السلام عليكم
سبق وان كتبت موضوع عن سيارتي الكابرس يوم تعطلت ولاعاد تدق سلف ابد
بهذا الرابط:
http://www.assayyarat.com/forums/showthread.php?t=160223
لكن اتصل بي اليوم صاحب ورشة المحطة الظهر وقالي ترا سيارتك صلحناها
تعال شوفها
المهم واجيهم بلموزين وشفتها مغبرة وحالتها حالة .. ويقولي السيارة شغلناها بس القير فضيناه يعني
يعشق من دون
ماتضغط على الفرامل ويعشق والسيارة تمشي
قلت انا منفرز :mad1: قلت ياخي انت خربت السيارة ماصلحتها
قالي مهي مشكلة نصلحلك القير وتعال العصر . ولابغيت اضرب مشوار واركب لموزين مرة ثانية
لقيتلي مقهى بجنب المحطة وجلست اقرا مجلات وجرايد واشرب قهوة الين ماصلوا العصر وبعد الصلاة جيته
ولقيته حاط سيارتي عند المغسلة يغسلها ( طبعا السيارة كانت مغبرة بقوووة لدرجة انه صار بلاط المحطة وحل)
الزبدة قال خلاص صلحت السيارة وغسلناها لك
وجا وقت الحساب وهذا اللي احس انه ضحك علي بكلامه واول مرة احس انه ينضحك علي
قال حسابك 3000 ريال
قلت نعم ؟؟؟؟:a120(115):
3000 ؟؟ خير ان شاء الله وش سويت
قال : اول شي ركبنا لها كمبيوتر جديد من الوكالة وبرمجناها من كهربائي بـ 1000 ريال ووديتها للنسيم بسطحة 50 ريال رايح و 50 جاي عشان اصلح القير بـ 300 ريال
وسطحة للوكالة 100 رايح و 100 جاي عسان الكمبيوتر
قلت طيب حسابك صار 1600 ريال ؟؟ ليش تقول 3000 ؟؟
قال 1400 شغل يد
قلت والله ماتاخذ 3000 الله واكبر ياشغل اليد
المهم وبعد مناقشات ومناوشات ومطاقات :bigggrin: عطيته 2000 ريال
والسيارة الحمدلله الى الان ماعليها خلاف
بس من يوم ماطلعت من عنده وانا حاس انه ضاحك علي
تتوقعون انه صادق ؟؟؟
