وزارة التجارة تعاقب وكيل مازدا !

.نفسك بالضبط جيتهم الساعة 8 ! قلي انت متأخر لكن بنتساعد معاك وناحول نخلصك بسرعة ! بعد المساعدة هذي

لطعوني من 8 حتى 3 العصر لكن توبة عاد ارجع لهم خسائر عا الفاضي

يا عمي مافي فايدة

حجزت موعد صيانة جيلي في الشرقية اللي هو فرع مخصص لجيلي و قالو تعال الصباح بدري
استأذنت من الدوام و جيتهم بعد الظهر
قالو انت متأخر لكن بنتساعد معاك خلي السيارة اليوم و تعال استلمها بكرة
قلت لا تتساعدون معي و لا شي أعطوني فلتر زيت و بس
و من يومها و أنا أغير زيت في بترومين و كل عشرين ألف أوديها الوكالة

.
على حسب المدينة

مدينتي مثلا مدموجة مازدا + جيلي مع بعضها ولا وجود لبيجو

في مدن اخرى احتمال تحصل الثلاث شركات كلها مدموجه مع بعضها تخيل تكدس هذي السيارات كلها في مبنى واحد !!؟

وفي مدن اخرى مثل الشرقية حسب ما سمعت ان جيلي لها فرع وحدها ومازدا لها فرع وحدها وهذا المفروض بكون

بخصوص موظف التجارة صراحة كنت شاك اما انه يجهل القوانين او انه صرفني

حسب ماسمعت ان الصيانة مدمجة بين مازدا و جيري وبيجي نفس كلام اخوياي !!!! وهذا تاخير على العميل


لا تصريفة موظف مايعرف بس يبي يقفل البلاغ علشان يحسب له انه انجز المهمة !!!

لست احد ملاك سيارات مازدا ولكني املك سيارة من جيلي وطبعا نفس الوكيل

طبعا في مدينتي صيانة جيلي مدموجه مع مازدا ونفس الشي لقطع الغيار

لما وصلت 20 الف كيلو قلت بسوي الصيانة في الوكالة ومنها تتسجل السيارة عندهم

تخيلو عطيتهم مفتاح السيارة الساعة 8 الصباح ووالله ما استلمته الا الساعة 3 العصر ومع الصلاة كمان ! عشان تغيير زيت وفلاتر !!؟

ايضا قطع الغيار صار لي حادث قبل فتره واحنجت قطع اقسم بالله ولا قطعة وحده كانت متوفره كلها طلبية اكثر من 15 قطعة طلبية !

ولكن للأمانة طلبية 3 ايام وهي عندك عكس عبدالله هاشم يدق ب 14 يوم بالراحة لأتفه القطع

ايضا من زياراتي الكثيره لقطع الغيار احصل كثير ملاك لمازدا

فعليا القطع الا متوفره للمازدا عبارة عن فحمات + فلاتر اي شي غير ذالك طلبية ! نفس الشي لسيارتي !

حسب قوانين وزارة التجارة اي قطعة تصنف انها استهلاكية يجب توفيرها فورا

واي قطعة تصنف انها نادرة يعطى مهلة 14 يوم لتوفيرها !

المشكلة ان الصدامات والشبك والأنوار والفحمات والفلاتر والكمبرسور و الريدتر والكبوت والرفارف كلها تصف ضمن الأستهلاكية ! وهو مو موفرها !

رفعت شكوى لوزارة التجارة ووضحت السبب بعد 10 دقايق اتصل علي موظف وزارة التجارة يقولي الأخ الكريم *** قلت ايه نعم

قالي بخصوص شكواك الوكيل يعطى مهلة 14 يوم لتوفير القطع قلت له نعم ادري ودخلت موقعكم الرسمي وشفت مايصنف ضمن القطع الأستلاهكية الواجب توفيرها فورا وما يصنف ضمن القطع النادرة التي تعطى مهلة 14 يوم لها قلي بكل برود ياخوي ماعليك بموقع الوزارة خذ العلم مني كل القطع تعطى مهلة 14 يوم لتوفيرها ! قلت له حتى ولو ابي فحمات وما حصلتها انتظر 14 يوم !؟ قالي ايه نعم ! وقتها عرف ان وزارة التجارة لا تهش ولا تنش ! وعلى طول قفل بلاغي والسبب ليس من اختصاص وزارة التجارة !؟
مادري هل هو صار تعديل في قوانينهم بعد مغادرة الربيعة والا الموظف صرفني !؟

سبق وكلموني اخوياي وناس بالعمل عن وكيل مازدا التاخير بسبب دخول مراكز الصيانة مدتمعة بين

( مازدا - بيجو - جيري ) يدخلهم بنفس المركز الصيانة مجتمعين يماطلهم شوي

لكن قطع الغيار موفرها حسب ماسمعت في المناطق الكبرى


أنا اتكلم عن نفسي اخذت حقي من العيسى تعويض مادي على سيارتي الالتيما وتصليحها بالمجان بدون ما ادفع ريال واحد

والتعويض هو قيمة السيارة البديلة اللي جلست فيها السيارة عن الصيانة شهر وكانت تقريبا 7000 ريال وفوق هذا باقي الايام عطوني سيارة بديلة لكن كيف تاخذ حقك اقرا اللوائح تبعهم وطبقها لان اغلب موظفين الوزارة ( مكافحة الغش التجاري جدد ) ويلعب عليه الوكيل الشرعي تبع الوكيل ويلف ويدور اللي فاهم وهو بيحجره بزاوية ولا يعرف يتكلم المحامي او الوكيل الشرعي للوكيل وهذولي رواتبهم قوية وطريقتهم تطفيش العميل انا مجرب الشى هذا شخصيا
.

جميل واشكر وزارة التجاره على هذا القرار

بالنسبة لي ماجربته بالصيانه والمواعيد ، لكن من ناحية شرائي قطع الغيار كلمة حق مافيه ولا قطعه كانت غير متوفره

شكرا

^^
عشان كذا مافي استثمار اجني مباشر
مافي محاكم نزاعات تجارية مستقلة والواسطة تلعب دور
اساسي بالخدمة الافضل والتجاوب اسرع مع الشكاوي وحل المشاكل
الاحتكار والاحتكار موضوع طويل عريض ومالنا غير الصبر

غريبة

رغم قليل جدا نسمع عن سوء صيانة مازدا لكن هذي جديدة ياليت احد ملاك المازدا يشرحون لنا اذا يعرفوا احد متضرر فلا اعتقد الشكوى تنزل بالعادة لشخص واحد فقط



مع انظمة وزارة التجارة انسى الواحد ياخذ حقه كامل او ياخذ مايستحق مثلا تعويض مالي عن المماطلة وتعطيل العميل هذي الطريقة موجودة في الامارات لكن غير موجودة عندنا ولو كانت موجودة لدينا كان مايتجرء وكيل او تاجر يماطل او يخدع عميل لكن انظمة وزارة التجارة للاسف ضعيفة جدا بالنسبة لي ولا تاخذ حق العميل كاملاً على حسب الانظمة العالمية

مثل هذه العقوبات كفيلة بتحسين الوكلاء لخدماتهم.
شكرا عبدالله