2005 Skyline

السلام عليكم ورحمة الله وبركاته

اعتقد بأن سيارة لومينا ( كوبيه ) سعرها تقريبا اقل من الكورفت بسب وجود ( تقريبا ) نفس المحرك

في السيارتان وهذا يجعل بأن السيارتان بينهما تنافس .

LS2
بسبب انه GTO ارخص منه بكثير ولكن هل يحمل نفس المحرك ؟؟؟؟؟ .

السيارة الامريكية عند تزويدها يرتفع عدد الاحصنة من 325 حصان الى 400 حصان وهذا موجود في ال GTO .

الكورفت تقدر ان تنافس السكايلاين بأن تكون السيارتان ستوك وغير معدلة من حيث زيادة القطع ليتبين من عدد احصنته

اكثر .

( السكايلاين الى الان 2005 لم يتم ظهروها واعتقد بأن نيسان تخطط لمنافسة ( شفروليه ) من حيث تكون سيارتها

القادمة افضل من الكورفت من حيث القوة ) .

وشكرا

هني اضافوا مجرد هيدرز
خلي بالك بدون اكزوز كامل
وشوف كم عطاهم

بالأحمر قبل التعديل
والازرق بعد التعديل
شوف كيف فرقت معاه
لا تنسى هذي ارقام داينو
يعني 100%



وهني اضاف بس كام





وهني حطوا له سوبر جارجر على ضغط 7 psi

رفعه تقريبا 110 حصان



فما بالك إذا وصلناها إلى 13 psi

|6|

هذي ارقام للكمارو موديل 2002
عليها نفس مكينة اللومينا
والكمارو عادية مو اس اس
شوف الأرقام بالداينو حسب كلام الفني

وهذا الموقع
http://www.assayyarat.com/forums/showthread.php?t=61780

انيشيال
اول قير 7 سرعات اوتوماتيك اوروبي (مرسيدس)

هلا والله
كلامك على العين والراس
وناخذ نقطه نقطه



المفروض الواحد مايشوف سعر الوكالات لأنهم نصابين
لازم الواحد يشوف سعرها بأمريكا

وترى اللومينا ارخص :D



الواحد يحب التميز
يعني لما يمشي بالشارع الكل يشوفه
ويكون معروف
يعني جورج عنده سكايلاين
يعني يكون معروف

بس ليش ما يبيعون السكايلاين خارج اليابان؟




والله شئ حلو ومعلومه توني ادري عنها
مشكور

بس يعني الكورفيت لما تلف فيها ما تكون تعبانه يعني تحس انها تلف عدل
صاحبي عنده كورفيت 99
يلحق ناس ويلف على منعطفات ماشاء الله عليه
ثابته وتلف بقوه



لالالالالالالالالالالا اسمحلي اعارضك
اصلا السياره على الداينو 408 حصان





هذا كلام الفني ووضح السبب

325 حصان مو 340 حصان

وقال عن البورشه


مو بس اللومينا حتى البورشه

وليكون الألتيما احسن :D

والياباني يحاولون يقللون بالوزن بشكل غير طبيعي
ولا تنسى هذا يفيد بعد

أول شيء لمعلوماتكم تحديد القوة بـ 280 حصان في اليابان مش على السكاي لاين وحدها وانما على كل السيارات اليابانيه ...
ثانيا تحديد القوه بـ 280 حصان جاء على اساس الحد من التلوث في اليابان
ثالثا لو تلاحظون انه أغلب السيارات اليابانيه القويه تأتي بمحركات أقل من 2 لتر (( مثال على ذلك السوبارو والايفو والسلفيا والمازدا ار اكس 7 و ار اكس 8 والتويوتا الالتيزا وغيرها من السيارات الرياضيه اليابانيه لانه فيه قانون الضرائب في الياباني يفرض ضريبه عاليه على اي سياره يكون محركها أكبر من 2 لتر (( مثال على ذلك الجي تي ار والسوبرا واللي غالبا ما تجدها عند ناس يابانيين فلوسهم زايده شوي وماتهمهم لو دفعوا ضريبه زياده عن غيرهم المهم انه عنده سياره قويه ..... وعلى فكره كل مازاد حجم المحرك كل ما كانت الضريبه اكثر ... يعني الضريبه على السوبرا أكثر بكثير من ضريبة الجي تي ار لانه السوبرا محركها 3 لتر بالمقارنه مع محرك الجي تي ار واللي هو 2.6 لتر )) فتجد انه الاقبال الاكبر على السيارات الرياضيه ذات المحركات الاقل من 2 لتر ولذلك نرى انه الصانع الياباني يركز في تطوير صناعته مع تقليل حجم المحرك علشان يكون فيه اقبال على سلعتة وايضا اوفر للمشتري اللي يدور على سياره قويه وفي نفس الوقت بتكاليف أقل لانه المحرك اصغر (( يعني تلوث اقل وبالتالي ضريبه أقل )) ...

بعكس الصانع الامريكي .... لانه ماعندهم قانون Go Green :D فما عنده اي مشكله انه يكبر المحرك على كيف ابو جد اللي خلفوه ..... لذلك هم مريحين مخهم وخل الدنيا تولي .... تلوث بالطقاق اللي يطق البيئه :D
لذلك تلقاه مش محتاج انه يطور في محركاته بإدخال تقنيات جديده ... فقط محرك اكبر قوة أكبر :p

رابعا .... الجي تي ار الجديده مش 8 غيار ..... وانا (( واعوذ بالله من كلمة انا )) بصلح هالمعلومه ...
الجي تي ار الجديده راح تكون 7 غيار بجير عادي (( وفيه احتمال ضعيف انها تجي 7 غيار تيبترونيك ., وانا ما أتمنى هالشيء ))


واخيرا كمعلومه عامه .....
اول سياره كانت بجير عادي بـ 5 غيار كانت سياره يابانيه
و أول سياره كانت بجير تماتيك بـ 5 غيار كانت سياره ألمانيه
و أول سياره كانت بجير عادي بـ 6 غيار كانت سياره يابانيه
و أول سياره كانت بجير تماتيك بـ 6 غيار كانت سياره ألمانيه (( واعتقد انه هالكلام كان قريب جدا ومش أكثر من 3 سنوات والكل يعرف هالسياره ))

:D وانشالله اول سياره بجير عادي بـ 7 غيار راح تكون يابانيه (( الجي تي ار 2007 ))

معليييييييش ياجماعه

انا ماعندي اي خلفيه عن التلغيم وغيره

لكن شفت ارقام خياااااااااليه

500 حصان و700حصان و1000 حصااااان:eek: :eek: :eek: :eek: :eek:

ياجماعه خبلتوني والله
انا ماسمعت عن ال1001 حصان الا في البوجاتي فيرون وفيها 16 سلندرررر سلندر ينطح سلندر وعملوا لها اعلانات في كل مكان

رجاءا اذا عندكم روابط اجنبيه واكون لكم من الشاكرين

هلا أخوي بلو تشيفي معليش على التأخير :)

انا صراحة شفت سعر الكورفيت واستغربت منه الصراحة .. ما ادري كيف سيارة زي كذا بقيمة 160 ألف ! يعني الفرق بينها وبين اللومينا كم ألف ريال وما ادري على كذا الناس ليش ياخذوا لومينا ولا ياخذوا كورفيت :D

المهم ياحبيبي جبت لك سعر السكاي لاين في أمريكاً وهي تنباع هناك ب 300 ألف ريال سعودي !!!!!!!!!!!

السؤال اللي يسدح نفسه :D

الحين مدام الكورفيت بنص قيمة السكاي لاين بأمريكا .. والسكاي لاين يبيعوها ب 300 ألف ريال وهي ستوك وقوتها 280 حصان فقط !! (أعتقد البورش كاريرا اللي قريبة من 400 حصان وأكثر بنفس القيمة !!)

السؤال ياحبيبي ليه الناس في أمريكا طايحين بالسكايلاين كذا رغم إنها غالية مرة على أحصنة ماتسوى ؟؟

فكر بالسؤال .. أكيد فيه سر :)

ياحبيبي انا رحت جمعت كم معلومة عن السكاي لاين .. (من مواقع أمريكية واللي استغربت منهم إنها مصنفة على إنها Super Car !!! وقيادتها وتحكمك بالسيارة والطارة لها شبيها بالبورش والفيراري !!!!)

طلع لما تفك الفصلة اللي محددينها 280 حصان تعطيك 333 حصان بالراحة !! وتقدر توصلها على تيربو بلدها إلى 400 حصان !! (تحتاج Water injection فقط !)

والماكينة لو تغير تيربو بلدها وتركب تيربو أكبر (لاحظ قطعة خارج الماكينة توصل للداخل بس) راح تعطيك أقصى شيء من 600 إلى 700 حصان بالكثير هذا من غير تغيير قطع داخلية بالماكينة (بساتم أو اي شيء ثاني !! ومن غير نوس بعد !) يعني السيارة راح تعطي أكثر ..

بعدين اللي مشهر السكاي لاين أكثر هو نظام ال ATTESA ..

بالقومة دفع رباعي يعني تفز السيارة فزة مو طبيعية وبالخط خلفي .. وعند المنعطفات والمنحنيات والدرفت وكل البلاوي هذه العزم يتغير على كل كفر !! بنسب مدروسة وغير ثابتة تتغير حسب السرعة وشد المنعطف اللي انت داخل عليه !! يعني لو إنك مولود غشيم الملف لافه لافه !!

هذه النقطة الأولى ..

ثاني شيء ودي أسألك عن المقطع اللي حطيته :D

انت تقول هو مركب


ياحبيبي انا شفت المقطع :-) 90 حصان رفعها هذه قوة إجمالية فقط !! لو تبغى تتفاهم مع الياباني على القوة الإجمالية مافيه مشكلة !! اجيب لك احصنة أكثر :-)

حبيبي الشغل كله على الأحصنة اللي على الكفرات !! الأحصنة الفعلية .. السكاي لاين 280 حصان على الكفرات .. الزد 294 على الكفرات .. والألتيما 257 كلها على الكفرات !!

لكن لاحظ بالمقطع إن اللي سار فقط إضافة 40 حصان بس !!!!!!! على الكفرات !!

معليش إسمحلي بس هذا يعتبر شيء مرة قليل وخاصة بإضافة الكمبيوتر !!!!!!!!!!!!!

عندك نفس الكلام اللومينا ! .. يقول لك الأوتو 340 حصان هذه قوة إجمالية فقط .. ولا القوة الفعلية 277 حصان ! وشوف موضوع الأخ الفني بقسم الورشة !! جايبين لومينا أوتوماتيك شد بلد قوتها على الكفرات طلع 277 حصان بس !!!!!!!!! وكل شيء موجود بالصور .. (عشان كذا بعد مادريت ما استغربت ان الألتيما تطلع على اللومينا إلى سرعة 200 !! كل الفرق 20 حصان بس بانت بعدين بالخط ! وأيضاً ما استغرب من الزد إنها تطرح اللومينا للطبلون !! لأن الزد أكثر أحصنة !!

صدقني القوة الإجمالية ماتفيد شيء .. الشغل كله على الكفرات !

كذا تغير نظرتي للأمريكي :-) لأني سامع كم واحد يقول الأمريكي يتلغم أكثر !

صدقني القطع اللي فوق لو تنزل على زد بترفعها بالقليل 50 حصان ! هذا أقل شيء اتوقعه !!

اعذرني عندي ظروف هالأيام .. يمكن أتأخر بالردود عليك شوي .. :-)

احنا نحاول نغير فكرتهم

ونبين لهم بالأدله

ومشكور على مشاركتك

عزيزي Blue Chevy

لا تتعب نفســـك معاهـــم لإنه عمرهم ماراح يقتنعوا بقوة الحصان الأمريكي

لإنه ياخي بالعقـــل :

السكاي لايــن الشد بلــد ستووك ماعليها ولا شـــئ

عمرها ماراح تشفط مع الـ C6 ولا ببصلــــــة :D

حتى لو تعدلت السكاي لايـن وتفجرت وعليها 4 أنابيب نايتروز

ماراح تطلــع على كورفيــت ZO6 عليه تيربو ولا سوتشارجر :D


المقارنة منتهية ومحسوومة من زمان لكن في بعض الناس ماتقتنع وتحب تماطـل


وحتى لو أزم الوضــــع جدا جدا جدا

فيه كومارو 77 عليه هولــــــــي يطلب حرش مع أعتل سوبرا أو سكاي لايــن :D



الله يخارجنــــــــا

[COLOR=red]BAssAM ss

[/COLOR]

صح كلامك اخوي
الحلو في الامريكي تظيف اشياء خفيفه ووإلا انت محصل 20 حصان وفوق

شوف الاشياء إلي تظيفها وتحصل كم حصان بالراحه


مثلا نقول اللومينا 380 حصان
طبعا لما يغيرون محركها إلى ls2
بعد سنه او سنتين

وخلنا نحسبها مع بعض

380
Cold Air Intake
10
Long Tube Headers
30
Cat-Back Exhaust
10
Intake Manifold
10
programe
20
cam
40

هذي شغلات اضفتها ووصلت إلى 500 حصان

وفي قطع تعطي اكثر بس انا نقصت
يعني بهالقطع تحصل ما بين 500 إلى 540 حصان
حسب جودة القطع ونوعيتها

وهذا ما حطينا مقوي الشراره وبلاكات ووايرات سبورت
كان في زياده


وكلامي هذا من مواقع اجنبيه
يعني ناس مجربين وحاطين صور الداينو

يحطون قطعه ويحطون الوصر الداينو


مو مثل بعض الناس تقول



:D

السلام عليكم ورحمة الله وبركاته

مشكور على الموضوع .

وسيارة السكايلاين قوية وجميلة ولكن السيارة بدون تعديل او زيادة اي قطع هي قوية ولكن

اذا زادت القطع مثل التلغيم او استبدال قطع بأخرى قوية قد تزيد الاحصنة فمثلا من 400 حصان الى

700 او 1000 حصـــان للان تيتم تزويدها بقطع تزيد القوة .

المقارنة بين الامريكي والياباني من حيث التزويد تقريبا يتساوى بسبب ان عدد احصنة الياباني تكون عالية او منخفضة

فيتم تزويدها بعدد اكبر منها وذلك يؤدي الى قوة اكثر من السابق , الامريكي اعتقد بأنه نفس الياباني ولكنه ليس دائما احصنته

قليلة فمثلا ال (GTO ) عدد احصنته 400 حصان ويتم تزويده بــ 700 حصان واو اكثر الى 1000 حصان .

اعتقد بأن هذه السيارة تم ايقافها ليس في اليابان ولكن الى الخليج ولكنها في اليابان تصنع .

وشكرا

واذا نزلوا لومينا ls2

راح يكون سعرها تقريبا 100 الف ريال

قوتها 380 حصان

كام وهيدرز مع فلتر رياضي
طال عمرك موصل إلى 470 حصان زي الورد

وانا بانتظار الكوبيه ls2
بعد سنه او سنتين

شكل جميل وقوة غير طبيعيه تقريبا 400 حصان
وسعر في متناول الجميع

انا دخلت نيسان وما شفت السكايلاين؟
اقوى شئ الزد





سعر الكوفيت حسب موقع شفر 165000 ريال

شفت الفرق :D

يعني سعر السكايلاين تاخذها من المصنع بس سعر الكورفيت لا :D

:D



الله اكبر :D
8 نمر مره وحده
مرسيدس توها تبتكر 7 نمر وانت تقول 8 نمر

انزين وين شفتها هذي؟

ودام القانون مخلي السكايلاين 280 حصان
ليش ما خلوا الزد فوق 300 حصان؟
مو هالسياره عالميه؟





حبتك العافيه
انا بينت لك فوق :D



انا قلت احتمال كبير
وانت شفت محرك الهوندا إلي 8 سلندر كيف معقد وصعب الصيانه
صح ولا انا غلطان؟



انا عندي امريكي ومافي لمبات مولعه




برمجة كمبيوتر مع اكزوز ونظام هواء بس

وطبعا انسيابية السيارة مثل الكورفيت




هني ميزة الامريكي

لما اقول السعر مقارب جدا جدا
وسعة لترات مع سلندرات زيادة
شوف شنو تسوي؟


بس بجد شوف الفيديو تراه اجرام
كام ونظام اكزوز ونظام هواء سوو هالشغلات؟

كأنك مركب تيربو

بجد نزل وشوف العداد كيف يتحرك


وانت تدري انا مو متعصب للأمريكي
انا اتقبل الحقيقة

وكل واحد يقول معرفته حتى يستفيد الطرف الاخر
مثلك وانيشيال دي
والله استفدت منكم الكثير

يعطيكم العافيه

سلاماااات بلو تشيفي ؟؟

السكاي لاين سعرها 120 ألف ريال سعودي !! هذه من مصنعها وهي ماتصنع إلا باليابان فقط وماتطلع برا ..

ولا جات طلعت برا يدبلون سعرها يسير فوق ال 250 ألف وهي ستوك :D

يعني ياعمي سعرها وكالة 120 ألف وسعر الكورفيت 220 ألف ريال أو أكثر !! وشلون سار نفس السعر؟

لاتقول لي 100 ألف فرق بسيط تراها تسوي هوايل :D




حبيبي اظنك عارف إنه في اليابان القوة محدودة على 280 حصان .. ايش الفايدة أجل لو صنعوا 12 سلندر و 8 لتر وآخرتها 280 حصان؟؟؟؟

لكن السنة هذه الغوا هالقانون وأصلاً النيسان بتصنع نسخة عالمية (ما عدا اليابان) هي توزعها بنفسها لكل دول العالم من السكايلاين وقوتها فوق 450 حصان وبتكون 8 نمر :D وراح تنزل ب 2007 .. بعدها أفلقني لو ماطاح كرت الأمريكي |4|






ايه حبي تقريباً نص السعر ..



تو سعرها كان زي سعر الكورفيت :-) مامداك ..




ياعمي هذه السوبرا !!!!!! ولسه مانزلت !! وتقول لي شوف عاد كم هي مقعدة وحساسة ؟؟؟؟ ويش دراك ممكن أعرف؟ :-)

حبيبي اليابان مشهود له بالمكاين .. خل عنك القوة اقصد إن مكاينه ماتخرب .. ونادراً (إذا لقيت أصلاً) تلقى سيارة محركها ياباني ولمبة الماكينة مولعة بالطبلون !! مو مثل الأمريكي نادراً ماتلقى سيارة أمريكية اللمبة مو مولعة :D





قلت لك سالفة القانون فوق .. والسكاي لاين كانت مخصصة لليابان فقططط .. يعني كل السيارات هناك قوتها اعلى شيء 280 حصان .. لكن تفرق بالتورك العزم .. وعاد كانوا يطارحوا بعض لكن من قوة السكاي لاين والأنظمة اللي فيه مثل ال ATTESA اللي خلى إسم السكايلاين يطلع فوق سار السكايلاين يستورد من اليابان ويصدر للعالم كله عن طريق اشخاص مو وكالة .. وشوفه تلقاها منتشر أكثر من السوبرا واللانسر والهوندا بالعالم ككل !!





ياعمي شوية شغلات تسوي كثير :D

والله شوف الماكس انا من القير الأول اطلع عليها .. يعني مااجيب الطبلون إلا وهي 8 عواميد ورا ..

والله ورب الكعبة قبل كم يوم كنت بجدة والله ماكس ماسك معي للرابع (تقريباً ) !! إلى سرعة 180 اقل او اكثر بشوي !!

يتقدم علي مرات ويرجع مرات ..

نزلت انا مذهول قعدت اسولف معاه جريته طلع كل اللي مسويه كمبيوتر !!!!!!!!

مسويه بالإمارات كلفه 3500 ريال !! تخيل كمبيوتر بس سوا الهوايل هذه كلها !! ووراني الأوراق وكل شيء .. طلع زادته 22 حصان !! يعني انا لو اسويها شكلي أطرح الإس اس رايق رايق .. ويمكن أجمل مع الكومارو كثير ..

عشان كذا لا تقول لي شوية شغلات وكمبيوتر :-) تراها تسوي مصايب ..





حبيبي انا الفيديو ماشفته .. لكن معروف لو جات على تلغيم ان الأمريكي تلغيمه أقوى من الياباني .. هذا شيء معروف (أتكلم عن زيادة بكم حصان مو أقصى أحصنة ! أعتقد الياباني يقدر يطلع فوق ال 1000 حصان لكن الأمريكي ماقد شفت فوق ال 1000)

طبعاً تلغيم الأمريكي اقوى من الياباني عشان السعة اللترية !!

ياخي ال LS1 5.7 لتر ! ولو جات على ماكينة الزد مثلاً بتكون 3.5 .. يعني نص السعة !!

القطع اللي فوق تقولها زادت على اللومينا 90 حصان أتوقع تزيد على الزد لو تم تركيب نفس القطع (كام ثلاجة واكزوزو وشوية الشغلات اللي تقول :-) ) راح يمكن تعطي من 35 إلى 50 حصان ..

هذا شيء يعتبر طبيعي بسبب تفوق السعة اللترية :-)

هذا اللي عندي للحين ..

سلام ..

صح كلام بس تخيل نفس السعر؟
يعني ابي افهم
ليش يضيقون على نفسهم وينزلون 2 لتر و6 سلندر؟

دام هم نفس السعر عادي

مايهم
اما اذا السكايلاين اقل من الكورفيت بنص السعر
فأقول معاك حق
بس اسعارهم متقاربه هذي اذا مو السكايلاين أغلى
لأن مادري عن سعرها



عاد شوف كم سعرها وكم هي معقدة وحساسه




شناقصهم؟
قولي
هذي سياره رياضيه
المفروض يزيدون عدد لترات او عتدد السلندرات




شوف
الكماروات مع اللومينات والكورفيتات كلهم نفس المحرك ls1
بس الفرق شوية شغلات وكمبيوتر

في واحد اسمه احمد رزق بجده
ماشاء الله عليه فنان
ومتمرس
شوف شنو يقول عن اللومينا



ليش الكمارو اقوى من اللومينا؟
كله بسبب الكمبيوتر

وهذا جهاز برمجة
يغير برمجة المحرك

يعني ما حطينا تيربو ولاشئ

http://www.slponline.com/view_product.asp?P=27005T


وابي رايك بهالفيديو
لواحد حاط كام ومغير الثلاجة واكزوز وشوية شغلات
ورفعها 90 حصان بالراحه
نزل الفيديو وابي تعليقك عليه
http://www.gulfgt.com/media/sadyno.mpg

شوف العداد كيف يتحرك
فما بالك اذا حطينا التيربو

اذكر لما نزلت المكسيما الـ 2005 و قالو ناس انه يطرح الموستنج بالراحة عملو قومة بالكورنيش ..

موستنج GT 5.0 مديل 94-95 مع مكسيما و المسافة 700 متر ...

الموستنج شلخ المكسيما فشاخ و عطاها الشارع كله ؟

و تقول لي مكسيما تطلع على 4.6 ؟

انسى

بالنسبة للزد مع اللومين فالشي مو غريب بس بالنسبة للكميرو الوضع مختلف لأنها اقوى من اللومينا

اخوي بلو تشيفي انت الحين تدور سيارة تقارن فيها الكورفيت اللي جاية 400 حصان وثمانية سلندر و 6 لتر بسيارة ستة سلندر ستوك من مصنعها؟؟

إلى الآن اليابانيين ما اخترعوا 8 سلندر (رياضية) << دقق على رياضية :) خل عنك الإنفنتي ..

لكن اصبر السوبرا نازلة السنة الجاية حسب كلام الشركة ب 500 حصان .. وبتنزل بعد سنتين ال GT-R 8 سلندر 4.5 لتر و بتكون 450 حصان على كلام الشركة ..

وقتها بتكون المقارنة عادلة :D

مو تجيني تشطح من ست سلندر 2.6 لتر تقارنها ب 8 سلندر و 6 لتر وتقول الياباني ماعنده قوة بالمكاين !!

وبعدين سالفة الزد واللومينا الزد تطرح اللومينا رايق رايق .. انا شايف هالشي بنفسي (اللومينا LS1 مو LS2) .. يكفي إن الألتيما وهي 257 حصان تجمل معاها إلى سرعة 200 !!

لكن بالنسبة للكومارو ما اتوقع يمكن تكون المسافة بسيطة .. بس ما اتوقع الزد تطرح الكومارو ابد ..

انا اشهد ان المكسيما تمشي مع الموستنج الـ 6 سلندر و هذا اللي اقدر أقول لك