اخواني الاعزا
السلام وعليكم ورحمه الله وبركاته
أصحاب سيارة الاوبل أوميغا دايم يشتكون وانا واحد منهم من قطع الغيار الغاليه ومن عدم وجود ورشة تمتاز بالاخلاص والضمير وعدم سرقة الناس والاستغلال.
لذلك انا ودي وبمشاركه الاخوان اصحاب الاوبل خاصة اللى عنده خبرة في الميكانيكا ونطرح كل المشاكل اللى يمكن تواجه المستخدم ونحاول نحلها. زي ما تسوون في المنتدى
انا ودي صراحه اكتشف السيارة وافصفصها صح لانها والله عاجبتني مره خاصة على الخط فقلت حرام اشتريها بمبلغ يتجاوز 80 الف وابيها ب 25 الف:p
انا باذن الله بأبدا اطرح ما لدي وما سوف اكتشفه مرفق بالصور
اضافة الى اني اريد ان اضع بين يديكم ارقام وامكان التشاليح المتوفره فيها الاوبل اوميغا
وكذلك عندي كهربائي شاطر صراحه يمكن يساعد البعض
كل هذا الاشياء لازم ناخذ فيها اذن المراقبين هنا لاني مدري وش النظام هنا ولا عمري كتبت في منتدى لكن والله ودي نصير ذيابه ونعرف وش يصير حولنا من الوكالة او من الورش
انا قريت في المنتدى موضوع عن احد الاعضاء فتح علبة الرديتر البيضاء ولقاء زيت
فقالوا له الاخوان انه المبرد جاب العيد وسبب دخول الزيت على الماء وقالوا انهم صلحوها بمبلغ 1500 ريال
و ذكر الاخ المهندس انك بمكانك الغاءه كليا لعدم حاجة السيارة له وهذا صحيح ميه في الميه
طيب تدرون ياخوان خاصة اللى صلحواااا المبرد قبل كذا ان العملية ما تستغرق اكثر من نص ساعة وسهله جدا جدا جدا وانا شفت المبرد في التشليح في مكينة مفكوكه وعرفت الامكان اللى تنسد والله شي تافه ما يستاهل ميه ريال
ومع ذلك تجد ورش يستغلوا بعض الناس ويقولون المكينة خلطت لازم توضيب وياخذون عليك فوق 5000 ريال و هم بس يا يغيرون او يسدون الفتحات حقته وينظفو الرديتر ويغيروا مويه لك وحمرا بعد
والله قهر وقمة الغبن ياااخوان
انا باذن الله سوف الغي اللى في سيارات وبصور مراحل الالغاء خطوه خطوه و بصور العدة اللى تحتاجها هدية لجميع اصحاب اوبل في هذا المنتدى
كذلك ودي اذكر نقطه مهمه جدا جدا
ترا في قطع من اللومينا والكديلك تركب على الاوبل وانا صراحة والله انصدمت يوم دريت
لانه في يوم من الايام خربت عندي دقمة السويتش انكسرت وصار المفتاح يدور بدون ما يشغل ولا يقفل
المهم فكيتها عندي فالبيت ولقيت الكسره ويوم رحت الوكاله قالوا لي 700 ريال وطلبية ولازم برمجة في الوكاله
رحت المخرطه وقلت احاول اخرطها قالوا لي ما تصلح خرط ودلوني على محلات مفاتيح في الصناعية القديمة ورحت لهم ولقيت هندي وقال روح وكالة صديق و قول جيب دقمة سويتش لومينا 2002 يركب على طول وفعلا شريت القطعة بمبلغ وقدررررره 124 ريال سعودي بسسسسسسسس
ورحت البيت ووجدتها نفس القطعه بالظبططططط
وركبت الحلقات حقت المفتاح بدون برررمجة ولا قلة حياءءء
شفتووووا كيف الغشششش
المهم باذن الله ان الامور بتتحسن واللى عنده اوبل اوميغا لا يبيع خخخخخخخخخخخخخخخخ
فمان الله
