أهم حساسات نظام TBI Injection

ما تقصر اخوي بشير القير اللي راكب فيها مقاسه 700 والمكينة 305 ولاهنت اخوي كم سعر حساس الهواء وياليت توريني صورته لان الصورة ما ظهرت عندي واكرر شكري لك يالغالي

وعليكم السلام أخوي

اهلين فيك بسألك ويش نوع القير اللي راكب على سيارتك ؟؟؟

انت حاول تشيك على حساس الهواء map sensor ترى يلعب دور واذا فيه مشكله راح يسبب كربون وعدم صفاوة المكينه وتفتفه وانطفاء بعد

السلام عليكم ورحمة الله وبركاته
اخوي بشير كثر الله من امثالك وما تقصر صراحة انا ادور الموضوع هذا من زمان واخيرا لقيناه
اخوي انا عندي كابريس 89 اذا مشيت عادي مافيه شي لكن اذا عشق القير في الثاني المكينة يخف صوتها وتحس البنزين يالله يوصل لها وبعض الاحيان اذا دعست لها وهي واقفة تحس السيارة بتطفي وبعدين تمشي والتفتفه من عند الشكمان الا المكينة ما فيها بس المكينة فيها تكتيم بسيط وخاصتا اذا وقفت يومين تكتم مرة وبعض الاحيان خلاص بتنطفي واقعد ادعس لها ويطلع كربون مهو بصاحي كثير وتنطفي وانا واقف ما ادري وش علتها بس انا اظن انها من البخاخ لاني غيرت صفاية وطرمبة بنزين وبواجي واسلاك بواجي ونظفت البخاخات ويوم نظفتها طلع العزم ما شاء الله قوي ونسيت اقولك شي الاحظها في الطلوع لاني عايش في الباحة يطيح عزمها يعني ماشي 100 ترجع الى 60 وعلى نفس الدعسة هذا اللي ابي اقوله واسف اذا طولت عليك بس عقدتني المشكلة ذي وسلامتك

أخوي عندي لك كذا سؤال راح اسألك واريد الاجابة منك:-

1- هل المكينة تشتغل عالطول من اول دقة سلف والا تطول وتتاخر معاااك

2- مكينة سيارتك سليمة والا بها مشاكل من شنابر او ربل بلوف ؟؟؟؟؟

اذا كانت المكينة سليمة وتشتغل من أول دقة سلف فحاول تشيك على حساس الدعسة TPS وتنظفه ببخاخ الالكترونيات وتبخ على مكان مايركب في قاعدة البخاخ وكذلك حاول تشيك على وايرات البواجي وفلتر الهواء لابد يكون نظيف واذا تعبان غيره بواحد أصلي كذلك اذا ماغيرت من قبل فلتر البنزين غيره وراح يضبط معاك الموتر وبالنسبه للحساس الهواء حاول تجرب تفصل الفيش الخاص به والسيارة شغاله اذا شفت تغير صوت المكينة أو طفت فاكيد الحساس سليم والأفضل انك تفصل الهوز حقه والسيارة شغاله راح تلاقي الكربون الأسود يخرج بشكل كثير وهذا يدل على انه الحساس سليم ومافيه شئ بس اذا ماتغير من شغل المكينة شئ فأكيد الحساس فيه مشكله

انا اظن عندي طرمبة البنزين + حساس الهواء + حساس دعسة البنزين


لان عندي كربون و تكتيمه و صرفية ....

اول ما اشغل السياره يطل دخان ابيض ريحته كربون و لما ادعس بنزين السياره توقف ثم فجئة تمسي بسرعة ...

البواجي جديدة ..

يارب تفيدني

كابرس 1992

تسلم أخوي فورمولا ون على هذا المدح وعلى تعليق الطيب والحمدلله هذا واجب الانسان اتجاه اخوانه المسلمين مساعدتهم وتقديم المساعدة والواجب على كل انسان رزقه الله بعلم أن يفيد أخوانه ولا يكتم هذا الشئ وأنا اشكرك استاذي الفاضل على ماتقدمه من نصائح ومساعدات ودعم معنوي لأجل الاستمرار في المشاركات والتقدم والابداع ..........بالتوفيق للجميع

وعليكم السلام ورحمة الله وبركاته
حياك الله اخوي الكريم
اعتذر لتأخري يالرد على مشاركتك المتميزة والرائعة وذلك لسببين , الاول انشغالي بالرد على مشاكل الاخوة الكرام والسبب الثاني هو انني احببت ان اقرا موضوعك على رواقة مع كاسة شاهي < كما تقولون > :bigggrin:
سلمت يداك على هذا الموضوع المفيد والشيق واشكرك على هذا الرابط المفيد جدا جدا جدا .
بارك الله بجهدك ونفعنا الله بعلمك وجعله في ميزان اعمالك الصالحة يوم القيامة
تقبل شكري وامتناني واحترامي وتستحق بجدارة 5 نجوم واكثر
اخوك

لاشكر على واجب أخوي بالتوفيق للجميع

ألف شكر لك اخوي بشير على التوضيح وأسعد الله ايامك اليوم ودوم

العفو أخوي يابو ماجد ولا شكر على واجب واي سؤال أو خدمه اقدر اساعدك أنا حاضر في الخدمة

شكراً اخي نعم انا اشوف البوابه تفتح على شان سحب الهواء يكون من الاسفل وبعدين يتسكر ويتحول سحب الهواء من الأمام .

اهلين اخوي هذا يعرف ب صمام اعادة تدوير الغاازات EGR Valve وظيفته اعادة تدوير الغازات المتبقية في المحرك ومن ثم اعادتها الى ثلاجة المحرك واحراقها ومن ثم اخراجها الى الخارج عبر أنبوبة العادم (الكنداسة) مما يوفر تنفيس للمحرك عبر طرد هذه الغازات الغير محترقة داخل المحرك

الله يجزاك خير أخوي بشير بس عندي استفسار هذا اللي بالصوره تحت عليه مربع أحمر يجي جنب الكربريتر وش وظيفته ؟؟

هذا مهمته ادخال هواء ساخن للقربة وماتحتاجه الا اذا كان الجو بارد جدا يعني تسريع في التسخين

اهلاً اخي العزيز ,بالنسبه للتشغيل الصباح ما المس البنزين ابداً لكن ادق مدة 3ثواني ويشتغل على طول إذا كان له مده ماشتغل يعني اكثر من ساعتين اما إذا كان توي مطفّي يشتغل على طول ,اعتقد ان سبب التأخير البانزين يكون نازل ,الريس ممتاز ولا يحتاج تزويد ولكن ترا الطفيه ماهي دايم احياناً ياخذ اكثر من شهر لم تأتيه الحاله .بالنسبه لحساس حرارة الهواء مفصول عندي من زمان ولا اشوف له اي تأثير واعتقد انه خربان لأنه من الاعلى من الجهه اللي بالقربه الضاهر فيه سبرنق او حاجه تشبه الياي الصغير وطايح او مكسور ’هل هو موجود بالمحلات او اتركه زي ماهو لأني ماشوف استهلاك للوقود كثير,وفيه حاجه لو سمحت اللي هو الخرطوش اللي من الألمنيوم اللي بين القربه والقزوز هذا ماهو موجود وماهي مهمته؟

وشكراً..

جزيت خيرا
أفاد كم الله

أهلين مشرفنا الغالي طبعا الموضوع قد سبق نزلته في هذا المنتدى ولكن حذف في فتره عمل صيانه للمنتدى وحبيت ارجع وارفعه مره ثانيه وشكرا لك على مرورك

أهلين أخي أبو ماجد بالنسبة الى مسألة الطفيه اللي تجيك أحيانا ماعتقد لها علاقة بحساس منظم الهواء اللي نسميه باللغة العاميه حساس الريس لأنه على حسب كلامك أنه في الصبااح المحرك يشتغل على طول والريس يرتفع لين يسخن ثم يبدأ بالنزول تدريجيا لو كانت السيارة في الصباح خصوصا أو أي وقت تكون باردة بشكل تام تلقى السيارة ماتشتغل الا بالدعس على دواسة البنزين واذا اشتغلت لازم تظل رجلك على الدعسه لين تسخن والا راح تشوفها تطفي على طوول وفي الاشارات تطفئ ايضا خصوصا عندما تسخن السيارة , يعني نستبعد حساس منظم الهواء من مشكلة سيارتك وبالنسبة للتنظيفه ايووه لازم تنظفه اذا لقيت عليه طبقة من الكربون بمنظف الكترونيات أفضل من بخاخ الصدأ مع فصل اصبع البطارية السالب قبل فك الحساس وحط في بالك لاتلمس ابر الحساس أبدا والا راح يخرب عليك هذا شئ والشئ الثاني نظف مكان مايركب الحساس في البخاخ بقطعه قماش والا ماراح تستفيد من تنظيفك للحساس

مشكلة الطفيه اللي تجيك في الاشارات اتوقع انه الريس عندك منخفض يبي لك ترفع عليه شوي بشكل طفيف والسيارة ساخنه وتجرب كذلك نظف حساس الدعسة TPS Sensor مع مكان مايركب في البخاخ رش مكان مايركب بواسطه بخاخ منظف الالكترونيات واذا فلتر الهواء من زمان مابدلته بدله بواحد أصلي او نظفه عند البنشري مع التشييك على فلتر البنزين و بلف التبخير يمكن وسخان عندك شيك عليه وبعد ماتسوي هالاشياء شوف ويش يصير معاك وأنا حاضر في الخدمه

وعليكم السلام ورحمة الله

شكرا لك