السيارات الامريكية

chevy..ss @user_291540 · 30-05-2015

السلام عليكم ورحمة الله وبركاته
أخواني : بعد كثرة الحديث عن السيارات الامريكية لاحظت ان هناك من يحمدها ويوجد من يذمها , طبعاً في ناس تحكي عن تجربة وناس تحكي من راسها وما تعرف عن هذي السيارات اي شيْ
يا ريت ألي له تجربة مع السيارات الامريكية يكتب لنا عيوبها ومميزاتها
أرجو ان تكون التعليقات فقط من ملاك السيارات الامريكية ولي جربها

chevy..ss @user_291540 صاحب الموضوع · 02-06-2015

هلا بك اخوي

vga2003
انا أؤيد كلامك وبقوّة والافضل ان لي بجرب ويحكم على السيارة لازم يطالعها وكالة
تحيّاتي لك

vga2003 @user_307466 · 02-06-2015

مشكلة البعض

انه شرى سيارة امريكية مستعملة فيها خرابات

و بعدها حكم ان جميع السيارات الامريكية فاشلة و صار يفتي من راسه

و العكس صحيح

ممكن شخص حول من سيارة يابانية كانت عنده فيها خرابات الى سيارة امريكية مستعملة خظيفة و ما خربت

فحكم ان ااسيارات الامريكية افضل شيارات بالعالن

و بدأ يسب في الياباني

لا تساطيع الحكم على شركة من خلال سيارة واحدة و ربما مستعملة

يا رب رحمتك @user_303478 · 01-06-2015

أ

أبـوأسـد

انا لي تجارب مع الامريكي اخصها GM سواء جديد او قديم

وايضا اشوف تجارب من حولي الي جلست سياراتهم معهم لفترة

حقيقة مع الوقت وطبعا هذا رأيي الشخصي الي يشتري سيارات GM من الموديلات الحديثة اعتبر انه مضيع فلوسه على الفاضي!!!

سيارات تسمع بالجودة والاعتمادية

فورد وهي امريكية اصرف منها

ولا لي اي رجعة لشراء سيارة من شركة GM سواء سيارات مدنية او سيارات رياضية
عندها تخبط غير طبيعي بانتاج السيارات من ناحية كثرة العيوب المصنعية وسيارات ليست كلها مشهود لها بالاعتمادية وان حصلت كمية لا بأس بها امورهم طيبة ولا انكر ذلك لكن بشكل عام ماش ماهي زي قبل ابدا :c0038:

السوال اللي يطرح نفسه! هل جربتها وواجهتها بنفسك؟؟؟

الامريكي مر بعده مراحل من 1990 وتحت كانت متنازه
ومن 2000 إلى 2006 الجوده في تدني ومن 2007 إلى 2014 صارت افضل بشي بسيط
و الان صارت جوده رائعه وبقوه وين المشكله؟

chevy..ss @user_291540 صاحب الموضوع · 01-06-2015

هلا اخوي

أبـوأسـد شكرا لك على طرح تجربتك
برأيي يوجد سيارات اعتمادية رغم ان الجودة قلت بعد عام 2000

أبـوأسـد @user_15810 · 01-06-2015

انا لي تجارب مع الامريكي اخصها GM سواء جديد او قديم

وايضا اشوف تجارب من حولي الي جلست سياراتهم معهم لفترة

حقيقة مع الوقت وطبعا هذا رأيي الشخصي الي يشتري سيارات GM من الموديلات الحديثة اعتبر انه مضيع فلوسه على الفاضي!!!

سيارات تسمع بالجودة والاعتمادية

فورد وهي امريكية اصرف منها

ولا لي اي رجعة لشراء سيارة من شركة GM سواء سيارات مدنية او سيارات رياضية
عندها تخبط غير طبيعي بانتاج السيارات من ناحية كثرة العيوب المصنعية وسيارات ليست كلها مشهود لها بالاعتمادية وان حصلت كمية لا بأس بها امورهم طيبة ولا انكر ذلك لكن بشكل عام ماش ماهي زي قبل ابدا :c0038:

chevy..ss @user_291540 صاحب الموضوع · 01-06-2015

هلا بك اخوي الكريم

شاكوشان وشكراً على طرح تجربتك
صدقت 100% أهم شي توافر قطع الغيار الاصلية وضيف له الاستخدام النظيف
تحيّاتي لك

chevy..ss @user_291540 صاحب الموضوع · 01-06-2015

حياك الله اخوي الكريم

رحاااااال على التجارب
ألف تحيّة لك ويكتب لك الخير في سيارتك الحالية

chevy..ss @user_291540 صاحب الموضوع · 01-06-2015

ا

اوتشيها مادارا

طيب ليش السمعة طاحت عن الجودة بعد اعوام التسعينات او في اواخر التسعينات؟

لان قبل هذا كانت السمعة طيبة جدا

اذا قال فيه واحد اشترى امريكي فهنا نقول والله الرجال ارتاح

ليش السمعة بدأت بعد اواخر التسعينات بالتدهور في الامريكي هل تظن انه ناس تبي تطيح السمعة ؟

ام ان الناس تجرب والتجربة تنتشر بين الناس بشكل كبير مع العلم بان تويوتا جتها فترة انتشر ان مثبت السرعة سيء والكل تكلم عن تويوتا بل البعض عزف الى الان عن شراء تويوتا بسبب انها للبعض تمثل خطرا

صح اخوي كلامك 100% وانا هذا لي اقصده لان التجربة اهم شي وفعلاً بعد عام 2000 أصبحت السيارات اقل جودة
تحياتي لك

شاكوشان @user_304045 · 01-06-2015

لا تاخذ الامريكي إلا وأنت متأكد إن قطع غياره متوفره

اذا مشيت على هذي القاعده صدقني راح تنسى الياباني والالماني حتى
الأمريكي عز وهيبه لولا عدم توفر قطع غياره الأصليه والورش اللي تفهم فيه بكثره

لي تجارب كثيره مع الشفر ( الصابونه ) وأكثر من موديل
وحالياً معي ماركيز 2008 وقطع أكثر من 200 ألف كيلو ولا غيرت إلا حاجات بسيطه وإستهلاكيه وما شاء الله يعطيك وين ما تبي

رحاااااال @user_277946 · 01-06-2015

تجربتي طويلة مع الشفرولية والفورد :

الشفرولية :

1- 3 كوابرس بين موديل 83 إلى 85 ،، صراحه سيارات ونعم السيارات من ناحية الإعتمادية وقطع الغيار وفعلا سيارة ما تخرب لو شنو سويت فيها والمكيف ما شاء الله تبارك الله من ابرد ما يمكن

2- وانيت سلفرادو موديل 1989 من أمتع السيارات إلي استخدمتها صراحه ضرب خطوط وتفحيط (( ايام المراهقة خخخخخ )) و و و و والمكيف من أفضل ما يمكن والسيارة الحمدلله ما طلبت إلا قطع استهلاكية فقط !!!!!

3- كابريس (( صابونه )) موديل 1995 نوع خاص مكينتة 5.7 يعني عليها مكينة إمبالا SS قوية صراحه لكن كان فيها مشكلة شيبت راسي صراحه وهي طرمبت البنزين دائما كانت تخرب يعني تغدر فيك وانت ماشي في الشارع السيارة تطفي عليك فجئه وهذا خطر جدا جدا لكن ربك سلم ،، طبعا المشاكل بدت تطلع بعد سنتين من الإستعمال فقط ،، هنا بدأت كابرس في العد التنازلي للجودة وسوء التصنيع الأمريكي وسوء التقنيات الكهربائية للأسف !!!!

فورد :

1- فورد 500 موديل 2008 اتوقع انها من اسوء ما صنعته فورد ،، خذها مشاكل في الكهرباء مشاكل في التعليق مشاكل في القير

2- فورد كراون فكتوريا موديل 2011 من افضل السيارات للإتسعمال القاسي والسفر وقطع الغيار المتوفره وهذي الأمور ،، لكن من عيوبها ان المكيف بارد لكن دفعه ضعيف ،، السعه الخلفية ضيقه جدا جدا حتى إلى يجلس في الخلف لازم تقدم الكرسي عشان يرتاح

هذي السيارات الأمريكية إلي استعملتها وهذا رأيي فيها

يسلموووووو على الموضوع يا بطل

اوتشيها مادارا @user_288814 · 01-06-2015

c

chevy..ss

هلا بك اخوي الكريم
إذا كانت السمعة مبنية عن تجربة او عدة تجارب انا معاك 100%
ولكن اذا كانت مجرد كلام من اشخاص يرددون ( سمعت من فلان وقال فلان ......) ويتكلمون من راسهم هنا يبدأ الغلط وتزوير الحقيقة
وتبقى التجربة خير دليل وبرهان
تحيّاتي لك اخوي

طيب ليش السمعة طاحت عن الجودة بعد اعوام التسعينات او في اواخر التسعينات؟

لان قبل هذا كانت السمعة طيبة جدا

اذا قال فيه واحد اشترى امريكي فهنا نقول والله الرجال ارتاح

ليش السمعة بدأت بعد اواخر التسعينات بالتدهور في الامريكي هل تظن انه ناس تبي تطيح السمعة ؟

ام ان الناس تجرب والتجربة تنتشر بين الناس بشكل كبير مع العلم بان تويوتا جتها فترة انتشر ان مثبت السرعة سيء والكل تكلم عن تويوتا بل البعض عزف الى الان عن شراء تويوتا بسبب انها للبعض تمثل خطرا

chevy..ss @user_291540 صاحب الموضوع · 31-05-2015

هلا بك اخوي

نظرهـ وترحآل وألف شكر لك على المشاركة بتجربتك
بالنسبة للاستخدام والله معك حق 100 % السيارات الامريكية والالمانية ما تصلح غير لرجل وحدة

نظرهـ وترحآل @user_279126 · 31-05-2015

كابريس 2002

الوالد شافه مع واحد من أخوياه وأتصل علي قال شاريه شاريه هاه وش رايك

قلت يالله يا رجال أحسن من بلاش ^_^

بصراحه تقروشت معها بشكل غير طبيعي

دودة دركسون وعلبة الدركسون ولي الدركسون وأصوات الديكور والمكيف فالنهار يالله يالله يبرد

اما فالليل يعطيك بروده ممتازه جداً

لكن المقاعد كانت مريحه بصراحه وبديت أصلح في خراباته وما يمديك تلحق تصلح إلا طلع خراب ثاني

المهم قرر الوالد يشوف سياره غيرها والحمد لله الحين معي كيا ريو ومرتاح معها جداً جداً

أما الكابريس أستمله أخوي اللي أصغر مني وأخذ فيه إشارتين و 3 سيارات والحمد لله سلم ولا جاه شي لا هو ولا غيره

سقط عليه واحد الله يسامحه وفقد السيطره وبسبب وزنها الكبير ما قدر يتصرف معها

والآن بعد ما صلحها الوالد وأستلها أخوي اللي أصغر منه وحليله يستلم المكافأه من هنا وتروح من هناك فالتصليح

ولكن عندي قناعة شخصية بالذات فالسيارات الامريكية والألمانية ما ينفع يسوقها أكثر من واحد

وإذا راعيها باعها اللي بيشتريها يروح ضحيتها

عذراً على الإطالة وشكراً لك على طرح هذا الموضوع

chevy..ss @user_291540 صاحب الموضوع · 31-05-2015

مشكور اخوي

كايد الطِيب على طرح تجربتك
الله يكتب لك الخير في سيارتك

chevy..ss @user_291540 صاحب الموضوع · 31-05-2015

ا

اوتشيها مادارا

شوف يا صديقي

خذها مني

مافيه احد يطلع سمعة عن السيارات انها سيئة في الجودة الا اذا كانت سيئة فعلا

هلا بك اخوي الكريم
إذا كانت السمعة مبنية عن تجربة او عدة تجارب انا معاك 100%
ولكن اذا كانت مجرد كلام من اشخاص يرددون ( سمعت من فلان وقال فلان ......) ويتكلمون من راسهم هنا يبدأ الغلط وتزوير الحقيقة
وتبقى التجربة خير دليل وبرهان
تحيّاتي لك اخوي

كايد الطِيب @user_118822 · 31-05-2015

كانت لي تجربتين
الاولى مع كابرس 88
والأخرى مع كراون فكتوريا 98
وكلاهما كان مريح في المركب والراحة من حيث السعة والمقاعد
اما بالنسبة لاعطالهما فحدث ولاحرج
حتى وصل بي الحال من كثر ماتخرب اتركها مكانها يوم او يومين لين مايروق المزاج
وبصراحة الان انا معي كورولا موديل 2008 ولله الحمد
مرتاح جدا جدا
صحيح افتقد لراحة الركوب
لكني لا أقلق بشأن الصيانة وتوقفات المركبة في اوقات حرجة
وناوي على كامري الموديل الجديد للتطوير للأفضل
تويوتا الأفضل على مر صناعة السيارات ولن تجد افضل منها ابدا

اوتشيها مادارا @user_288814 · 31-05-2015

شوف يا صديقي

خذها مني

مافيه احد يطلع سمعة عن السيارات انها سيئة في الجودة الا اذا كانت سيئة فعلا

chevy..ss @user_291540 صاحب الموضوع · 31-05-2015

مشكور اخوي

cover me على المشاركة بتجربتك
معك حق 100% السيارة تعيش حسب الاستخدام

cover me @user_164128 · 31-05-2015

كان عندنا كابرس 88
المركب مريح لكنه غير سليم الدعم للظهر و مثل ماذكر سابقا السيارات القديم التماسك في الخطوط مو مثل السسيارات الجديده و و مرغوب لانه بسيط وكل من يجي يصلحه
سبب البيع صار يصرف بنزين بشكل مجنون + اشترينا سوبربان (شفر ) 88

الان السوبر 88 كان ممتاز و مريح في السفر طبعا السياراه امريكي و كانت مميزه و افخم من GMC بسبب الديكورات الخشب الداخليه في السقف و بين المراتب الاماميه الممتده لكن شلنا الديكور الي في المرتبه الثانيه (لانه كان ملكي ) و حطينا مرتبه كامله و كان المراتب الصف الثالث سرير

كان استخدامنا له قليل بوجود سياره صغيره لنسر 94 << صارت سيارتي بعدين

مشكلته وزنه اثقل من السوابر العاديه لدرجه الكفرات تتبطط او تتشقق من جوى (كانو واحد بسكين جارحها ) مع الوقوف الطويل في الكراج يعني نتحرك به 1 في الشهر و اوقات اك شهرين كانت الكفرات الخلفيه تخترب و غيرناهم في الوكاله جودير و هم الي قالو السياره اثقل من المعتاد فقمنا نرفع السياره على مثبتات في الكراج عشان الكفرات و اذا احتجنا السياره حق سفره او طلعه نرفعها و ننزلها على الارض

بعدها صرنا نستخدمه بشكل يومي انا و اخوي للمدرسه و مشاوير البيت و الفرفره :)

الى ان بعناها بسبب شراء سوبر GMC 2001 و الحمد الله افضل من القديم مع انو بالاحساس كانو القديم اوسع
و المشاكل الي واجهناها فيه اشياء استهلاكيه فقط و الحمد الله

كابريس 2008 LTZ V8

مشاكل مع الوكيل بسبب وجود رجه بسيطه و تم تغيير الكفرات و المساعدات اكثر من مره في الوكاله و الى الان جوده المساعدات الاماميه بالذات مش ولا بد غير سعرها المرتفع لكن الحق يقال سياره واسعه و رحبه و سواقتها ممتعه

اما بالنسبه لي سيارتي الحاليه تاهو 2015 لسه جديده و ماقدر احكم عليها

على الاعموم هي تعتمد على استخدام الشخص
يعني اعرف شخص كان عنده كابريس 87 و93 و 92 و 94 كلهم قصى عليهم من استخدامه و استخدم فورد ماركيز 2002 و سوناتا 2012 فل كامل و غير السيارات من تويوتا وكل السيارات يشتريهم بحاله ممتازه و كذالك روح مكاينهم وفي خلال فترات بسيطه يعني حول سنه الى سنتين تودع عنده

يعني قد ماتهتم في السياره ماراح تتعبك

و اسف على الاطاله