محتار بين ثلاث سيارات تكفون ابي النصيحة وش اختار

توكل على الله وخذ البرادو واحفظ مالك

والله ياخي الفاضل انت من يحدد اختيارك
لكن وجهة نظر اطرحها لك اذا كنت مهتم بسلامتك وسلامة عائلتك اتمنى ان تزيل البرادوا عن نظرك بسبب سرعه انقلاب هذه السيارة وكثرة حوادثها .

كلن يتميز عن الثاني بشيئ .. وكلهن لهم شعبية كبيره على مستوى

العالم .. وفي السعودية ومع عبداللطيف جميل مالك ألا البرادو رغم

إرتفاع سعره عن المنافسين ( بفرق أكثر من عشرين الف) .. امــا

الباثفايندر شكله لم يطور ولم يحسن .. والشيروكي جديد بالكامل مع

فخامه ومحركات 8 سنلدرات من هيمي تحبس الأنفساس .. البرادو

محركة جيد وتقنياته ممتازة ووكيلة افضل الموجودين .. ولا يبقى لك

إلا ذوقك الخاص .. وأرجع انصحك بالبرادو .. فهو من سلالـة تويوتا

لاند كروزر وهي سيارت يعتمد عليها كثيراً .. والله يوفقك انشالله .

يالغالي للأسف البعض يحسبون الشغله انها تعصب والدليل مدح سياراتهم

وانا اخاف اقولك بتقولي حتى انت تعصب اود من الاخوان ذكر مواصفات سيارته

انا اقول القراند بما اني امتلكه و بعد لاريدو 2006 3.7 وليس مثل الجديد 3.6 اتوقع الفرق انه 20 او 15 حصان والله اعلم والمهم ان اشوف انه عزم ماشاء الله بما اني
جربت السييرا v8 + الكامري v4 2002 واشوف انه v6 وخفيف عزمه حلو وبعد سياره تمام والحمد لله متماسكه وانا مثلك كنت متخوف من شروكي ولكن الحين اغلب
الورش تسوي شروكي ولحظ انا اتكلم من مديل 2005 الى 2010 مع تجارب الناس
وبالنسبه للوكاله للأسف نصااابييين رحت سويت صيانه شامله اول ماشريت الموتر
من الى قال السياره تمام بس يبغالها مساحات قلت ابشر يالغالي وغيرته واروح بعد
شهر من استخدامي والصرفيه قويه واكتشف ان البواجي منتهيه ( السياره استخدام امريكي والسنه ذي اشتريتها ) و غيرتها طبعا بواجي اصلي من الوكاله 120 ريال
والحين اكتشف ان السياره يبيلها تربيط وكل هذا ان ما قالوه الوكاله .

المهم وما لك بالطويله الوكاله ما تصلح الا اذا جيت وقلتلهم انا ابي مثلا تغيير اقمشه
وبس عشان ما يتفلسفون وطلعون خرابات الدنيا في السياره وهي تمام .

انا اشوف ان السياره متماسكه وحقت خطوط وفيها العزل الصوتي تمام وعزمها بعد

وقطعها الاستهلاكيهـ متوفره في محلات قطع غيار الامريكي و بالنسبه هي ارخص من

نيسان .


انا تكلمت عن تجربتي واتمنى محد كل واحد يتكلم عن تجربته لأنكم كذا بتظللون الرجال

اتمنى اني افدتك وشكرا.,,

ارشح البرادو

تويوتا
ان بغيته فخامه فهو فخم
بر فهو احسن موتر للبر
وكيل احسن وكيل ابو جميل
صيانته سهله والقطع متوفره
والله يووفقك في الموتر اللي بتاخذه :)
وأهم شي الاستخاره ^_^

برادو اكيد
جودة وخدمة وقيمة بيع جيدة

الاهم وهو التالي:
1-وكيل ممتاز
2-قطع متوفرة ورخيصة
3-سعر مابعد البيع
4سهولة الصيانة حتي لو خارج الوكالة
الاشياء اللي اعتبرها مهمة ولكن مش ضروية لدرجة كبيرة :
1-الشكل
2-الاكسسوارات من الداخل

طبعا بيكون خياري الاول برادو للاسباب السابقة الذكر مش من هواة برادو لكن باكون لاشك مرتاح من كل النواحي وهي الصيانة والقطع ووووو الخ .
الخيار الثاني : بيكون باث فايندر والثالث بيكون جراند شيروكي للامانة كلها اجمل من برادو وقوة محرك لكن يبقي برادو افضل لي لاني ماااحب الصداع من قبل الوكلاء الحمراني والمتحدة لانها لاتوفر قطع وصيانة تعيسة جدا اقولها من باب ثقة وتجربة وفوق هذا غالية خصوصا الشيروكي وانت جربت كامري لك الخيار

واذا ابي اضيف سيارة ممتازة وحلوة وماشية بشكل ممتاز هي فورد اكسبلورر او اكسبديشن قطع متوفرة وسعر معقول واسعارها في الشراء معقولة جدااا على كل حال الخيار لك وانا وضحت وجهة نظري وتفضيلي لنوع السيارة

والله الجراند شروكي هو احسنهم وافخمهم

اذا جديد ابعد عن البرادو والجيب لأنه اثنينهم لسه موديلات جديده واحتمال العيوب المصنعية عالي جدا الأفضل الباث

اخووي اولآ: البرادو سعره مرتفع ومايستحق سعرره زي ماذكرو الاخوان ..ثانيا الشيروكي..قطع غيااره غير متوفرره واسعاارها خيااليه..انا اقوول لك..استخير الله ..وسم بلله وتوكل وروح شركه نيساان انت والعائله وخلهم يشوفون الباثفندر اولا سعره معقول..مريح لخمسه اشخاص..
مريح في الخطوط..وحق خبووت ووين ماتبي تروح يرووح..وقطعه متوفرره...وفي النهاايه القرار لك..
تحيااتي..

بما أنك تقول السيارة بتقعد معك فترة طويلة وأنت أبو عائلة وبتكبر عائلتك بحول الله

ليش ما توسع خياراتك

يعني مثل (تاهو , يوكن)

أو

(إكسبلورر , إكسبيدشن )

والله يكتب لك اللي فيه الخير

برااااااااااااااادو

ابعد عن شيروكي ..

واحد من اقاربي شرا واحد وانكسر القزاز .. وقعد 3 شهور وعليه بلاستيك لعدم توفر القطعة ..

افضل الخيارات هو البرادو

والله اعلم

السلام عليكم

أتفق مع كلام الأخ m_001
نستبعد الباث فايندر من المقارنة لسبب مهم جدا
أن الباث فايندر سيارة غير مخصصة للطرق الوعرة :)
يوجد منها موديل مخصص للطرق الوعرة و لكن لا يباع بأسواقنا
لذلك أقدر أقول أنها سيارة نقل للإستعمال الخفيف أكثر منها سيارة دفع رباعي مخصصة للأووف روود
أعتقد مثل ما قال الجبيري1 الباث فايندر مناسب اذا سائق يوصل أطفال للمدارس و يقضي حاجات المنزل مثل جلب الخضروات و الميوه من الأسواق المجاورة :)

باقي خيارين
جميعهم ممتازين جدا جدا
أسأل مجرب
يوجد نقطة مهمه جدا و هي أن الجراند شيروكي للأسف لا يوجد له شعبية بأسواقنا بالرغم أن السيارة تحمل تاريخ عريق جدا بخبرات الدفع الرباعي و جودة و متانة رائعه جدا
يأتي اللاندكروزر برادو
جمع كل مواصفات الدفع الرباعي المتطور المميز , الجودة , قطع الغيار , المتانة , صناعة يابانية
هنا أعتقد اللاندكروزر برادو أعتقد يتقدم بالخيارات أعلاه

بعد ذلك صلاة الإستخارة ولا تنظر خلفك و ثق تماما أنه اذا لم يكن بأمرك الخيره فلن تستطيع شرائها و ستحدث أمور بذلك , و إن كان بالأمر خيره فستجد عملية الشراء يسيرة و سهله جدا , لكن هذا لن يحدث الا باليقين التام بصلاة الإستخارة

هذا رأيي والله أعلم

و توكل على الله
بالتوفيق

أولا الله يحفظ لك بنياتك و أم عيالك............و الشغالة عشان ما تبلش مع الجوازات:bigggrin:

بالنسبة للسيارة لو كنت مكانك.......راح استبعد الشروكي!!
من كلامك انك ما تفك السيارة الا بعد استخدام طويل......الشروكي اقل صبر من الباثفايندر و البرادو........و قطع غياره غير متوفرة مثل النيسان و التويوتا

من ناحية الصبر النيسان و التويوتا متقاربين تماما........و سواء أخذت باث أو برادو كلهم ما عليهم كلام...........البرادو شكل جديد ما نزل الا في 2010 و الباثفايندر سعره أفضل حسب علمي

خذ عائلتك الكريمة يركبون السيارتين و خلهم يختارون حسب راحة الركوب و السعة

و الله يكتب لك اللي فيه الخير

صبحك الله بالخير :
اولا :انصحك بالاستخارة .
ثانيا :من وجهة نظري الباثفيندر بالنسبة لك افضل الاخيارات ،سعره اقل بكثير . ممتاز للعائلة وطلعات البر وثلاث صفوف للمقاعد .
ثالثا :البرادو سعرها غالي جدا ولايستحق هذا السعر .
رابعا :القراند شيروكي سيارة جبارة ومواصفات عالية ومريحة ،لكن يعيبه الوكيل والصيانة وقطع الغيار اسعارها خيالية .

والله المازدا ماحبيتها ولا دخلت مزاجي ابد ، لاني عندي تجربة سابقة معها وقطع غيارها غالي مره وصيانتها كثيره