اهل الاكورد 2003 /2004 /2005 تعالو هنا

العفو :) ...

و بالتوفيق ...

خذ التيما وادع لي

والله اني انصحك نصيحة اخ وبس جربها قبل لاتشتري

انا معي فل اوبشن مخمل ماشاء الله تبارك الله


المعذرة على الدخلة الخلط على الموضوع ولكن شفتك محتار قلت افيدك

والله يوفقك

8
8
8
8
مشكور اخوي V2X وانا خلاص صرفت نظر عن السياره بسبب سعرها
المبالغ فيه وبعد لغلاء قطع الغيار

أخوي قاطع إشارة << من إسمك أحسك تحب الكامري :D

حاول تسأل معارفك من الي يملكوا السيارة ... و تشوفها و إذا أمكن تجربها ... أنا أول ما أخذت سيارتي الأكورد ( و أنا حاس إني بندم :D ) لأن كنت أقدر آخذ كابرس اس اس أو أفالون فل ... أخذت أكورد أربعة سلندر فل ...

تحطمت ..... لكن الحين بعد مرور 3 شهور كل ما أشوف سيارتي أقول الحمدلله لا كابرس ولا أفالون ولا كامري << ( يحب تكون الكامري جنوط سود و جير عادي :D )

أخوي استخير ربك ... و إذا اخترت السيارة لا تحطم حالك .... يعني أنا ألاحظ إن راعيين الأكورد أول ما ياخذون سياراتهم يكرهون حالهم ... بعد فترة تشوفهم متعصبين :D ... لأن السيارة صدق روعة ....


انت شوف السيارات الي تقدر عليها و حاول تسأل ... و تأكد إن الله ما راح يكتب إلا الي فيه الخير ..... و بالتوفيق ......

مشكور اخوي على ردك وبالنسبة لسؤالك عن حدي
اذا كنت تقصد المزانيه فانا ميزانتي 85 وبالكثير 90 الف
وننتظر اراء بقية مالكي الاكورد

اخوي قلنا كم حدك بالمبلغ

ونقولك بالسياره


انا معي اكورد 2003


بالنسبه لاسئلتك



/ هل واجهت اي مشكله مع الفرامل (البريك) لاني سمعت ان فيها مشكله في البريك

لا ولله الحمد السياره بشكل عام فراملها ممتازه مقارنه بالسيارات اللي عندنا الفكتوريا واللاند


2/ رايك في صيانة الوكيل

والله ياخوي سيارتي مادخلت الا صيانة 1000 و5000 بعدها ماطبت الوكاله ابددددد
بس تعاملهم جيد ويعيبهم الزحمممه

3/اسعار قطع الغيار غاليه او معقوله
الحق ينقال غاليه نوعا ما بحكم انها ياباني يعني لو قلنا الماني ميخالف يحق لهم يرفعون الاسعار لان الكمبيوتر داخل باغلب سياراتهم
4/ توافر قطع الغيار متوفره او لازم طلب
لا متوووفره وبكثره وخصوصا انه فيه محلات قطع غيار غير الوكاله

5/كيف صرفية البانزين بالنسبه للــ 4 سلندر
الصرفيه فيها حقها بصراحه يعني لما تقول اربعه سلندر وتشوف الصرفيه بصراحه تصرف بس مو ذاك الزود
لانها سياره خفيفه وعزم فتجبرك انك تدوس وبالتالي تحس بالصرفيه

6/كيف الرساوه والعزل الصوتي

والله الرساوه ماعليها مش بطاله طبعا هذا يعتمد على الكفرات بشكل كبير

لاني اول ماشريتها ركبت كفرات عرض 225 وماشالله راااااااسيه بقوووه
بس غيرتها وركبت 205 والله يستر حاس اني بيوم بتهج فيني


اما العزل مششش بطال

يبي لك من فتره لفتره توزن الابواب لان مع كثر صك الباب وفكه

وماشالله اللي يركبون معك لا هف لك الباب بقوه ومشى

اكيد بيصير فيه تنسيم

بس بشكل عام عزل حلو


7/ انطباعك العام عن السياره

لفئتها

بصراحه هي الافضل

شكل

تحمل

وكل شي تبيه

يعني السياره من شريتها الحين لي سنتين

ماطلبت شي

غير زيت وبنزين وفحمات بسسسسس

مشكور اخوي TNT على ردك والله انا محتار وودي
بسياره مريحه وعمليه واقتصاديه ولي وللزمن لكن
اقوال الناس تتضارب الي يقول ممتازه والي يقول
اسعار قطعها غاليه وال يقول اربعه سلندر لكن تصرف
وانا في حيره فقلت مالي
الا اخواني في منتدى السيارات اسئلهم بس بصراحه
احس قناعتي قلت في السياره والحين جالس ادور
بنفس السعر سياره ثانيه اذا حصلت شي افضل بنفس
السعر يمكن اغير ولا مالي غير الاكورررد ومشكور مره
ثانيه على ردك

1- نعم واجهت مشكلة والحمدلله فحص ال20 الف غيرو الفحمات والهوبات على الضمان والحين انا ماشي 42 الف ماشاء الله والحمدلله ماعاد طلع صوت التصفير..

2- صيانة الوكيل ممتازة لكن عيبهم المواعيد وكذلك الزحمة تعرف الفروع قليلة وكذلك يعيبهم السعر غالي ..

3- أسعار القطع بعضها غاليه وبعضها معقولة .. سعر قزاز امامي وكالة 1000 ريال مع التركيب بعد الخصم .. غالي

4- القطع متوفرة خصوصا مع زيادة الطلب على هوندا في السنتين الاخيرة زاد الطلب على القطع .. ولذلك موجودة لاتخاف ..

5- الصرفية في الـ4 سلندر ممتازة .. تعبي فل تقعد معك حدود 500 كلم .. او اكثر .

6- الرساوة ممتازة جدا مع مثيلاتها .. وكذلك العزل طيب الصراحة .. مقارنة مع مثيلاتها برضوا ..بس طبعا ما يجي زي المرسيدس في الرساوة والعزل .. (عشان أوفي حق السيارة) لكن عموما ممتاز جدا وافضل من سيارات كثير من مثيلاتها ..

7- انطباعي السيارة حلوة وماتتفوت .. لكن اللي بيتعبك النظام التعليق حق السيارة بيتعبك بحيث تاخذ مطب بسيط تحس بدقة جامدة .. وهذا هو سر الرساوة .. وكمان اذا بتشتري لون غامق بتتعب كثير في الغسيل .. وأنا الاحظ ان هوندا بويتها حساسة جدا للخدوس وكذلك سريع تفقد لمعانها .. وكمان العيب الثالث ان المراتب قاسية .ولكنها مصممة بشكل سبورت وكذلك قساوتها طبية ..

وسلامتك ..

لكن صدقني اذا محتار ولا شي لاتتردد توكل على الله وخذلك 2006 اذا عندك فلوس .. ولا خذ 2005 ترى سعرها طيب جدا .. فتحة وقير اوتو 65 الف ببلاااااااااااش ... انا اشتريتها ب68 ويوم نزل 2005 صارت 74 تخيل ..

عموما اي استفسا ثاني انا حاضر

مشكور اخوي على ردك وعلى المعلومات الي افدتنا فيها
وانا بيني وبينك احسي اني بديت ابعد عن السياره يعني
احس ان قناعتي فيها قلت على العموم نبي نشوف راي
الشباب الباقين وينكم يا اهل الاكورررد ننتظركم