تقوية طرمبة الزيت ( بالصور )

العفو اخوي
ياليت تجيب رابطك اللي يثبت كلامك مع وجود رقم الطرمبة بالموضوع
هذا العضو اللي قريت له الظاهر انه انلعب عليه وقالوا له غيرنا الطرمبة وهم ما غيروها ويوم واجههم غيروها له
وهذا رابط الموضوع الاصلي اللي يثبت صحت كلامي وبالعقل مكينة الدينالي اكبر واقوى ومحتاجه ضخ للزيت اكثر من فئتها من الجموس الأخرى الاقل منها
في سعة المكينة والقوة
وهذا دليل يثبت ان الطرمبة واحده لجميع الجموس ولكن الاختلاف في السبرنج فقط ومدى مقاومته لفتح الصمام
بعد اذن المشرفين شوف هذا الرابط
http://www.mekshat.com/vb/showthread.php?t=550746



تحياتي لك

حياك الله اخوي الصاعدي
شيء طبيعي يقول لك الميكانيكي غير الطرمبة بجديده علشان ما يتوهق مع الزبون ويعيد شغله في حالة أي خطاء منه
ولاحظت ان الطرمبة بعد فكها لا يوجد لها وجه ولو وضع وجه من السيلكون كان افضل بأن تفك الطرمبة وتدهن بمعجون
كالمعجون اللي يوضع على طرمبة الموية قبل التركيب معجون سيلكون معروف تلقاه عند محلات قطع الغيار
وسالفة المحلول اللي يضاف مع الزيت فهذا كلام فاضي والسبرنج بينزل بينزل ويفتح الصمام وينخفض الضخ
لو تحط أي محلول وعلى فكرة منتجات مولي الالمانية كلها خرطي
وقريت عن واحد استخدم زيت للشركه هذي واعدمت مكينته في الحال

تحياتي لك

يعطيك العافية صراحة الموضوع طيب متعوب عليه ...

بس حبيت استفسر بخصوص تركيب مضخة الدينالي على العادي .. قريت مرة واحد من الاعضاء كانت عنده مشكله بالطرمبة و ركب جديدة و ظل ضغط الزيت منخفض و طلع السبب انه مركب مضخة الدينالي .. ركب مضخة جديدة OE و رجعت السيارة طبيعية ..

فياريت تفيدنا بهالموضوع ..

و شكرا مرة ثانية :smile:

قبل سنيتن أو أكثر تقريبا صارت عند عمي مشكلة ناسيها السيارة سوبربان 2006 و راح لكم واحد و قالوا له تغير الطرمبة و طب في واحد فلسطيني و قال له الطرمبة ما تخرب فيه شيء تغيره و تسلك معك و كل اللي رحت لهم قبلي ما يبغى وجع راس و لا يتعب نفسه و يقول لك غير الطرمبة بالكامل

و فيه منتج من شركة liqul moly الألمانية


اللي فهمته من مواقع عربية و أجنبية يسوي طبقة ملساء على مجاري الزيت و يسهل جريانه و سعة العلبة أتوقع 300 مل إذا سعة السيارة 5 تضيف زيت السيارة 4.7 و المنتج تكمل به الباقي و و مفعوله يبدأ بعد 300 كم و يخدمك تقريبا 50000
عندك خلفية عنه؟

سبحان الله العظيم والحمد لله والله اكبر

حبيت اضيف كلام عن طرمبة الزيت
طرمبة الزيت لو تشوف تصميمها راح تقول انسى انها تخرب وخرابها الفعلي هو بأنكسار الترس الداخلي وهذا نادر
مشكلة الطرمبة هو السبرنج اللي فيها مع الوقت والحرارة ينزل ويفتح صمام الأمان النكبة وهذا هو سبب ضعف ضخ الزيت
وطرمبات الزيت الحديثة كلها نفس الفكرة وان اختلف شكلها
فنصيحه فكوا صامولة صمام الامان وضع صامولة صغيره تحت السبرنج لزيادة كفائة الضخ
والسبرنج مصيرة ينزل مع الوقت مثل يايات السيارة حتى وانت واضع الصامولة الصغيره ولكن عند نزوله تكون الطرمبة نفس ما كانت عند شرائك لها يعني تضخ كما صممت له اول مرة ولكن هذا الشيء يصير بعد سنتين.
مصًنع الطرمبة خبيث وحاسب كل شيء بالملي واقل من الملي وعارف ان السبرنج مصيره للنزول وان طال الزمن وعارفين ان فيه عدة عوامل تنزله بالخصب
من اتساخ او انسداد بعض مجاري الزيت بالمكينة او من اتساخ فلتر الزيت كلها عوامل ضغط على السبرنج لنزوله
وشوف هذولي اللي بالصورة واللي في مقطع الفيديو مو مثلنا على طول يروح يشتري طرمبة جديده بهذاك السعر لا عارفين ان البلاء من هذا السبرنج
وان رفعه بصامولة يفي بالغرض ناس فاهمه
المشكلة ان اكثر الشباب متخوف من التعديل ليه ما ادري

ياليت موضوعي هذا يكون في اول صفحة اكون شاكر ومقدر

العفو اخوي العزيز حياك الله وشرفتني بمرورك
وتصدق امس مضيف ربع علبة زيت قير للمكينة في سيارتي اليوكن 2008 دائماً اسويها حتى في الكابريس موديل 2000
يعني كلامي عن تجربة مو كلام وبس
ولو اقول لك على تجاربي في سياراتي بتمسك رأسك هههههههههه
خذ عندك من التجارب انا سيارتي تاخذ خمس علب زيت ونص مع الفلتر
وفي الشتاء اضع 3 علب زيت شل سوبر لزوجة 10w30 وعلبتين ونصف لزوجة 20w50 طبعاً كلهم زيت شل سوبر
المجموع 5.5 مع الفلتر
والنتيجة ممتازة
والتجربة الثانية : علبة زيت قلف 20w50 علبة زيت موبيل 20w50 وعلبة سوبر شل 20w50 وعلبتين ونص سوبر شل 10w30
النتيجة :لا باس بها ههههههههههههه ولكن حساس ضغط الزيت تنح صار ما يشتغل مضبوط الا اذا احتمى الزيت ههههههههه
احس ان حساس الزيت بيكتب لي رسالة بالطبلون بيقول لي فكنا من شرك ههههههههههه
بجرب اعيد التجربة ولكن بخلطه آخرى هههههههههه


تحياتي لك

^^^^^^

مشكور استفدت من معلوماتك

الله يجزاك خير

اذا انت مو مقتنع بزيت القير فجرب هذا:
http://www.youtube.com/watch?v=TPeYXW9xzmk

فأنت طالما ما عندك ضعف بالطرمبة والصوت فقط من التكايات فأن شاء الله تنظف المكينة بطريقتي ينفعك
حتى لو لزم الامر تضع اربع علب زيت قير بالمكينة وتأخذ لك كم لفه مع التدعيس بشكل متكرر لمدة ساعة
وبعدها تغير فلتر وزيت المكينة ولا تخاف كلها زيوت .
واما موضوع الجنزير فالميكانيكي هو اللي يقرر ذلك وطالما الجنزير مشدود وما فيه أي رخاوة فما يحتاج تغيير.

بالتوفيق

حياك الله اخوي speeed1
بالنسبة لزيت القير فهو atf 3 الرخيص ابو 13 ريال اللي في الصورة هذي


وانا قريت كثير عن تنظيف المكينة وفيه ناس متهوره تستخدم القاز وناس تستخدم الديزل وناس تستخدم منظفات اللي تباع بالمشاحم
وكلها فيها ديزل وهذا مضر بالمكينة ،
مره بالصدفه كنت عند ميكانيكي وهو يشتغل بسيارتي وكان في يده وسخ وشحم كثير لو يغسل بتايد ساعة يالله يروح
وتفاجأة بأنه غسل يده قدامي بزيت القير كان في وعاء بلاستيكي كبير يعني زيت قير قديم بعد وفي ثواني نظفت يده مثل هذا الوعاء
وبعدها قررت اجرب وقلت في نفسي هذا زيت قير وما منه ضرر وفعلاً جربته والنتيجة ممتازة



شوف زيت القير كيف متسخ جداً وكارتير القير نظيف رغم اتساخ الزيت
http://montada.haraj.com.sa/7063/%D8%A8%D8%A7%D9%84%D8%B5%D9%88%D8%B1%20%D9%83%D9%8A%D9%81%20%D8%AA%D8%BA%D9%8A%D9%8A%D8%B1%20%D8%B2%D9%8A%D8%AA%20%D8%A7%D9%84%D9%82%D9%8A%D8%B1%20%D9%88%D8%AA%D9%86%D8%B8%D9%81%D9%87%20/
وهذا فيديو لأمريكي تفاجأة انه استخدم شبيه لزيت القير في تنظيف المكينة وعندها ادركت اكثر ان ما منه ضرر

الدقيقة 19-13
http://www.youtube.com/watch?v=4RecrxxLT4s
على فكرة ضحكت نفس ضحكت الرجال يوم صبيت الزيت بالمكينه ههههههههههه

موضوع فعلا مفيد والمنتديات العربية تفتقد لهذه النوعية الجيدة من المواضيع

قريب لك رد باحد المواضيع للعضو almuhnads عن غسيل المكينة بزيت القير

هل هو atf 3 او atf 6 ؟
ووش المبدا اللي اعتمد عليه لزيت القير مقارنة بزيت المكينة العادي

واذا غيرت الطرمبة هل اغير الجنزير علما بان سيارتي كابريس 2007 6 سلندر و الطرمبة في الصدر وفيه صوت تكايات من فترة ما يقارب السنة لكن مافيه اي اثار على اداء السيارة من ناحية العزم او لمبة المكينة فقط صوت تكتة البلوف

سبحان الله وبحمده سبحان الله العظيم

ياليت احد المشرفين الله يجزاه خير ينسخ الموضوعين الاخيرة ويضعها في اول الموضوع
قبل موضوعي عن فلترالزيت pf48
اكون شاكر ومقدر له

فك صدر المكينة لفك طرمبة الزيت


هذا واحد من الشباب صار عنده طقطقه بسبب فتح صمام الامان وسبب ضعف ضغط الزيت

هذا هو الوضع الطبيعي لصمام الامان وهو مغلق .

وعليكم السلام ورحمة الله وبركاتة

حياك الله اخوي واسعدتني بمرورك
بالنسبة لموضوعك ابشر برد عليه.
تحياتي لك

السلام عليكم

مشكور على الموضوع المفيد

وتكرما هل ممكن تشيك على موضوعي الخاص بمشكلة الطرمبة

هلا بالغالي نورت الموضوع
تصدق بعد كلامك لي وتشجيعك لي في موضوع احد الشباب وتواصلك معي حول موضوع فلتر الزيت حمستني على انزال هذا الموضوع الله يجزاك خير .
تحياتي لك