اليكم تقرير تجربتي لسوناتا 2011 (^_*)

هلابك وغلا عزيزي ويعطيك من خيرها ويكفيك شرها ....

سيارتي وصلت 45000 الف الحين وقبل اسبوع ونص عطيتها اختبار للمحرك والحمد لله اجتازت بنجاح وفرق كبير واقتنعت اكثر بها ...

اختباري بحكم اني من سكان المنطقة الشرقيه شيكت بالوكاله المجدوعي الـ 35 الف ومشيت بعدها ومسكت الخط واختصر لكم خارطة الطريق .....
من الشرقيه-الرياض-جده-الطائف-ابها مع خط الحجاز الباحه والنماص -على الطايف مرة ثانيه -على ابهامرة اخرى -على الرياض-على خميس مشيط -على الرياض مرة اخرى-على الشرقيه

يوميآ امسك خط يعني كرف وضغط متواصل لمدة 7 ايام متتاليه شوفو المسافات (بالليل نوم والنهار سفر) والممشى على 200 ولأجل أئكد اكثر لملاك السوناتا لما يوصل امبير السرعه 200 تكون بنمرة 6 انا لا امشي اغلب الخط على نمرة 5 والعداد من 220-235 كأقصى حد لي جربته لمدة ثلث ساعه ثم اخليها تريح نمرة 6 طبعآ هذي الحركة طبقوها بالكابرس رح ترتفع درجة حرارته بسرعه وهذي ماشاء الله تبارك الله قابله للزود عادي جدآ لاضجيج لاحرارة وابصم لها بالعشرة انها تستاهل وفوق هذا كله الممشى وصل 8000 متواصل سفريات وضغط ولانقص الزيت معي وهذا اسميه اختبار قدرة تحمل المحرك وهنا الكلام اللي ابيه وأئكد له لو كنت على لومينا كابرس او كامري
أكيد بكون زودت كم علبه مو علبه مع هذي الخطوط وأن شاء الله اني اكون وضحت ويشهد الله هذا اللي حصل معي بدون زيادة ولانقصان

فديت قلبك ياهونداي
طالعو بموديلات 20112 ربي رحمنا من احتكار تويوتا الغلا وقلة الجودة في الكامري خاصه على غير سنع (تجارة الشريطيه بالسمعه)

اشكرك أخوي العزيز على تقريرك وبصراحة أبدعت فيه ... وانا من اوائل الذين اقتنو السوناتا في الشهر الاول من العام الحالي وكانت عندي نفس مشكلة ضغط الاطارات وفي حينيها حدثت نقاشات داخل المنتدى بخصوص هذا الموضوع وبعد ان عرف السبب بطل العجب والحمدلله انا مرتاح منها جدا والسيارة سريعة وثابتة على الطريق .... تحياتي .

الله يجزاك خير ويبارك فيكـ ومالي اي انتقاد او كلام على السوسو أبد عمليه ولها الان معي 6شهور وما أندم على كل ريال دفعته فيها وترى نصف كلام الناس نقل واشاعات حسب المزاجات :xyxwave:
أذا الالماني سبو فيه وحطو فيه من العيوب مالاحد ولانهاية وهو اقوى تصنيع واقوى تقنيه ورساوة خل باقي السوسو:wink:

الله يجزاك خير اقل شيئ صناعه كوريه متقدمه ومتطورة 100% مو مثل اغلب الشركات الحين الاسم صوب واغلب القطع شركات دوليه متحدة التصنيع من صوب :ch19:

ووالديك ان شاء الله وجزاك الله كل خير

ماشآء الله لون السيارهـ جميل..

الله يعطيك خيرهـآ ويكفيك شرهـآ والحين انا تأكدت ان كل الكلام عن الخرابات خراابيط بعد تجربتك..

يعطييك ألف عاافيهـ ..~

الله يعطيك خيرها ويكفيك شرها هونداي دايم في تطوروالقادم افضل انشالله

رحم الله والديك

الله يعطيك العافية ومسامح على التأخير يالخوي

هلابك ياغالي ومرحبا وكل عام وانت بخير والعذر على التاخير لقلة دخولي النت منذ فترة :rolleyes1:
سيارتي نص فل بدون زنون
لون الداخليه بيج وتقريبآ كلها نفس الداخليه طبعآ سيارتي مخمل بيج وما ادري هل نزل داخليه اسود او نفس مواصفات سيارتي ومقدمآ الله يعطيك خيرها وخير ما صُنعت له ويكفيك شرها وشر ما صُنعت له وأمنياتي لك بالتوفيق واعتذر مرة اخرى على التاخير

ما رديت على أسئلتي يالغلا

ما شاء الله تبارك الله
الله يعطيك خيرها ويكفيك شرها

عندك لك سؤالين:
1- سيارتك فيها زينون؟؟
2- لون الداخلية للسيارة من مقاعد وديكور له لون واحد عند الوكالة ولا عدة ألوان؟؟؟

لأن ولله الحمد أقنعتني أشتري ليي هالسيارة بعد ما كنت متحير وأفكر آخذ ليي فضي بانوراما من داخل أسود إذا عندهم عدة ألوان للمقاعد؟

وآسف إذا طولت عليك

الله يجزاك خير ياغالي ويبارك في ايامك
بخصوص القطع سيارتي جديده والحمد لله ما غيرت شيئ إلى الان وبحكم اني سافرت مرة لحفر الباطن رملت الوجهيه غصب من نصف الصدام وتحت الامامي والاكباس خاصه مع اني حاط فيري واخذت منكح في الفيري وسعرت الاكباس اللي تحت ب320 ريال من المجدوعي وغيرتها غيرها ما اكذب عليك بخصوص الاسعار وحط في بالك القطع الكورية مقدور عليها..
ومن باب اوريون او سوناتا خل كل كلام الناس على جنب لآن كل بيمدح لك اللي يعشق هو..
وانا اول مرة امتلك سوناتا ومو عشق لها عشقي للمسيدس واي شخص بيسال عن المرسيدس رح يقتنع مني لا أراديآ من كثر ما اعشق هذي النوعيه في السيارات ...
فنصيحتي لك جرب الاوريون وحاول تمسك بها لو 100 كلم خط وشوف القيادة بشكل عام من رساوة من بنزين من ثبات من فرامل فجائيه من ضجيج ...الخ
وجرب بعدها السوناتا نفس الطريقة وفي النهاية شف وش الطارة اللي تناسبك ووتوافق مع ذوقك وترتاح معها وتوكل على الله وبتكون قررت من تجربه مو من كلام والله يكتب لك اللي فيه الخير ياغالي
شاكر لك مرورك ودمت بحفظ الرحمن

هلابك ياغالي وبعلمك ...
بخصوص اللون صدقت هذا شفته في 2011 ومنتشر بالمنطقة الشرقية لاكن مو فل اللي قلت لي عليها ... اللي عندي مكيف خلفي ونص فل سيارتي والغريب الشبك نيكل اللي عندي عادي ... وهذي مواصفات الوكلاء وفرق بين المجدوعي والوعلان ...
قناش السقف الخلفي وبعضها الامامي تصليحه السقف مجانآ تصليحه لدى اي وكيل
ولو تابعت الردود رح تحصل التفصيل في هذه النقطة لاكن ولايهمك هذا واير سحب الغطاء الداخلي للسقف في الدفعه الاولى من السوناتا 2011 وعدد محدود بعد مو كل الدفعه الاولى ويتم تصليحه عند اي وكيل ...
وسعر اللي عندي اصفار 79500

الله ييسر لك اللي فيه الخير

ما شاء الله تبارك الله

الله يعطيك خيرها ويكفيك شرها

والله يا الغالي اني محتار بين السوناتا و الأوريون بس بعد موضوعك الرائع بديت اميل للسوناتا اكثر

بس حبيت أسألك يا الغلا كيف قطع غيرها من ناحية السعر

وجزاك الله الف خير

دمتم بود

ماشاء الله تبــارك الرحمن الله يطعمك خيرها ويصرف عنك شرهآ ،، اليووم وانا افرفر بالمعارض العصريه لقيت سوناتا فل طبعا مدري وش مواصفاتها لكن الظاهر للعين جنوط و سقف بانورامي ومافيها مكيف خلفي والشبك الامامي نيكل لون السياره حلو ماعرفت وش اسمه بني على غامق شوي المهم السياره مستعمله ماشيه 2000 كيلو بس لكن استغربت من حاجـه شفتها اللي هي قماش راخي من السقف سألت اللي بالمعرض قام يتفلسف يقول يبغالها كلبسات وماهي مكلفه قلتله زين دامها مو مكلفه ليه ما سواها راعيها بدل ما تعيب السيـاره ؟؟ سكـت وهز راسه قال مدري عن راعيهـا وقفها عندنا وحدها بـ 74 الف ،،، بسمع ارائكم ووجهات نظرركم لو اني زحلت عن الموضوع بعيد واعذرني يا صاحب الموضوع

الله يجزاك خير ياغالي

السعر نص الفل اقساط 112 الف

لاكن الدفعه وامورها تعتمد على الجهه المموله ولكل جهه أليه

انصحك بترايستار

ههههه
الله يعينك ياغالي على اجواء الرياض ..
الصور كثيرة وفي السوده بعد ...
شاكر لك مرورك واطلاعك

ماشاء الله تبارك الله ربي يعطيك خيره ويكفيك شره
لون رووووووووعه احلى لون شفته ع السوسو
بس ما عليك امر اخوي بكم احصل سعرها اقساط
بدون دفعه
والله يسعدك ويريح قلبك