السلام عليكم ورحمة الله وبركاته
جيتكم وجبت معي خبر حلو لكم يااصحاب الفوردات
انا صار لي كم شهر عندي مشاكل في حرارة الجراند ماركيز موديل 2002
دايم ترتفع علي الحرارة كل مامسكت طريق سريع او مشوار طويل سواء في سفر او حتى داخل مدينة كلها اشارات وزحام سواء في النهار او الليل لدرجة اني اتعطل واوقف سيارتي وانتظر الرديتر يبرد بعد ماصارت الموية تسبح في الشارع !
ماخليت مكان ولا ورشة الا ودرت فيها ادور حل لمشكلتي
[COLOR=red]واحد قال لي لازم تسييخ للرديتر وتنظيف وله طريقتين وقام يتفلسف[/COLOR]
[COLOR=red]الثاني قال لازم نشيك على المراوح يمكن ماتشتغل .. بس طلعت شغاله ... قال يمكن اذا ارتفعت الحرارة توقف ... لازم تنتظر لين ترتفع الحرارة بعدين تشيك عليها وتشوف .. لاحووووول !![/COLOR]
[COLOR=red]الثالث قال لازم تشيك على طرمبة الماء[/COLOR]
[COLOR=red]الرابع قال يمكن البلف ومدري وشو ودينمو تحت المكينة يمكن يطلع مصدي .. الخ[/COLOR]
[COLOR=red]الثاني قال لازم نشيك على المراوح يمكن ماتشتغل .. بس طلعت شغاله ... قال يمكن اذا ارتفعت الحرارة توقف ... لازم تنتظر لين ترتفع الحرارة بعدين تشيك عليها وتشوف .. لاحووووول !![/COLOR]
[COLOR=red]الثالث قال لازم تشيك على طرمبة الماء[/COLOR]
[COLOR=red]الرابع قال يمكن البلف ومدري وشو ودينمو تحت المكينة يمكن يطلع مصدي .. الخ[/COLOR]
من جد كرهت سيارتي وقتها من كثر ماجابوا لي حلول مالها سنع !
واخيراَ بعد معاناه طويلة وبعد مافكرت اشتري رديتر جديد وافتك جاني الحل الاكيد ابشركم ...
مريت يماني له عشرين سنه شغال في الفوردات وبس .. غيرها مايشتغلها ابداً ممكن يعطيك عيب سيارتك اذا مو فورد بس مايشتغلها لك يقولك صلحها عند غيري ...
وش طلعت المشكلة تتوقعون ؟؟؟
المشكلة بسيطة جداً
جداً جداً
قالي المشكلة عندك حلها في [COLOR=red]التنسيم !! [/COLOR]
هاه وشو [COLOR=red]التنسيم ؟؟[/COLOR]
قال ايه [COLOR=red]التنسيم ... لازم تنسم للرديتر عن طريق الليات !![/COLOR]
سكت وخليته يشتغل ...
قام جاب ثلاث علب موية ابو ثلاثة ريال معبيها من عنده موية طبعاً :)
وفتح غطاء يجي فوق الرديتر كلكم تعرفونه بلاستيك اسود له زي المفاتيح ينفك بسهولة ... مالكم في الطويلة ..
وقام يصب الموية بكل رواقة على الرديتر لحد مابردت الموية في الرديتر تماماً
بعدها مسك اللّي يوصل للمكينـة وفكه من جهه المكينة وقال شوف الحين الهواء جالس يطلع
**مشكلتك كانت في الهواء كان محشور في اللّي مايخلي الموية تاخذ مجراها وتمشي مهما عبيت موية.. عشان كذا الموية جالسة تخرج برى من غير مايوجد تهريب وبشكل قوي وحاااااار
لازم [COLOR=red]تنسم لها بالطريقة هذي .. وهذي التنسيمة تكفيك على طول ان شاءالله وماراح تنسم لها مرة ثانية لكن لو فرضاً حبيت فهذي هي الطريقة **[/COLOR]
ركب اللّي مكانه وعبى الرديتر موية وقالي روح جرب السيارة
طبعا فيه عندي جبل كل مااطلع منه لااااااااااااازم ترتفع الحرارة ... اول مافكرت في هذا الجبل وعلى طول رحت له وطلعته ( طلوع ونزول وبشكل متكرر مع اجهاد السيارة بشكل كافي حتى اشفي غليلي و أثق في شغل المهندس!!)
النتيجة كانت ناجحة [COLOR=red]100% ماشاءالله تبارك الله ولم ترتفع الحرارة قيد انملة ولله الحمد [/COLOR]
مااكتفيت وصرت امشي على سيارتي مشاوير طويلة سبق ومشيت فيها وارتفعت الحرارة وكانت النتيجة هذي المرة ممتازة ولله الحمد
فعلا ارتحت كثير والشكر لله ثم للمهندس الأمين والذي لم يأخذ مني ولا هلله واحدة :)
هذي احدى مشاكل الحرارة في الفوردات والتي تتكرر في كل الفوردات وبشكل دائم على كلام المهندس اتمنى تنتبهون لها بارك الله فيكم ولااحد يضحك عليكم ويقول غير واشتر وعدل وبدل !
جربو الطريقة اول وبعدها اذا ضبطت والا الله يعينكم الخلل في مكان اخر
شكرا لكم ..
