اليكم تقرير تجربتي لسوناتا 2011 (^_*)

الله يجزاك خير ياغالي ويوفقك لما يحب ويرضى
شاكر ومقدر لك طيب مرورك عزيزي

الله يبارك فيك ياغالي وكلامك صحيح بخصوص السقف في بعض السوناتا ..
والحمد لله تم تصليح خلل السقف لدى الوكيل المجدوعي وتمام الحين معي
اشكر لك حضورك الطيب ياغالي والسرعه بحكم التعليم في صغري الله يسامح القائم على تعليمي للقيادة وكل السبل في محاولة تجنب السرعه في السفر بائت معي بالفشل دومآ ..
مع حضوري لمواقف كثيرة جدآ حوادث مرورية شنيعه ولا أقول الا اللهم احمنا واحم المسلمين اجمعين
شاكر لك ياغالي طيب حضورك المتميز والذي اسعدني
ودمت بحفظ الرحمن تعالى

الله يبارك فيك ياغالي ويجزاك خير واشكر لك هذه الاشادة وهذا الحضور الكريم
لك خالص الود والتقدير
دمت بحفظ الرحمن

الله يعطيك خيرها و يكفيك شرها

ماشاء الله سيارة ذات مواصفات حلوة صراحة
وانت تبارك الرحمن ابدعت باختيار اللون صراحة معطي السيارة هيبة كبيرة

وياصديقي كذالك احد العمانين اشتكى ان القطعة اللي بسقف السيارة تنزل وهو يقود السيارة فغريب هذا الامر

ولكن صراحة انا شفت واحد اشتراها ومااشتكى منها شي

فصراحة سيارة تستحق الاحترام

والله يعطيك من خيرها ويكفيك شرها
واللاحظ انك كثير مجنون بالسرعة هع هع ياريت تمشي على راحتك

مجهودك كبير عزيزي
فلك تحيةمعطرة يالغالي

ألف مبروك السيارة والله يعطيك من خيرها ويكفيك شرها

ما شاء الله تقرير رآئع

وأهنيك على أختيار السوسو وكذلك اللون

بصراحة طالع مميز ما شاء الله

تحيآتي

حياك الله وعلمك
بخصوص النص فل فيها مكيف خلفي وهذي سيارتي موجوده ؟؟؟
السقف بالمجدوعي اليوم تدخلها وبكرة بعد الظهر تستلم سيارتك وصلحت غطاء السقف الداخلي عندهم ومعي سيارتين نفس الخلل وتم اصلاحها وطلعو سيارتهم قبلي من الصيانه ...
بخصوص الرساوة ياخي والله لو تقول مافيه بآسؤ من رساوة الكامري وبشهادة دوليه بعد لاهو من كلامي ولاكلامك ياغالي
وصوت السقف إذ تبي تمشي والسقف مفتوح اسمح لي اقولك ترى ما انت على مرسيدس ياغالي

الى الان سيارتي واصله 21000 الف وممشاي الاعتيادي يوميآ 140 -160 طبيعي جدآ معي مافيه عندي مثل ماتقول على 100 صوت

وإذاك استخدمت الالنترى تقدر تشوف مواضيعي ترى قبلك استخدمت الانترى
في الختام كلنا مقبلين على نوعيه حديثة وما امدح في السوناتا ولا اعيب فيها انا طرحت الحاصل معي ويالبيه يالسوناتا يكفي غيرت من مرسيدس 9 سنوات الى سوناتا والفرق اشوفه طبيعي

النصيحه بخصوص ميزات الانزلاق صحيح ماتجي إلا في الفل ولجل تركد اكثر ركب دعسه عريضه وريح بالك ....

صادق ياغالي وبيض الله وجهك على النصيحه

نصيحة لوجه الله تجنب السرعات العالية وامشي على مهلك ترى كل مطرود ملحوق خذها نصيحة من اخ لك ما ورى السرعة الا الحسرة تقبل تحياتي

السلام عليكم :

هذه اول مشاركه لي في هذا المنتدى احب اقول راي بما اني مشتري سياره سوناتا 2011 نص فل

بالمناسبه انا شريت الدفعه الاولى وبقولكم عيبوبها بالعلم اني ماشي 35 الف كم :

1- تندة البنوراما افضل شي نسميها تندة الخفاش ,,,, لانك بعد الميه تعال شف الاصوات تقول مركب فوق راسك محل نجاره وهذه المشكله من عشرين الف كم بدت تطلع لي .. المشكله الثانيه في التنده وقالو تروح للوكاله ويصلحونها للحين ما رحت بصراحه مشكلة الستاره الداخليه تعلق ورايح للوكاله اليوم اشوف وش ردهم
2 - من ناحية الرساوه على الخط انا مستخدم كامري والنترا 2005 فاقول والله العظيم يالنترا 2005 راسيه اكثر منها
3- انا توقعت بما اني شاريها بثمانين الف انه يكون فيه نظام سلامه واحد على الاقل ما حصلت الا نظام ECO لتوفير صرفية الوقود !! والله قهر
4- انا توقعت ان المكيف يستطيع لوصل للمراتبه الخلفيه لعدم وجود فحتات مكيف بالمرتبه الثانيه بس للاسف بس سمعت نزلوها بالدفعات الثانيه !!
حبيت اقول الحق على اساس اللي بيشتري سوناتا يكون عنده خلفيه ونصحيتي للي يشتري سوناتا يشتري الفل كامل...

وبنزل ردي على كل اللي يسالون عن السوناتا:a120(115):

بصراحه انا مادري ليش كل هذا المدح انا لو ما صلحو التنده ووقفو الاصوات اللي فيها بنزلها باليوتيب شي هونداي ماهي قادره تسويه صح مثل اللكزس والمرسيدس لا تسويه
عشان كذا في بريطانيا م نزلوها بنورما انا بصراحه غلطت وخذيت من الدفعه الاولى ولا سالت بس..... عادي لو تقول عيوبها .
من ناحية قير ومكينه ما عليها كلام بس السفتي والاصوات اهم اظن !! انا بصراحه خذيتها بدون ما اسال لتجربه مني لالنترا وصبرها بس طاحت من عيني بصراحه ,,,, الحق ما يزعل... :smilie16:

الله يعافيك ياغالي ويجزاك خير ويكتب لك اللي فيه الخير

والله ما اكذب عليك ياغالي بخصوص السعر وماسعرت لاكن لعيونك إذا تبي اشوف لك السعر مع كامل مواصفات الفل من المجدوعي حاضرين
وعلى حسب علمي الفل اللي ماوراها ماقد وصلت تقريبآ اللي يجي بها شاشة الملاحة وتقريبآ نظام تخزين المقاعد الاماميه .... هذا حسب ما سمعت انها ما قد وصلت ولك علي بكرة بإذن الله اجيك بالتسعيرة من المجوعي وشف الوعلان واللي من الشباب يعرف سعرها عند الناغي بنكون وفرنا الاسعار بشكل عام

غدآ سأدون التسعيرة للفل بإذن الله

دمتم بحفظ الرحمن

السلام عليكم
يعطيك العافيه كفيت ووفيت
بس عندي سؤال وش رايك في السوناتا فل الفل شاشه وكاميرا وملاحه وجنوط 18 بـ 95 الف عند المجدوعي هل تستاهل سعرها وهل الاقيها عند الناغي بسعر اقل
وبارك الله فيك

الله يسعدك يالغالي والله ريحتني كثير وقسم بالله قبل ردك اني كنت شايل هم مايعلم فيه الا الله لان سعر السياره مو قليل وانا طالب بالجامعه يعني دوبك دوبك وصلت عليا بعد الاقساط 107 الاف قسطها الشهري 1588
وانا ترى من جده ونعم فيك وفي اهل الجنوب واهل المملكه كلهم

بس والله يوم جربت سياره خويي وهي فل اوبشن ماخذها ب 92 الف ريال كاش
والله ياني كرهت السياره وسمعت الكلام عن تنزيل ضغط الكفرات وقلت خليني اشوف وش المشكله خصوصا ان خويي الحين مو بجده
الله يعطيك الف عافيه ياخوي والله انك ماقصرت يالذيب
والله يرزقك ويغنيك بحلاله ويبعدك عن حرامه
وجعلك من سكان جنان الفردوس

الله يجزاك خير ياغالي وان شاء الله نفرح بخبرك قريب

بخصوص الضغط على 200 يكون قريب لرقم 4 يعني باقي له شوي لاجل يوصل لرقم 4

بخصوص 220 مااكذب عليك لاني والله ما اذكر بالضبط والكذب خيبه ورح افيدك لما اوصل لهذي النقطه بالتحديد ...
هذي احدى الصور للسرعه والضغط لها يمكن شهر ونص او اكثر

هلابك ياغالي والله يبارك بإيامك

شاكر ومقدر لك هذا الحضور والتشريف
دمت بحفظ الرحمن

السلام عليكم
تقرير طيب لهذه التحفة الجديده من شركة هيونداي

اشكرك عزيزي على القرير الرائع والله يبالك فيها ويعطيك خيرها ويكفيك شرها

ماشاء الله تبارك الله ،، الله يعطيك خيرها ويكفيك شرها ،،

متى يجي الوقت اللي نشتريها فيه بسس .. :(

لكن سؤال بسيط .. بما ان القير 6 تعشيقات ،،، على سرعة 220 كم الضغط ؟

يعطيك العافيه وبالتوفيق عزيزي :)

هلابك ياغالي والله يحييك والله يجزاك خير ودعواتك الطيبه من الوجه الطيب تعني لي الكثير بارك الله فيك ..

الارجحه هذي اول كلمة قلتها قبلك ياغالي اول ماجربت
لاكن استوضحت السبب وشرحت في موضوعي اني كتبت رد قبل هذا التقرير وتناقلوه الاخوان بحجة انه عيب وبعد تشييكة 1000 كيلو طلعت الاطارات معباه هواء وشرحت السبب في تقرير وانا صادق بالتفصيل لان الاغلبيه اللي ناوين على سوناتا 2011 يسمعون ورح يجربون ويمرون بتجربتي قلت اوضح للجميع لأجل ما ينصدمون زي ماصار معي في البداية والسر بسيط جدآ مايستاهل ...

والحين بحكم انك في المنطقة الجنوبيه عند الناغي فآنا من سكان منطقة بيشه والناغي في الخميس يعني اكيد تعرف خط بيشه-الخميس والمنحنيات اللي فيه وهذي المنحنيات هي اللي انصدمت فيها بالبداية وياخي ضمنت الانقلاب مع الفات ...
وبعد ما وزنت الاطارات على 35 الاماميه والخلفيه 30 وهذي نظريتي دايم لسيارات الدفع الامامي تغيرت الارجحه وراح احساسك انها بتحوص بسرعه مع اللفه وجربت بعد هذي النقطة وصراحه ما اقول الا ماشاء الله تبارك الله فعلآ راحت بشكل جذري وتغيرت الرساوة والطارة 100درجة عن الاول ....

المكينة مشيت عليها بعد تشييكة 1000 كلم سفريات و تمغيط طول فترة الاجازة وعليها سفرية للشرقيه وغيرت الزيت بعد ماوصلت للشرقيه مع الصيانة عشرة الالف ما نقص ولاقطرة الزيت ماشاء الله تبارك الله يعني بكشل اوضح عايرت الزيت وهي ماشيه حوالي 6000 والله تقول توك حاط الزيت مع اني طول سفرياتي سرعتي من 180-210 مع المكيف وبالنهار مسافر وصراحة احب الميزة هذي فيها والمكيف تمام تبريده ممتاز معي ...قدام وورى في المركبه الخلفيه ولا أقول إلا الحمد لله اني طحت بسيارة تستاهل ....
فيه ناس بتقولك ياخي كوري وش ترجي منه وناس بتقولك كلام كثير وهي ماجربت بس تسمع وتقول مع قافلة قالو ويقولون وانا اكره انني اقول في شيئ ما جربته ولاحكمت عليه ..
لذلك هذا التفصيل الممل لكل النقاط من واقع التجربه لاأكثر والله يوفقك وييسر امرك ياغالي
وفوق الكلام هذا كله تفلل التانكي بـ 30 ريال يمشيك حسب استخدامك مسافات ماتتوقعها مع المكيف يعني توفير وفي الختام سيارة عمليه في المدينه وفي السفر واتمنى لك التوفيق ولاتحط كلام اي شخص في بالك حتى لو تبي تجرب انا حاضر ولاعندك إلا حلالك ياغالي وانا على نهاية هذا الشهر رح امشي للجنوب حوالي 15 يوم وقبل تشتري وانت محتار جرب سيارتي واحكم بنفسك في قرارك والخيرة فيما اختارة الله قبل كل شيئ ..

اي خدمة او اي استفسار حاضر
والى الان سيارتي وصلت 16000 الف كلم

دمتم بحفظ الرحمن