضعك المادي ..

إذا أنتهينا من سالفة وضعك المادي وأنك مقتدر بإذن الله وحاط الباترول الجديد في بالك وخوفك من الوكيل بس ..

أنا أقول توكل على الله وأشتر الموتر لأن راح يبقى في بالك طول العمر !!

أما إذا السالفة مثل ما خمنوا الشباب وأنه ما عندك غير هالمبلغ فقط .. فأنا أشوف أنك تشتري سيارة فخمة بأقل من 200 ألف و 100 ألف تستفيد منها بشي ثاني ..

بس أخوي ما تلاحظ شي غريب ... لو كان الموضوع عن اللكزس LX وكتبت مارأيكم بشراء السيارة بــ 340000 كان تلقى الكل يبارك لك ويهنيك على اختيارك ..

ما أدري ليش الناس قالبين على النيسان مع أنه هو المنافس الشرس لتويوتا ..

وأستغرب من الي يقول النيسان يتفكك ؟!

أعتقد أن هذا الكلام قديم جداً .. لأني جربت ماكسيما 2000 لأكثر من 5 سنوات ما كلفتني شي عدا الاستهلاكية فقط !

خلاصة الكلام :

مقتدر = أشتر

يا أخواني سؤالي كان واضح

والله لو كاتب بشتري لكزس بـ 380 (( نعم 380 ألف سألت عنه قبل اسبوعين بنفسي )) تويوتا فرع خريص

كان تغيرت كثير من الردود ... اللي طلعت عن الموضوع الأصلي ..

تحيه طيبه

شهراني 507 @user_167374 · 20-04-2010

أ

ألتيما اليتيما

السلام عليكم

اللهم أمين أجمعين

أعجبنتي ردك أخي دايلايت

لكن أنا أتكلم بلسان الشارع

نلاحظ السيارات الأكثر من 200 ألف تشكل فئه كثيره

بل ان حتى جيب لكزس (( 380 ألف ريال )) شارف على النصف مليون

فهي فئه مهما تحدثنا فهي مرغوبه

وكثير يقول لك العمر واحد والرفاهيه مطلوبه والله يحب يشوف نعمته على عبده ..

تحيه طيبه

وين اخوي الجيب لكزس 2010 ابو لحية على قولتهم فل كامل شاريه ابوي با 350 الف انا 30 الف الي جبته مدري وين

ابو نوال @user_19436 · 19-04-2010

ه

هدير المحركات

لم أصوت لأن جوابي فيه تفصيل يا التيما

إذا الله منعم عليك والـ300 ماهي كل شيء عندك ، خذ الباترول إذا كان نفسك فيه بقوة ، وسوي تشييك أول 1000 و 5000 حسب الوكيل
بعد هذا لاعاد ترجع لهم ، وسوي الصيانة بنفسك ، أو تعامل مع ورشة محترمه

أما إذا انت على قد حالك ، فيجب أن تفكر مرة وأثنين وعشرة ، لأنه ( وعذرا على التدخل بخصوصياتك ) لايفترض أنك تشتري جيب بهالقيمة إلا أنت مأمن الأساسيات الباقية ( بيت + وجود مصدر دخل من وظيفة أو غيره وبحيث لايوجد عليك ديون وهكذا مابقي الاالباترول :smile:

ربما أني طولت بالإجابة وتشعبت ، لكن رغبة لنصحك لأن المبلغ حلم لكثير من الناس ماشاءالله

الا ليه ماتصبر لعدة شهور ؟ السعر ربما راح ينزل ويثبت كما يجب أن يكون

احسنت بارك الله فيك كي نكون واقعيين هذا الكلام اعتبره اساس التفكير لذوي الدخل المحدود في اي سياره تتعدى المائة الف اما اقل فمرغم اخاك لابطل

يذكرني الباترول هذه الايام بايام اخته الارمادا اول ما طلعت قبل الوكيل كانت ب 240000 بعدها بحوالي سنه بنفسي سائل عنه لقيته ب 119000

اما نيسان وقطع الغيار فمن اغلى القطع والمشكله صعب تلقاها على طول يا طلبية يا اما لازم تطارد وراها في الفروع

اما الجوده فراي انها ممتازه ,,,اما سعر السياره مقارنة بالمنافسين (لكزس LX 470) فاعتبره معقول ,,ولكن السعر للمقتدرين فقط :bigggrin:

تقبل مروري

شحاته @user_14448 · 19-04-2010

بهذا المبلغ حتى مع وكيل ثاني لن اخذها
سأنظر لماركة افضل مع تحيــــاتي

موترSS @user_168932 · 19-04-2010

لا يمكن أن أشتري الباترول كامل المواصفات بهذا المبلغ

هذا جنون

شاكي زمانة @user_219516 · 19-04-2010

جيب البورش الماغنوم بدون اى منازع

مرور الكرام @user_19151 · 18-04-2010

أخي الكريم صاحب الموضوع ..

واضح من موضوعك أنك متردد بسبب الوكيل ..

وليس بسبب السيارة نفسها أو وضعك المادي ..

إذا أنتهينا من سالفة وضعك المادي وأنك مقتدر بإذن الله وحاط الباترول الجديد في بالك وخوفك من الوكيل بس ..

أنا أقول توكل على الله وأشتر الموتر لأن راح يبقى في بالك طول العمر !!

أما إذا السالفة مثل ما خمنوا الشباب وأنه ما عندك غير هالمبلغ فقط .. فأنا أشوف أنك تشتري سيارة فخمة بأقل من 200 ألف و 100 ألف تستفيد منها بشي ثاني ..

بس أخوي ما تلاحظ شي غريب ... لو كان الموضوع عن اللكزس LX وكتبت مارأيكم بشراء السيارة بــ 340000 كان تلقى الكل يبارك لك ويهنيك على اختيارك ..

ما أدري ليش الناس قالبين على النيسان مع أنه هو المنافس الشرس لتويوتا ..

وأستغرب من الي يقول النيسان يتفكك ؟!

أعتقد أن هذا الكلام قديم جداً .. لأني جربت ماكسيما 2000 لأكثر من 5 سنوات ما كلفتني شي عدا الاستهلاكية فقط !

خلاصة الكلام :

مقتدر = أشتر

غير مقتدر = أصرف النظر

بالتوفيق للجميع ،،،

عالم مشاعر @user_987 · 18-04-2010

النسخ المحدودة دائما تكون أسعارها أعلى من النسخ العادية ، و الباترول في أعلى فئاته سعره بـ 240 ألف ريال و ما ادري عن الستي اوبشن كم بيكون سعره

عموما السيارات مباعة سلفاً ، يعني اللي يبي يشتريها ما راح يحصلها و بيحصلها سعر أعلى زي معرض في النسيم اشترى ثنتين و يبيع الوحده حاليا بـ 375 ألف

سلفر شادو @user_80310 · 18-04-2010

M

Mr.GM

اشتري با 300 الف

يوكن وتاهو

لا وبعد بيعطوك معاها ابيكا

GLX 2700 @user_175555 · 18-04-2010

300 ألف في باترول ؟

استغفر الله العظيم و اتوب إليه

D E N A L I @user_207613 ..:: TAHOE//YUKON GRP. MEMBER ::.. · 18-04-2010

[COLOR=blue]الســـلام عليكم [/COLOR]

اولا لو خليت الموضوع مفتوح بدون تحديد احسن ... بس مادامك قلت الباترول [COLOR=red]2010 :[/COLOR]

فالله يعين ..لأن الشعب النيساني هالايــام متعصب بزيادة ومن حقه ..!

بتكلم وهذا رأيي .. هذا اصدار جديد تغير [COLOR=darkorange]الشكل والمضمون والسعر مدري عن الجودة لأن جودة نيسان لي عليها ملااااااااااحظات من تجارب سابقة وخصوصا تماسك وترابط اجزاء سياراتهم .. :ch19:[/COLOR]
ماعلينا نرجع لموضوعنا 300 الف واكثر بسيارة تو مانزلت وتغبر ياقلبي الاصدارات الجديده بنيسان ولا بغيرها دايم تصير عليها ملاحظات يتم تلافيها بالسنة او الموديل اللي بعده ..!

خلاصة القول : [COLOR=red]300 الف ريال بالباترول 2010 فادفعها .. هع حتى لو يتأثر كارلوس غصن نفسيا :a1120(82):[/COLOR]

وسسسسسسسسسسسسسسسسسسلامتك

Mr.GM @user_212360 · 18-04-2010

اشتري با 300 الف

يوكن وتاهو

لحظه صمت @user_145978 · 18-04-2010

^^^^^^^^^^^^^^^
مو لازم S600

لانها حاله خاصه :bigggrin:

سيارات مرسيدس كثيره وتحصلها بهذا السعر

عالم مشاعر @user_987 · 18-04-2010

^
^
^
المرسيدس وصل المليون في أعلى طرازاته

الـ S600 قبل فترة محصله بـ 780 ألف