ماهي عيوب هايلوكي GLX 2004 ؟؟

أنا جربت الهايلكس وجربت الددسن

أولا الهايلكس ...
عليها مكينه قويه , عزم مب صاحي , قلة المشاكل والعمر الطويل وإقتصاديه في البترول
أما سلبياتها
مش مريحه للركاب , مافيها ثبات والسبه انه مافيه وزن في الخلف , بريكات زي الزفت , لو تبي تعدل في المكينه التعديل محدود جدا

الددسن
قوتها حلوه وتعجبك وعزم أوكي بس أقل من الهايلكس بشيء بسيط , قليلة مشاكل , مريحه أكثر من السيارات اللي نفس فئتها , ثبات أكثر من الهايلكس وتصميمها الداخلي أحلى من غيرها وبالنسبه للتعديل في المحرك والجير ولا أسهل منه :)
أما السلبيات
لاتذكر بس انها تصرف أكثر من الهايلكس مع ان المكينه أصغر وقطع غيارها أغلى بشيء بسيط من الهايلكس



في النهايه كلهم سيارات قويه ولا عليها كلام والدليل انهم من أكثر السيارت انتشارا في الخليج بس .....
بالنسبه لي لو انا بشتري وحده منهم كان إخترت الددسن على طول لان فيها شغلات احسن من الهايلكس :)

واقع تجربه


جربت ددسن 2000 و 2003 بخاخ:
ايجابيات:
راحه(ماهي ذيك الراحه الي تستاهل) - من داخل تقدر تقول فخمه(او بمعنى اصح افخم من الهايلوكس من داخل ),,

سلبيات:
عزم مافيه عزم(يعني تخيل يالله تجيب بالرابع 170 واذا جبت بدلت خامس رجع 160 ويجلس عشر دقايق لحد ماياصل 175 ... واذا بغيت تحسن عزمه يبيلك مسك خطووووووووط ويالله يتحسن بعكس الهايلوكس..-------- صووووووووووت المحرك مزعج مره ---------- تفكك بسرعه ------------- شكلها بدون تنزيل ماينفع ---------- اذا تبي سرعه نزلها من قدام---------------------


جربت هايلكس 98 عادي و 2002 جي ال اكس:
ايجابيات:
قوه في العزم ------ تجيب الطبلون زي السلام عليكم----- متامسكه بعكس الددسن -------- سواقتها احلى من الددسن--------- شكلها شد بلد احلى من الددسن -------- تمسك قيمتها ---------- ماراح تمل منها-------- اذا فصلت العداد خل الددسن تذري وراك...

سلبيات:
تنسيييييم --------- الددسن ارسى منها(مافيه فرق يستاهل) -------- تناقز(بالنسبه لي اشوف نقزها معقول وكل واحد ورايه)------


زبدة الكلام:
الهاي احسن 100 مره... والي يدور الراحه يعرف وش يشتري يعني بالعربي لا الهايلوكس ولا الددسن فيها راحه كلها سيارات تحميل وبر.. تبي راحه اشتر بي ام خخخخخخخخ...

وكلامي هذا من واقع تجربه وبدون اي تحيز.....
ونصيحه اذا بغيت تشتري خذ 2005 خليجي خطوطه حلوه احلى من الخطوط السعوديه الي مدري وش تبي.....

الهايكلس
عموما هي السياره رقم واحد من فاتها
ومن واقع تجربه شخصيه

انا جربت مديل 87 لو مررره
وبعدها 95 وايضا ما شاء الله
والان عندنا
مديل 2002
خياااااااااااااال
محرك جبار و تتحمل
وانا جربتها في الدهنا و الصمان
الصراحه سياره لا تخيب الظن ابدا

تقبل تحياتي

الهايلوكس ميزتها بالمكينة فقط

أما الباقي خرررطي

الراحة سالب 100 من 100

تكسر الظهر ، وطول الطريق تنطط ، وتتفكك ، وتنسم هواء ، ومكيفها سيء ، والخامات المصنوعة منها السيارة من داخل سيييئة للغاية ، تحس إنها قطع بلاستيك مركبة على غير سنع

من ناحية الأفضلية فأنا أفضل الددسن عليها ، لأني أهتم بالراحة وشكل السيارة من داخل بشكل كبير ، خصوصا إن الددسن قوية

الهايلوكس سياره جباره وتتحمل بس الله يعين ظهرك الراحه صفر والسعر عند اعادة البيع يكون مرتفع بالنسبه للمنافسات
الددسن نيسان ومايحتاج نتكلم كل مده يلزمها تربيط وانواع التنطيط
الايسوزو قمة الروعه شكل ومواصفات بس السعر عند اعادة البيع


هـــــذا مالدي والله اعـــــSـــلم

ياخذ الددسن احسن له بكثير من الهايلوكس ..