تقوية طرمبة الزيت ( بالصور )

يعطيك العافيه

حياك الله اخوي العزيز

اما سالفة البنزين في تنظيف المكينة فهذي فكرة غير مقبولة ابداً
ولا انصح احد يسويها

لك الشكر على هذا التنبيه
بما أن زيت القير يزيل الأوساخ , فلا بد لهذه الأوساخ أن تتجمع في مكان ما. و أضف على ذلك: فلتر الزيت (السيفون) الذي يجب تغيير فورًا بعد التنظيف.


ملاحظة: في منتدى آخر قرأت عن طريقة غريبة في تنظيف داخل المكينة , و هي باستخدام البنزين !! و قال بأن الطريقة فعالة جدًّا و آمنة بدون آثار سلبية. و البنزين كلكم عارفين قوة تنظيفه.
علمًا أن ذلك تم بعد فصل أسلاك البواجي من أجل منع الإشعال.. ثم تشغيل السلف لكي يجري البنزين في مسارات الزيت المعتادة.
و في النهاية يتم تصريف هذا البنزين و يوضع زيت مكينة عادي لفترة 10 دقائق و تشغيل السيارة فيه , ثم تغييره هو الأخير.

أحد سمع فيها أو جرب ؟

تكلمت في السابق عن طريقة تنظيف المكينة بزيت القير وقوتة وآمانه في تنظيف المكينة
ولكن هناك عواقب بسيطة في استخدامه حيث انه قوي في تنظيف المكينة وعليه فأن عيبة الوحيد هو اتساخ شخال ماصورة الزيت
ويسبب سدد فيه بسبب تجمع الاوساخ في الشخال وعليك في حالة أي ملاحظة في قراءة حساس ضغط الزيت في حالة وجود ضعف في الضغط فعليك فك كارتير الزيت وتنظيف الكارتيروالشخال

طرمبة الزيت قليلة الخراب

واي خلل عندك في ضغط الزيت سببه التالي:

1- حساس ضغط الزيت مع فلتره الصغير.




http://www.youtube.com/watch?v=hiWWWbtLx44#t=11


2-جلدة الطرمبة وهي السبب الرئيسي في ضعف ضخ الزيت .






3- شخال ماصورة الزيت اللي في كارتير الزيت وهذا يجب تنظيفه.

4- سسته او سبرنق طرمبة الزيت وشرحتها لكم في الموضوع اعلاه


تحياتي للجميع

العفو اخوي وشرفتني بمرورك
تحياتي لك

شكرا لك يالغالي على التوضيح ،،، وجزاك الله كل خير

الله يسلمك اخوي
لا والله ما عندي ورشة ولكن هو عشق للسيارات مع شوية خبرة

تحياتي وتقديري لك اخي العزيز

عبدالعزيززز ..
لبببئ قلبك يشيخخ .
شكرآ ععلى توضيحككك المفصل

يآخي عندك ورشه ..
قسمابالله لجييك وأي شيء
بالموتر ازينه عندك ...
بدال هدولي العمال ماعندهم سالفه

حياك الله اخي العزيز

طرمبة الزيت عندك تمام ما يحتاج تخسر نفسك على الفاضي
وبالنسبة للشباب اللي يتعدى سرعة 160 فما انصح بتعديل الطرمبة لأن صمام الامان في الطرمبة
بعد التعديل راح يكون اكثر مقاومه في الغلق وهذا يسبب ضغط على المكينه والطرمبة ان شاء الله ما يأثر
طالما امبير ضغط الزيت ما يوصل للأخير وهذا اللي متخوف منه فقط والسبرنق اصلاً فيه مجال للنزول حتى بعد اضافة الصاموله
واذا كنت مو راعي سرعة فاضافة الصامولة للسبرنق مفيده جداً
اما طرمبة الماء فما تحتاج تعديل علماً انه يوجد طرمبة ماء رياضيه ولكن مو مفيده لذيك الدرجة
يعني خسارة على الفاضي واتوقع يركبونها اللي يركبون تيربو والله اعلم
واما بلف الحرارة تقدر تعدل فيه بثقبه ثقب واحد فقط بريشة دريل 6 مل وانا مسويها في كابريس 2000 عبر ثقب صمام الامان اللي في البلف والنتيجة ممتازة
واقصد بصمام الامان هو المسمار الاصفر الصغير اللي في اعلى البلف تزيل المسمار وتثقبه بريشة دريل 6 مل
http://montada.haraj.com.sa/imgdir/51058ad37623c.jpg
تحياتي لك

تسلم على الموضوع المميز

عندي كم سؤال يالغالي

س/ اش اضرار لو قويه طرميه زيت سيارتي ،،، علما ان سيارتي طرميتها ممتازه في الصيف و الشتاء
والى اي حد سوف استفيد عندما اقوي الطرميه

س / هل ممكن تقويه طرميه الماء ايضا ؟؟؟

اذا كان امبير ضغط الزيت مثل هالصورة فالوضع طبيعي وما يحتاج تغيرها


http://im12.gulfup.com/2011-12-08/1323397637393.jpg




واذا الامبير مثل اللي بالصورة وعندك تكتكه بالمكينه فعليك بتغيير الزيت اللي تستخدمه
وعليك بزيت قلف اللي علبته بيضاء

وقبلها روح المشحمة واشفط علبتين من زيت المكينة وضع بدل عنها علبتين زيت قير بالمكينة وبعد 5 ايام غير الزيت والفلتر
زيت القير قوي في تنظيف المكينة ولا منه ضرر
وضرره الوحيد هو انسداد شخال الزيت اللي بالكارتير لقوة تنظيفه ولكن طالما ضغط امبير الزيت مثل الصورة فالوضع مطمئن

هلا اخوي ارسلت لك على الخاص
ولكن ياليت تقول لي امبير ضغط الزيت على فين واصل عندك بالطبلون

مساكم الله بالخير

ابسألكم عن طرمبة زيت مكينة الجمس سيرا 2500 Hd مكينة 6.0L موديل2008 ..

أبي منكم لوتكرمتوا
وش أفضل طرمبه نوعهآ وكم رقمهآ ،،
تحححياتي لكم ،,

ومن قال
ويشرفني واعتز بصداقتك

يسعد قلبك يا شييخ

حياك الله ابشر ولا يهمك

ابو عزه لاهنت خذ لفه ع موضوعي ان كان ودك ترد اكون شاكر لك يا حلو

http://www.assayyarat.com/forums/thread274898.html#post2893755

سبحان الله العظيم