سوزوكي ساموراي ( معلومات وتعديل واستفسارات وتبادل خبرات )

ابو الخل ما انصحك بالصيني ابد ما اعتقد تتحمل
شوف لك مروحة حق مرسدس القديم (موديل الثمنينات ) وركب فصال تشغلها وتفصلها من داخل السيارة وحسب ما اذكر سعرها ليس بالغالي وذات كفاءه واداء عالي

ها السؤال لازم ما يصدر من خبير مثلك...


بس في طلب صغير:



ممكن تخبرني أي فتحة تكون افضل وليش؟؟

اخوي الخل الوفي
بنسبه للحراره
مراوح السبارو تجي ثنتين وحده كبيره وثانيه صغيره
والثنتين مايركبون مع بعض على السوزوكي
فركب المروه الكبيره وتركب دايركت على الرديتر مثل السوزوكي الاصفر وانت شفته بنفسك
الحراره ما توصل الربع مع الطعوس والكرف
ويفضل تخليها مع فتحت السويج
ماشاء الله صارلها سنتين على الاصفر ولا عمري اشتكيت من الحراره او منها
وكل سوزوكياتنا نفس السستم

الخل الوافي

ركبلك مروحه كهربه وكنسل الهدرولك

وخذلك مروحه ام نمرتين

خل وحده من تشغل السياره

والثانيه ليما تزيد الحراره

إن شاء الله بآخذ بنصيحتك. لقيت في محلات قطع الغيار مروحتين توأم تركب على أي سيارة، صيني. ما أدري هل أشتريه أم أدور مروحة سوبارو كما يقول الناس؟

بخصوص الحرارة، أخبرك عن تجربتي:

سرت وحطيت مروحة ثانية و ما تشتغل إلى بزر في السيارة
طبعا المروحة كبيرة وصوتها عالي فكان لازم احط لها زر (سويش)
و اشغلها كل ما دخلتا لبر والحمد الله الحرارة زينة.

جربنا السيارة أمس العصر أنا والأخ ناصح في الهافمون. كانت هناك ملاحظات كبيرة أعمل على إصلاحها وهي:
1. أكبر مشكلة الحرارة، المكينة تحتر مرة مع التطعيس حتى أننا اضطرينا نوقف السيارة وننتظرها تبرد، مع أن الجو كانت حرارته ممتازة جداً تحت الثلاثين درجة مئوية. زودنا الرديتر بموية صحة :) يبدو أنه لازم أحط مروحة تبريد إضافية، وإن ما كفت لازم أركب رديتر ألمنيوم يكون حجمه أكبر. خسارة الرديتر الجديد إللي ركبته.
2. كراسي الدبل الأصلية مطاطية مرنة جداً بزيادة، مع الشد على السيارة تمتد حتى تضرب في بودي السيارة وأزعجتنا جداً. سأستبدلها بكراسي هيفي ديوتي لإصلاح المشكلة.
3. الصليب في عمود الدبل خربان ومخلخل، يبغاله تغيير.
4. الكفر يحك بشدة في الرفارف السوداء الأصلية، وهي حديد، عند المطبات، وهذه إن شاء الله رفارف البوش واكر سوف تحلها.

أما الملاحظات الإيجابية، فقد جربنا السيارة على الصخرة قبل التعديلات وبعدها. أما قبل، فكانت السيارة يالله ترتفع قليلاً وإذا بالسيارة تتوازن على كفرين وممكن تنقلب بهفة ريح. أما بعد التعديلات فكانت المرونة رائعة وممتازة، وتمكنت السيارة من الصعود إلى الأعلى حتى بدون دف لوك بفضل الكفرات الخشنة بعد الله، والمرونة صارت مقبولة جداً.

وقد تم التقاط بعض الصور أنتظر الأخ ناصح يزويدني بها.

قوه الخل الوافي

لايهمك شي سافر واذا اختربت

قل لن يصيبنا الا ماكتبه الله لنا

سابقا على ايام السوزكي كنت اطلع فيه من البحرين اروح الاحساء

والنمره على الخامس ولا يهمني شي اصوات ريحت آيل يحترق

مخلص طريقي


بس السوزكي الي عندي الحين ( حتى شارع الجسر ليحن ماوصلتله )

كله بسبت المكينه كل سبوع تخترب

الله المستعان

وماشاء الله تعديلاتك وايد حلوه

ويقصرك الونش تركبه في الصدام الامامي

ما شاء الله ... الله يباركلك فيهم

وبالنسبه لليمني ..

فيه يمنيين كثير يجون على هايلكسات قديمه محملين بهارات
السياره دامها تمشي وما فيها مشاكل ولا تحتر فهي توصل بإذن الله لكن فرق بين انك تسافر على سياره يدك على قلبك وهي مو حقت سفر اصلا وبين سياره تضمنها




صحيح :xyxthumbs:

الانيق يقصد سيارة بهذا العمر وبهذه التعديلات وتسافر بها هذه المسافة يعتبر نوع من المغامرة

قلت أسوي لها Stress Testing، والحمد لله المكيف شغال والسيارة تمشي زين. ليش لا؟

واحد يمني بنشري في محطة عندنا في الشرقية يقول لي راح فيها اليمن ورجع ثلاث مرات. وش الرياض بالنسبة لليمن؟

لكن أنت ليش مستهون بالفورتشنر؟ وتقول أهون كأنها غير مريحة؟ إسأل بن صقيه ركب معي إلين قطر، كيف راحة الفورتشنر عندي في الخطوط، بكل تعديلاته. الحمد لله مريح جداً وقوي وسريع ولا ينقصه شيء من ناحية الراحة.

توصل بالسلامهـ

وشكله عطاك عين واحسن شي تكتب ماشاء الله تبارك الله :smile:

^^^

من جدك بتسافر بذي السياره ؟

الفورتشنر على الاقل اهون

بعد إصلاح المشكلة زادت الاهتزازات في عصا الدبل بشكل مزعج جداً، يبدو أنه لازم أغير البوشات لإصلاح المشكلة. كنت أفكر أسافر في السيارة الرياض اليوم، لكن الصراحة خفت تصير المشكلة مرة ثانية وأنا في نص الخط، قلت لا، أصلح المشكلة ثم أشرع فيها مرة ثانية.

^^^

ما هي مشكلة معوض خير يا بو خليل

أبشركم المشكلة انحلت، وكانت بسيطة جداً. أتوقع كانت هي نفس المشكلة إللي ذكرها الأخ الأصفر، لكن الورشة كانت قد فكت الدبل وفتحته، فسبق السيف العذل. قالو لي المشكلة من كورة الرمانة الصغيرة، لكن ما أدري عن صدق كلامهم.

الله يعينك والله ان العين حق

ابو الخل

اعتقد انها من الترانزفير كايس الي يوزع الدفع بعد الجير للدفرنس الخلفي و الامامي ( هذا اذا كان يعتمد هذا النظام )

أخوي الأصفر، ما أظن أنها البوشة، لأن لو أن المشكلة في البوشة كانت المشكلة فقط في تشغيل الدبل، وليس فصل تام. أما إللي معي فهو انفصال تام ما تتحرك السيارة نهائياً.



جزاك الله خير يابو سندس، ما قصرت.