قضيــــه : هل هذه السياره تمسك سعـــــــرها ...!!

السلام عليكم


أهلين أخوي






أكيد معك حق بس هذي تجي بأوقات نادره

لأن أكثر الدول المصنعه لم تأتيها الحروب على الأقل في الآونه الأخيره ..


تحيه طيبه

أولآ أشكرك على الفكرة أعجبتني

وباقول إللي عندي بصراحة تويوتا لا يعلى عليها جودة تصنيع و توفر قطع الغيار مع اسعار

أقل من منافسيها هذا سبب رئيسي بأن السيارة تمسك سعرها و ومرغوبة أكثر من غيرها

صحيح بالاونه الاخيره بدأت تنخفض الجودة ليست مثل الموديلات السابقة ولكن لم يتغير شي

مازالت الرغبة موجودة والشعبية بازدياد لأغلب سياراتها مثل الاندكروزر والهايلوكس

والكامري والكورولا مع العلم كلها لايوجد بها مواصفات تذكر ولكن كل التوجه للتويوتا

يسمونه شيك بمخباتك باي وقت تبي تبيع الزبون جاهز ولكن لو جيت للنيسان او غيرها

لأ تغير الوضع يمكن تلقى ويمكن لأ ولا تنسى الشريطية هم إللي يرفعون وهم اللي ينزلون

من قيمة السيارة باختصار التويوتا شيك بمخباك باي وقت حتى لوكان مجرد من المواصفات

كل هذا في كوم ونيسان في كوم

وش العله ان سيارات نيسان لحالها تنزل نصف سعرها من اول او ثاني سنه من استخدامها عن سيارات نيسان مشاء الله فخامه - قوه - موصفات عاليه

ياناس انا عام 2005 اشتريت سياره التيما 6 سلندر فل مراتب مخمل بسعر 86 الف ريال بعد سنه جاني ظرف زواج واحتديت على بيعها دخلتها السوق ما يقارب خمسه ايام وقفت على 58 الف والسياره المشكله ماشيه 42.000 الف وتشيكاتها بالوكاله - تخيلوا فيه ناس تقول ياشيخ سيمت 58 الف ولا بعت كم ناوي تبيعها 86 نفس سعرها واحد منهم يقول احمد ربك انها وصلت هذا السعر - لا والي يقهرك اكثر بجنبي كان كامري 2005جي ال بدون اي موصفات غير انها قير اوتمتيك ساموها منه 60 الف ريال لا ولا ناوي يبيع الا 62 الف صافي .. والله القهر تويوتا ونيسان وانا التيما لا و6 سلندر وزنون وفتحه ومسجل وست سيديات ومثبت سرعه وشكل افخم 58 الف من جد تفشلت حسيت اني ودي ابيع وافتك بس .. صدقوني الي راح يشتري يفكر بسعر مابعد البيع لآن الدنيا ظروف ويمكن ظرف من الظروف يخليك تحدك على بيعها افضل من انك ترمي وجهك على فلان وعلان ..

فهمتوني حبايبي - اخوكم الشوق

أول شي اشكرك اخوي على إثارة هذا الموضوع

للأسف الشديد أن عندنا ثقافة متوارثة واصبحت معروفة بشكل كبير

وهي ان غير التويوتا لا تشتري !!

واذا نويت تشتري سيارة غيرالتويوتا تلقى حرب اكبر من حرب البسوس

واللي يطلع لك من عند خشتك ويقول تمسك سعرها .[COLOR=red]..[/COLOR]

واللي يخرج من كم الثوب ويقول مطلوبه فالسوق .[COLOR=red]..[/COLOR]

واللي يطلع لك مدري من فين ويقول حقت كرف .[COLOR=red]..[/COLOR]

وهذي الامور كلها صبّت في صالح التويوتا وسياراتها المنتشره

[COLOR=red]![COLOR=#0000ff]؟؟! ولكن انا استغرب من ان الشخص يفكر في بيع السيارة قبل ان يشتريها ![/COLOR]؟؟[/COLOR]!

وهذا يدل على ان الشخص هذا يشك في قدرات هذه السيارة واغلبهم يقول اذا ماعجبتني اروح ابيعها !!

طيب ليه تشتريها من الاساس مادمت ماأنت مقتنع فيها ؟؟ هل لأسم الشركة ؟؟ أو مدح الناس لها ؟؟

![COLOR=red]!!!!!!!!! ~ عجبي من هذه الفئة ~ !!!!!!!!!![/COLOR]

الحديث يطول ولكن لو يجلس الشخص ويفكر مضبوط [COLOR=red](مع براد شاهي) ويشغل الطيب اللي تحت الطاقية رايح يعرف انه يشتري سيارة تفتقد للكثير من المميزات بسبب التفكير في سعر البيع ::..[/COLOR]

تحيــاتي وآسف عالاطالــه ::...

فيه عوامل خارجيه ايضا ...

يعني كميه العرض و الطلب
احيان الحروب الله لا يجيبها تنزل سعر السيارات السيدان وترفع سعر الجيوب
بعض القرارات مثل الصادر قبل فتره "منع الاستيراد ....."

وامور اخرى ....

هذا بلى بوك يا عقاب ؟؟؟؟



العله في الناس مو في بعض السيارات

السلام عليكم


أهلين أخواني كيف حالكم

عندي كامري لها 11 سنه شاريها جديده ب57000




بنفس هالقيمه بإمكانك شراء كامري 2003

أنا ما أتكلم عن شواذ أتكلم عن فئات وموديلات


ولا قلت لك الداتسون موديل 1982 قيمها 28 ألف ريال سعودي

بيعت في 2002 بقيمه 11 آلاف ريال سعودي (( السياره اللي تعلمت عليها ))

او الكرسيدا ..وغيرها



تحيه طيبه

عندي كامري لها 11 سنه شاريها جديده ب57000

سيمت قبل كم يوم ب23000

تاريخ الشراء 15 / 8 /1419 هـ

ماشاء الله تبارك الله

يعطيك العافيه الف شكر لك

السلام عليكم
مشكور اخوي على هذا الموضوع

أنا كنت من فتره ادور في المعارض بصراحه لقيت السيارات إلي تمسك سعرها كالتالي

أولا: تويوتا
ثانيا:هواندا
ثالثا: نيسان

باقي السيارات صراحه نزول

اكورد 4 سلندر فل 2007
سعرها في الوكاله 84 الف
وبعد استخدام بسيط لم تتجاوز 10 الاف
جابت 55 الف في المعارض

كلامكـ سليم اخوي lio45 .. لكن,
عندكـ مثال ,, سيارات مازدا بشكل عام ,, ومازدا 3 بشكل خاص , عمليه ,, وماتكلف
وسعرها ,, على طوول يطيح ,, موديلات 2007 او 8 تلقاهاـ طايح من سعرها حول 20 الف :confused1:

السلام عليكم


اهلين أخواني


بصراحه أثرتوا نقطه مهمه ..


بحيث ليش يهضم حق الغير بقضيه مسك السعر

فمثلاُ الفرق خمس آلاف بين سياره وسياره وقت البيع ...

لكن لما تناظر بكم بيعت أصلاُ راح تلقون الاختلاف ...

فيقال والله السياره الفلانيه تمسك سعرها ..

بالتقاضي عن قيمة السياره الاصليه ..

وفيه سيارات فيها مواصفات عاليه جداً

يسقط سعرها بل يهوي والسبب هذه المواصفات ..

لكن ما هو البديل أو ما هو عزاي في سقوط السعر :

البديل أني عشت برغد هذه المواصفات مده وقدرها ..


وهذا مفهوم الكثير ..

لا يهمني ما هي السياره لكن يهمني دلعها لي فتره محدده ..


تحيه طيبه

اخوي viper 911
صح كلامك في حالة وحدة بس
لما تكون السيارة عملية ومابتعبني بالطلبات
يعني قضية الاعتمادية والعمليه تهون عليك من الخسارة بالسعر السيارة في وقت البيع

لاكن للاسف لما تكون السيارة عمليه واعتماديه بالعقل بتمسك سعرها


يعني الموضوع معقد شوي

انا من اول كنت استهتر بنقطة ماينزل سعرها بس الان والله يهمني كثير ان السيارة تحافظ على سعرها وقت البيع بشرط تكون عاجبتني وتلبي احتياجي


لي عودة ان شاء الله

والله موضوعكـ ممتع , ويطول في النقاش ,,

انا بالنسبه لي ,, اذا واحد من الشباب جاب طاري سيارهـ , ناوي يشتريها او عاجبته ,,
يجي واحد يقول , لاااا ترا يطيح سعرها , ابعد عنها !!
بصرااحه انا اكرهـ اللي كذا , مع احترااامي , لكن ياااخي الرجال بيشتري السيارهـ مب عشان يبيعها !! الرجال بيشتري السيارهـ يستعملها ياخي ,, وش دخله بسعرها بعد ما يشترييها !!

اللي يهتم بسعر السيارهـ بعد الشراء ,, الإنسان اللي يتاجر بالسيارات يبيع ويشتري ,