ملاحظات في قير تاهو 2010

صدقت انا ملاحظ هالشي عندي في تاهو 2009 برضه ومااعرت للموضوع اهتمام ابدا .

طبيعي في أي اتوماتيك

ياعمي لاتشيل هم انا معاي تاهو 2010 Lt وكنت اتوقع ان السيارة تعكس شكلها الخارجي يعني في الهدوء والراحة الداخلية لكن ظهر لي العكس وانها مع المطبات الخفيفة وعيون القطط تقرقع وكأنها سيارة قديمة --يمكن السيارة القديمة افضل

وايضا القير بطيء الاستجابة -- يعني مثلا لمن تكون الدعسة خفيفة وسرعتك 70 كيلومتر/ساعة وتريد تزيد السرعة --- النتيجة القير يأخذ وقت مابين 2-4 ثواني عشان يرد النمرة --- لكن هذه احس انها عادية في الاوتوماتيك

وايضا المكيف يفقد برودته الممتازة ويصبح جيد نوعا ما عند درجة حرارة 37 C

كل هذه العيوب ولكن هناك ميزة تغطي على هذه العيوب كلها
وهي قوة الشفر -- ماشاء الله تبارك الله السيارة عزمها انفجاري
وثابتة على الخط وتتخطى السيارات بسلاسة --

فلا تشيل هم --- الشفر معروف بقوته وليس بفخامته وراحته :xyxthumbs:

انا عندي نفس المشكلة في سيارتي يوكن 2009 دبل صوت طقة القير لمن اعشق R أو D السيارة كانت ماشية معي بدون صوت وبنعومة لين وصلة 5000ك بعدها صارت المشكلة هذي راجعة الشركة أكثر من مرة مافي فايده بيقولو عاديه
اتوقع ان المشكلى هذي بالسيارات المزودة بالدبل فقط
ملاحظة السيارة لما تكون باردة يعني الصباح مااسمع الصوت
ولمن اعشق الدبل وافصلة بنفس الوقت يختفي الصوت (((جربو))))
ياليت احد يفيدنا...
السيارة الان ماشية 35000

أنا عندي إيبيكا 2007 فيها نفس شيء و اعتقد أنها طبيعية

ان شاء الله انه طبيعي

لأني عندي نفس الشي موديل 2010 :)

طبعن انا نفس المشكله طقة من الثاني الى الثالث وكمان وانا راجع الى الخلف نفس المشكلة وكمان عندي مشكله في المكيف لما اوقف السيارة لمدة ربع ساعة واقف يفصل المكيف لمدة 5 دقائق لما سألت زملائي وقمت بسياقة سيارة اليوكن من GMC ماعندهم هاذي المشكله
وانا عندي تاهو 2010 ماشية 3900 لدرجة انا بعتها والسبب هالمشكلة

انا من طعلت سيارتي المازدا الله يذكرها بالخير

وموجودة فيها الطقة بالقير الثاني وعادي جدا ما سببت لي مشاكل نهائيا

انا عندي موديل 2009
وموجود نفس الصوت من اخذته وانا الحين ماشي عليه 35000 كم
ومافيه مشاكل والصوت بعده موجود على ماهو عليه

طبيعي انشالله أنا عندي نفس الشي و السيارة صار ماشية 1000 كيلو و لاحظت نفس الصوت بنفس الظروف اللي ذكرتها .

الله يعطينا خيرها سيارة و لا احلى قلبا و قالبا .

طبيعي موجود عندي .. وله ثلاث سنوات بدون مشاكل .

عادية ماعليك

السـلآم عليكـم

يآخوي لاتوسوس كل هالأصوات طبيعية

آنآ موتري من شريته وفيه نتعه بسيطه من نمرة 1 الى 2 وتصير بوضوح اذا كانت حرارة القير بارده واذا كانت حرارته طبيعية ... تكون النتعه بسيطه جداً

واما بالنسبه للتعشيق من D الى R طبيعي برضو اذا طلع صوت اغلب المواتر الاتوماتيك كذا

لذا ماعليك ان شاءالله

الله يطعمك من خيره ويعديك شره يارب

تقبل مروري :)

أنا لاحظت نفس الشي ... عندي تاهو 2008 وكل من سألته قالي عادي في الشيفروليه

والله يأخوان صوت قير الفورد اشبه ما يكون بمعزوفة سيفونية او مقطوعة موسيقية من الحان الاخوان رحباني.... احترامي

طبيعي اخوي والله يبارك لك في موترك

هل هو دفع رباعي
إذا لا
حاول تشحم عمود الدوران