مقارنة (تكييف + بنزين) = (يوكن vs اكسبيديشن )

تعتبر صرفية البنزين في الأكسبدشن هي الأقل في فئته من السيارات بشهادة المنافسين رغم فارق الوزن لصالح الاكسبدشن ونوع البنزين هو 91أوكتان وسعة خزان الوقود تقريبا 105 لتر وتكلفته أول ما يضيئ مؤشر مقاربة إنتهاء الوقود والذي يخبرك أن الوقود الموجود يمشيك 80 كيلو في حدود 40 ريال وهذا الخزان يقطع بك مسافة تصل إلى 700 كلم في الطرق السريعة على السرعات المعتدلة أي 120 إلى 140كلم اما داخل المدينة فأكيد راح يكون أكثر صرفية وهذا يعتمد على الدعسة وطريقة قيادة الشخص للسيارة لكنه اجمالا بحدود المعقول

شكرا ع المرور اخوي طاش
طيب كم تقريبا يصرف الاكسبيديشن بنزين داخل المدينه وفي الخطوط اكيد مرة جربت صفرت عداد الكيلو عشان تشوف كم يمشيك من كيلو :c0214:
مشالله التكييف شكله ممتاز معك :xyxthumbs:

انا سيارتي اكسبديشن 2007 امريكي دفع رباعي .
ولله الحمد صرفية بنزين معقولة بالنسبة لسيارة عائلية كبيرة الحجم .
طبعا انا اعبي بنزين اوكتان 91 الاخضر .فما بالك لو انه اوكتان 95 الاحمر .
وتكييف ممتاز في عز الحر وفي السفر ماشاء الله تبارك الله
وجربته اكثر من مره في الوقوف لفترات تصل لأكثر من ربع ونص ساعة والتكييف ولله الحمد من اروع مايكون .
ويمكن من سيارة لسيارة تفرق والله اعلم .
اما بالنسبة لليوكن مااقدر افيدك لأني ماجربته والاخوان فيهم الخير والبركة والله يكتب لك اللي فيه خير .
تحياتي للجميع

بالتوفيق يا لحن المشاعر وانشالله تتزوج وتخلي العيال يسرحون ويمرحون في السيارة ياحبهم للسيارات العائليه خخخخخخخخخخخخخخخ:smilie16:
كويس اذا كانت المرواح كهربائيه وتحافظ ع حرارة الموتر :ch19:

وش عياله بارك الله فيك < -- عزوبي :bigggrin:

بالنسبه لعز الظهر المكيف طقه طقتين وانسى الحر :xyxthumbs:

اما الجمس يكون واقف مايتغير برودته لآن المراوح كهربائيه

عكس القديم واللي طلع هالكلام ( اذا وقف الجمس قلت برودته ) حاليا تم ازالته هالشي :smilie16:

بالتوفيق يابعدي .

شكرا ع المرور
الله يبارك لك في موترك
بس ياليت اخوي تعطيني فكرة عن السوبربان لما يوقف فترة في الظهر كيف مستوى البرودة
مشالله اسبوع يشد معك البنزين :xyxthumbs:

من ناحيه المكيف والبنزين

بتكلم عن الموديل السابق واكيد الجديد افضل

ويشهد الله على كلامي

التكيف عمري ماحطيته اكثر من 3 حبات داخل الديره واكثر شي حبه حبتين !

حتى بالسفر حبه وحده وبارد جدا واخلى درجه الحراره 20 لشده برودته

اما من ناحيه الصرفيه اعبي فل بـ 50 واذا فاضي مره يزود ريالين ولا ثلاثه ريال

ويقعد اسبوع مع الدعس والمكيف والدوارن وكل شي : )

اما حاليا موتري مايطلع كثير الا الصباح للدراسه و الباقي نادر جدا اطلع فيه

ولي شهر ماعبيت الا مره والثانيه قربت .

على راسي عتابك يالغالي .. بس انا ما قلت شي عن اليوكن .. وقلت ما اعرفه ولا جربته

نقلت تجربتي مع الاكسبدشن فقط

أما الكلام المنقول .. فافضل من يجيب على اسئلة أخونا هو اللي جرب السيارتين

لانه يعرف الفرق افضل مني وافضل من اللي جرب اليوكن فقط

وبما ان كلام الرجال يشمل المكيف واستهلاك البنزين .. فرأيت أن نقله كامل أفضل لمن يريد أن يرى أسلوب الكاتب وتعصبه من عدمه

بالتوفيق للجميع

موتري اكسبدشن 2008 .. ومكيفه من احلى ما يمكن رغم وجودي في مكة وحرارتها

و2010 صار مراوح كهربائية .. يعني بالتاكيد افضل

وبصراحة ما اعرف شي عن اليوكون ,, ولكن هذا رد لاحد الأخوان المجربين للسيارتين

.............................................

1. نبدأ من القوة =====>> اشوف الاثنين قريب من بعض لكن ارجح الاكسبديشن

2. من ناحية الراحة ====>> طبعاً فيه فرق كبير وشاسع بين الاثنين والكفه لصالح الاكسبديشن

3. من ناحية الثبات والتماسك ====>> الاكسبديشن أفضل وخاصة في الخطوط الطويلة

4. من ناحية التكييف ====>> اشوف تكييف الاثنين جيده ، مع ملاحظة ان اليوكن سافرت فيه مسافة 1200 كيلو وبعد حوالي 500 كيلو المكيف الخلفي صار ما يطلع هواء وطفيته وبعدين شغلته بعد ما مشيت مسافة والحمد لله وصلني للرياض وطبعاً اكيد مو كل اليوكنات بيكون فيها نفس الشئ يمكن هذي حالة في الموتر اللي معاي

5. من ناحية الارتفاع ====>> الاكسبديشن ارفع شوي ولو تلاحظ ان جنوطه مقاس 18 بعكس اليوكن كان 17

6. من ناحية صرفية البنزين ====>> انا كنت اسافر باستمرار ومثلاً لما اقارن بين الاثنين بشوف ان اليوكن لما يوصل الربع يكون الاكسبديشن في نص الربع الثاني ولكن ما فيه مقارنة وبتقولون ان اليوكن افضل انا اقول لا لان التانكي في اليوكن اكبر وانا لما يكون عندي الاكسبديشن نازل على الربع بحوالي 42 ريال ،،،، لكن اليوكن لما يكون على الربع الاخير أو فوقه بشوي اعبيه فوق 55 ريال هذا على حسب ما اذكره
وعلشان اعطيك فكرة افضل داخل المدينة اشوف الاكسبديشن اقل صرفية والدليل اني لما افلله يجلس معاي 5 ايام طبعاً هو سيارتي الوحيدة

7. من ناحية الاتساع =====>> هذي بدون مقارنة هي من نصيب الاكسبديشن وبدري على اليوكن يكون باتساعه لان حتى مراتبه الخلفيه غبية في طريقة طيها اما بالنسبة للاكسبديشن فبكل سهوله وتلقاها مثل الكف
المرتبة الامامية في اليوكن اضيق من الاكسبديشن طبعا على حساب انهم كبروا الدرج اللي في الوسط والي يمكن رفعه ويكون مكان لشخص ثاني

8. الخدمات والترفيه ===>> كل واحد يتميز بمميزات مثلاً اليوكن فيه تشغيل عن بعد والمرايا الجانبية تتصفط عن طريق التحكم بالازرار
والاكسبديشن فيه خدمة حلوة وهي الازرار الجانبية لفتح ابواب السيارة ولكن المرايا ثابته وتصفط باليد وبالنسبة للتشغيل عن بعد اتوقع انها موجودة في الوكالة

9. المنظر الخارجي ====>> اشوف المقدمة في الاثنين حلوة لكن في الخلفية اشوف اليوكن يتفوق

10. داخلية الموتر ====>> كلها حلوة لكن بصراحة اليوكن يتفوق في شكل الطبلون ،،،، لكن الاكسبديشن فيه حركة حلوة هي المكان اللي فوق وتقدر تحط عليه الجوال أو غيره ايضا قلة الاماكن ( الادراج والخزائن )اللي تقدر تحفظ فيها اشياءك الخاصة اليوكن عندي افضل لان غير الدرج اللي امام الراكب تجد التكاية تقدر تحط فيها اشياءك وبرضه فيه مكان لما ترفع التكاية تقدر ترفع المرتبة اللي في النص على يمين السائق وتلقى مكان حلو لحفظ الاشياء من العبث ،،، وعندك المكان اللي بجنب الركاب في السيت الثالث فيه شئ على يسار الركاب تقدر تفتحه وتحفظ الاشياء والاطفال صعب يفتحونه لانه عبارة عن كبس وفتحه سهل لكبار اما الاكسبديشن ما فيه غير الدرج اللي امام الراكب وصغير نسبياً والدرج اللي على يمين السائق وهو تحت التكاية لكن غيرها ما اعرف لان عندي اشياء اخاف اتركها في السيارة اذا احد عنده فكرة يعطيني اياها

11. من ناحية خدمات الوكالة ====>> كل الاثنين رايحين فيها لكنهناك حسنة للجميح انك تقدر تشيك اليوكن عند اي مكان اس اي ديلكو وانت مرتاح من تسحيب الجزيرة وبعد عندهم اسعار التشييك حلوة بعكس الحرامية في الجزيرة الله لا يردهم

12. القير ====>> لو تركوا القير علاقي كان احسن في الاكسبديشن لانه اثبت انه ناجح بكل المعايير ويعطي راحة اكثر هذا حسب رايي

13. من ناحية الاستخدام =====>وهذي افضل ميزة ان قيادة الاكسبديشن تعتبر كانك تسوق سيارة عادية مو عائلية لانه خفيف وتغييراته سلسة ،،،، اما اليوكن لازم سيارة ثانية تخدمه


ملاحظة المقارنة بناءاً على تجربتي انا شخصياً واليوكن جلس معاي حوالي 9 شهور وطبعاً اليوكن قصير بدون دبل والاكسبديشن قصير بدون دبل وكلهم موديل 2009

من ناحية البنزين مشاء الله على اليوكون مايصرف كثير .
اما من ناحية المكيف كان الى موديل 2004 مروحة مع المكينه لكن من 2005 جت مراوح كهربائية ولها سرعتين ومعروف صوت السرعه الثانية كنها مكينة مرسديس ( مشاء الله تبارك الله ) واللي عندي 2005 مشاء الله التبريد تمام التمام واحيانا لما نكون في سفر والله نخفضه الى اقل درجه ونرفع درجة الحرارة حق المكيف .
اما في الوقوف فما اتوقع ان السيارة وقفت والمكيف شغال مدة طويله يعني مدة قصيرة قد تصل الى 15 او 20 دقيقة بالكثير ولكن ماتحس بحرارة والسبب وجود المراوح الكهربائية .
اما الاكسبدشن ماعندي خلفيه عنه يفيدوك اصحابه .

يعطيك العافية
اخبر اليوكن والتاهو نظام المكينه 4 سلندر في المدينه و8 سلندر بالخط وهذا سبب عدم صرفيته للبنزين
صح كلامك بالنسبه للمروحه في الموديلات القديمة كلام 100% انها مربوطة بالمكينه اما الموديلات الجديدة نظامها كهربائي وهذا يقلل من ارتفاع الحرارة في اجوائنا الممطرة والجميله:a1120(86):

طيب اخوي ما عطيتني تجربتك للتكيف بالنسبة للاكسبيديشن انا مرة سالت واحد عنده موديل 2009 وما يمدحه لما يكون واقف فترة طويلة

يعطيك العافيه ع التجاوب معنا
مشالله صرفيه ممتازة جدا انا اذكر اني جربت يوكن 2002 بالخط كانت صرفيته ممتازة وما صدقت الا لما رجعت وعبيت التانكي فل مرة ثانيه

يعطيك العافيه اخوي
كويس انك جربت الموتر وهو واقف فترة طويلة وبالظهر وعطيتني النتيجة
لاني بجد ما استحمل الحرارة وخصوصا لما تنتظر العيال يرتفع ضغطك وتزيدها حرارة التكييف مشكلة كذا
صرفيته مشالله حلووووووه كنك تسوق سيارة يبانيه عادية
الله يبارك لك هالسيارة