كيف تجي ذي سياره ما فيه دبل وفيها دفلوك ؟؟؟:c0214: سيارات دفع رباعي عريقه ما جاء فيه دفلوك فكيف يجي بسياره لم تجهز بدبل يعني ما تصلح للبر؟؟ ويعني وش راح تستفيد من الدفلوك وانت اساسا ما عندك دبل لان الدفلوك مكمل للدبل
وش رايكم بكلام حذيفه يا ابو هذال وهاني ؟؟
واذا كان كلامي كله خطا فقط جاوبني على سؤالي ليش قالوا التاهو Z71 هو الوحيد في فئته مجهز بترس تفاضلي قابل للانغلاق؟؟
يا اخوي عزيز اعزك الله تبي العلم الوكاد و خذه مني
اليوكون و التاهو و السييرا و السيلفرادو و الكانيون و الكولورادو و الاسكاليد بكافة انواعهم متوفر بالدفلوك الاوتوماتيكي لكن ليس كلهم
سواء بدبل بدون دبل دفع رباعي مستمر مثل الدينالي و الاسكاليد او الخيار بدون دبل
كلهم يجي متوفر
لكن ! الموظفين هنا عندك في الخليج و وكلاء جي ام لا يعرفون بوجوده الا على الـ Z71 بينما هو في الحقيقة متوفر على كل سيارات الدفع الرباعي من GM
وش مميزات الـ Z71 هذا ؟
سلمك الله يتميز بنظام تعليق مختلف تماما (مساعدات و اذرعة ... الخ) + مفاصل السيارة مشحونه برغوه مانعه للاهتزاز + تصفيح سفلي
اما المحركات و القيور و الدفرنسات هي هي ولا اختلاف
اما كيف عرفت ذلك فـ GM عندها رموز و تلاقيها في ادراج السيارات مقابل الراكب الامامي و الرموز معروفه و لذلك انا اضمن لك كلامي
و تستطيع الذهاب الى اي وكالة GM و تبحث في اليوكون او التاهو عن الرمز G80 و هو الدفلوك الاوتوماتيكي و تستطيع البحث في اللي بدون دبل
طبعا بدون دبل بعضها يأتي وبعضها لا(مثل حق حذيفة فيه دفلوك انا موتري ما فيه !) اما اللي بدبل 95% تلاقي فيه دفلوك
اما الستابلتي فهو منفصل عنه انفصال نهائي
و ذلك انك لو تفصل فيوز الـ ABS يبقى الدفلوك شغال لأنه ميكانيكي
و انا في سيارتي ما فيه دفلوك و مع ذلك الستابلتي شغال ولو اركب دفلوك ركب مباشرة بدون ما يدري الستبلتي ان فيه دفلوك او لا
اما طريقة عمله فهو يحس اذا فيه اي انزلاق في الكفرات بفرق 15 لفة على سرعات اقل من 15 ميل (تقريبا 30 كيلومتر /ساعل) اذا حس بذلك فانه يقفل بنفسه حتى يزول الانزلاق الحاصل
اما اللي يعمل في الثبات فهو الـ LSD وهو يقفل لكن ليس تماما و أنعم من الدفلوك لان الدفلوك خشن لدرجة انه يسمى عندنا بالهزاز لانه يهز الموتر هز ! و تقدر تلاحظ مقطع ابو سعد الاول لما طلع كيف التاهو يناقز فمستحيل الدفلوك يحافظ على الثبات
و الا كان ريحو انفسهم لان السيارات اصلا الكفرين يفرون سوا لكن للامان وضعو تروس التفاضل لاجل المحافظة على توازن السيارة في المنعطفات (ولا ليش الجموس القديمة كانت سيئة في الثبات بينما في الدفع الرباعي لا تقارع بسبب عدم وجود هذه التروس)
اتمنى وضحت لك الصورة و مستعد اوضحها لك لو تبي مرة ثانية
اما وش تستفيد من الدفلوك وانت بدون دبل فتخيل انك علقت عليك سيارتك بعض الاحيان الدبل ولا راح يفيد لو تسوي ما سويت
بينما يجي الدفلوك حتى لو بدون دبل و يطلع بكل سهولة و بسرعه
و انا جمسي حقرته يوم عرفت انه بدون دفلوك
* هذا ما كتبته على عجالة من أمري :bigggrin:
