مشكله فيه صوت ظاهر جدا في الماركيز 2006

الف شكر لك
اخي فني سيارات

وأود ان ابلغك بأن صوت مضخة البنزين
يكون دائماً مثل هذا الصوت وززززززززززززززز
في كل سيارات الامريكي .
ولكن انا سوف انتظر واشوف سبب الصوت وابلغكم بالنتائج لاحقاً

مشكورين جميعاً . بما فيكم الاخ بشير .
ومن دون استثناء الف شكر

.والله اذا المهندسيين ومعاينينها بنفسهم ومباشره انا ماراح اكون اشطر منهم من خلف الكيبورد

لكن الي اعرفه ان صوت المضخة ممكن يكون مثل صوت المحرك وهذا الشي مجرب وشفته وليس صوت ازيز

وكما ذكرت لك من الفيدوهات الي انت طرشتها ذكرت لك مثل المهندسيين ان سيارتك باين ما شاء الله نظيفه بس مشكلتك مع الصوت ويمكن يكون طبيعي مع موديل سيارتك والله اعلم

اهلين اخوي فني سيارات .
بالنسبه لطرح جوابك على مشكلتي في الصوت .
فالدي معلومه لك .
مضخة البنزين اذا كانت تالفه او ضعيفه تطلع صوت زن
مثل وززززززززززززززز هكذا .
وليس مثل الصوت الذي عندي .
الصوت اللي عندي مثل صوت مكينة المزرعه أو مكينة البير .
لما تشغل هندلها عشان تشتغل المكينه لسحب ماء البير من تحت الى الاعلي .
فانك تسمع صوت مزعج لها مع شكمانها .
صح ولا انا غلطان .

المهم المهندسين نشبت فيهم كل اسبوع
وكل مااجيهم يقولون لي تكفى لاتقول لنا شوفوا الصوت اللي عندي
يعني هم احتاروا في السياره .
قالوا المكينه شكلها نظيفه ومشكلتها انشاء الله بسيطه .
خلها شهرين او سته اشهر وحاول تمشي عليها وتغاضى عن الصوت اللي فيها .
ونشوف بعدها هل الصوت ثابت ماتغير ولازاد .
ونقرر .

فما هو رايكم .

اتمنى التوجيه ولكم احترامي جميعاً .🌹

اشفيك زعلت يااخ بشير
لايكون جوابي ماعجبك من ناحية الثيرموستات .
هذي الحقيقه .
الآن وظيفة الثيرموستات هي توازن درجة حرارة الجو مع الجسم الموجود فيه .
فاذا كانت حرارة الجو بارده تعطي اشاره بانخفاض امبير مؤشر الحراره . الين ماترتفع حرارة الجوالموجود وبعدها تعطي اشاره بارتفاع مؤشر الحراره الى وضعها الطبيعي المقدر في صناعتها

الثيرموستات هو ينظم الحرارة ويفترض مع المشي لايتاثر في ارتفاع او انفخاض

المشكله ليست في الثورموستات بالمره

كما ذكرت لك لو الصوت ثابت الاحتمال الكبير من مضخة الوقود تكون ساخنه لانها كهربائية وتصدر صوت طرررررر بشكل مشابه لما تم تسجيله ولا يتاثر بسرعة

وتسمع الصوت بشكل اكبر في الاسفل يرجح ان الموضوع من المضخة ويوجد لها كتاوت ممكن يتبدل قبل لاتبدل المضخة

دام زيتها وماء مضبوط و البكرات مضبوطه لايوجد بها شرخ يبقى هو الاحتمال الاكبر في تقديري




هذا و الله اعلم

.
طيب مو مشكلة .....بالتوفيق

اهلاً اخي بشير

مادام الحراره في سيارتي تنزل في الاجواء البارده
معناتها امورها تمام .
لانها في الاجواء الحاره على النص والاجواء البارده جدا على الربع

اجل معناتها الثيرموستات ممتازه وشغاله .

.
حياك أخوي

تأكد من الثيرموستات "بلف الحرارة " لأنه حرارة الفورد ماشي واقف جو بارد جو حار دائما النصف

اخوي بشير .
بارك الله فيك
الميكانيكيين حاولوا يدوسون على البنزين لكي يسمعوا الصوت
وبدون جدوى
قالوا المكينه تمام . من ناحية البساتم والاذرعه .
والله اعلم مدري عنهم .
وقالوا احتمال انها من الصبابات
لان الصوت يظهر وهي واقفه السياره والصوت ثابت مايزيد

ولا اخفي عليكم يوجد لدينا مركز بيع المكائن مستورده
الى 2011 وجديده من 3500 الى 4500﷼

عموماً السياره ماشاء الله امورها تمام في المشي .
بس عيبها الصوت هذا اذا وقفت السياره .

اتمنى ترشدوني
اريد حل جذري .
لأن الميكانيكيين قالوا امشي عليها الين يتضح الصوت أو يزيد

ونشوف بعدها .

محبكم ابو عمار

بالنسبه لحرارة المحرك عندما امشي بالسياره والجو بارد
ينخفض عندي حرارة المكينة الى الربع

احسنت اخوي
سوف اتأكد غداً صباحاً والسياره بارده من ناحية مستوى الماء

.
حياك الله أخوي

هذا المقطع الصوت فيه اوضح بكثير من المقاطع السابقه وعموما اذا فعلا الصوت من عمود التايمن فلايهمك وأساسا الكلام من أحد الميكانيكيين القدامى والمتخصص في السيارات الامريكية لأنه على حسب كلامه يحصل له كثير نفس نوع سيارتك نفس المشكلة ونفس الصوت والمهم انه مافي دخانه من الشكمان ولا في نقص لا زيت ولا ماء وعزم السيارة اوك

لو صار ان فعلا فيه نقص من الراديتر هناك احتمالين الاول ماذكرته لك و الثاني على موديل ونوع سيارتك ان يكون بلف المحرك فوق الثيرموستات يكون قريب من راس المحرك وفي هذا الموديل دايما يحترق ويدخل ماء على المحرك لان راس المحرك ضعيف في هذه المنطقة وعيب في موديل السيارة انه يجي بلاستيك
واذكر فيه كذا موضوع في المنتدى بهذا الخصوص


والله اعلم

خروج الماء عادتا يكون طبيعي في مثل هذا الوقت من السنة نسبة في الرطوبه مع بروده
لكن في الرابط هندك شكله زايد شوي لدرجة مربط الارضية


للتاكد اكثر تابع مستوى الماء في الراديتر و القربه و المحرك بارد لو كان ينقص فهذه علامه خلط الماء مع البساتن وعلامه احتراق الجيوان (الكازكيت)
بشرط يكون الماء ينقص من الراديتر او القربه بشكل واضح

ان لم يكن ذلك بالامر طبيعي

.

شفت المقطع الصوت عالي فعلا واذا انت تشك انه عالي من تحت ممكن يكون صوت مضخة البنزين لكن مش عالي بهذي الطريقه واذا حميت السيارة يزيد الصوت ولكن ثابت لايرتفع مع ضغط مع دواسه البنزين فهو خلل في مضخة الوقود و الحل تبديل كتاوت او استبدال المضخة

ولاتاكد اكثر ضع مفتاح التشغيل على اخر تكه قبل التشغيل وانتظر بدون تشغيل المحرك هل يظهر نفس الصوت ام لا بعض السيارات المضخة تعمل ويكون صوتها واضح حتى قبل تشغيل المحرك

اليوم صحيت الصباح وشغلت السياره للتسخين
وهذا رابط بمقطع التسخين
واعتقد انه امر ضروري خروج بخار وماء التسخين

https://a.top4top.io/m_1831prnz90.mov

على العموم ماعندي مشكله الا في الصوت اللي قلته لكم
ولكم تحياتي واشواقي

محبكم ابو عمار 🌹

هذا الرابط الاخر اخي الكريم
سجلته في المساء .
وارسلته بالرابط هنا .

اعتقد والله اعلم ان الصوت صادر من عمود البساتم
او بالاصح من البساتم .

افيدوني جزاكم الله خير .
هل هناك شى ممكن اقدر اعرف مصدر الصوت من اي جهه
لانه فيه اثنين اكدوا لي انها من البساتم .

https://g.top4top.io/m_1830re22r0.mov

.
ياهلا وسهلا فيك

حياك الله أبو عمار

الصوت اعتبره طبيعي جدا ومامنه خوف أبدا وأكثر السيارات ال 8 سلندر كذا ولو كانت سيارتك البنزين المخصص لها بنزين 95 وانت تستخدم بنزين أقل 91 كان قلت لك أنه الصوت نتيجة استخدام بنزين أقل من المطلوب وأساسا حتى لو افترضنا هذا الشئ الصوت راح يكون قووي وحتى العزم أقل ولكن بما أنه السيارة فورد نوعها وموديلها بنزينها 91 والصوت خفيف وأساسا كما وضحت لك في بداية ردي هذا ليس صوت مشكلة وعطل بالعكس صوت المحرك الطبيعي ولو لاسمح الله الصوت زاد عن هذا الوضع واصبح صوت طقطقه أو تكتكه قويه فاراح نقول أنه هناك مشكلة وليس صوت طبيعي