شباب مشورتكم في الكرايزلر 300C

أنت طالب جامعي و تبغى سيارة تخدم معك ما تتعبك ..
نصيحة اخوية مني أبتعد عنها بعد المشرقين .. لأنها راح
تتعبك جداً بالخرابات و الأعطال .. مع إحترامي للي نصحوك
بها فهم بصراحة ما عندهم سالفة و اغلبهم ما يعرفها الا من الصور
و المجلات و عاجبهم شكلها و محركها ..

تبغى أمريكي .. .؟ خذلك فورد كراون فيكتوريا احسن أو جراند الماركيز ..

و إذا ما يهمك الأمريكي مره فخذ لك سوناتا ولا ازيرا أفضل بكثير ..

ياشيخ الناس تحسد الأعمى على كبر عيونه
وماتقدر تنكر العييين
والعين حق والشي هذا مثبت في القرآن والأحاديث

بالنسبة لك والله مشكلتك غريبة
عموما انا اقترح على راعي الموضوع يدخل على موضوع رابطة ملاك الكريزلر ودودج
ويسأل الأشخاص الي معاهم كريزلر

بالمناسبة انا اعرف واحد من الأقارب عنده كريزلر 2005
والسيارة ماشاء الله ممتازة وزي العسل
و اعرف شخص ثاني معاه 2005 وكل يوم بالورش طلعت عينه
؟؟؟؟؟؟؟
وكلهم اشتروها وكالة

يعني صدقني الموضوع غريب شوي
لكن راعي الموضوع اذا بتشتري أقل شي تاخذ 2006
وافحصها وخذها من معرض عشان الضمان

انا سيارتي عليها ضمان خمس سنوات من شركة حماية ( ضمان النخبة Premuim )

الضمان يشمل ( المكينة والقير والدفرنس وكافة الاعطال الميكانيكية والكهربائية )
ماعدا القطع الإستهلاكية
يعني بواجي واقمشة وزيوت وسيور مالهم فيها
باقي ما تبقى علييهم

وبكذا تكووون ريحت راسك :bigggrin:

اخووك

بصراحه ال 300 الهيرتاج روعه ، أنا مريتهم بالوكاله قبل رمضان و قالو لي سعرها 160000 بس في رمضان عملو تخفضيات عليها و الان مدري كم سعرها الجديد .

طبعا الصيانه و قطع الغيار ما عندي خلفيه عنها بس حسب ردود الأخوان في المنتدى ان أسعار قطع الغيار متوسطه الكلفه مقارنه بفخامه السياره لكن ورشه الوكاله يبدو أنها ماهي في مستوى السياره .

يبقى عامل اخر هو سعر السياره بعد الأستخدام ، اللي يظهر لي أن سعرها بعد الأستخدام يطيح بقوه يعني في هالناحيه الفكتوريا و الميركوري و الكامري تتفوق عليها لأن أسعارها ما تطيح بقوه بعد الأستخدام .

و شكرا لكم على الموضوع و الردود

اشكر الجميع على المشاركه في الموضع

وبنسبه لك اخوي العزيز فراس

اذا الدعوه عين فــ ما اتوقع ان ال300c روز ولا مايباخ:xyxthumbs:

و زياده ما اتوقع اني اكون انا و اكثر من شخص حوالي 6 الى الحين و موديلات(2007-2008 -2009) مختلفه نعاني من هذي الاعطال ما اتوقع عين الا اذا كان احد مستقعد عند الوكاله ويعطي عين لكل شخص هذا شي ثاني:bigggrin:

أهلاً اخوي فراس .. اي هرج الله يسلمك انت ماهرجت معاي ولا شي
بالعكس تماماً انت افدتني كثيراً ... وماقصرت والله .. الله يرزقك بحور العين
بس المشكله ...... انا تحيرت زياده مدري وش اسوي :confused1:
وش اشتري؟:confused1: ..حط نفسك محلي .. ناس تقول ممتازه وناس تقول خراب وماخراب الواحد وش يسوي
ماعرف كيف بقرر الحين
السيارة عاجبتني حييل لكن ماأبي ابتلي بها ...
ارجوا افادتي ... :smilie20:

بالنسبة لأخوي عاشق الأوبل
اول شي سيارته SRT8
وانت الي بتاخذها هيمي عادية

وثاني شي صدقني ياخوي عاشق الأوبل انو سيارتك فيييها عييين مو طبيعية
وانصحك تبيعها ولا تشوف لها حل

لانو مافي سيارة في الدنيا تخرب زي سيارتك الا اذا بلااااا او خطأ مصنعي ولا سيارة جديدة يصير فيها كذا

وانت خليتني اتردد في شراء السيارة
لكن الحمد لله توكلت على الله واخذتها
وبإذن الله ماراح تتعبني

وكملت معاي شهر وزي الحلاوة
وسيارتي ماشية 106 آلاف
وكانت فيها مشكلة وحيدة وهي الرجة في الفرامل
رحت خرطت الهوبات ونعمت الأقمشة نفسها
وركبت طقم كفرات جديدة

وماشاء الله السيارة صارت 100%
ولعلمك الأقمشة الي عليها باقي لها 5 شهور كمان ( بتقديري الشخصي )
علما اني ما غيرتها وهي نفس اقمشتها من امريكا
وبالنسبة للحرارة السيارة حرارتها ممتازة وقبل النص
وعارفين كيف جو المدينة المنورة
وممكن يرجع عامل الحرارة انو السيارة كانت في ولاية اريزونا وهي اكثر ولاية حرارة
ومادري اذا كانت القطع تفرق من ولاية لولاية وانا استبعد هالشي بالمرة

عموما صدقوني موضوع السيارة غالباً يكون توفيق من الله
بس صفي النية وتوكل على الله واستخيييير
وماراح تنتدم ابداً

ولا تهتم لكلامي او كلام اي احد
استشير قلبك وشوف انت اش رغبتك واستخير
صدقني الإستخارة بتفيدك كثير
وانا قبل اشتري سيارتي استخرت كم مرة الين ارتحت لها

وآسف على الإزعاج وكثرة الهرج
اخوووك

شكراً اخوي .. هذا الجواب اللي انتظره كثير منك
ماأحب التعصب لصالح السيارة .. انت بتاخذ حديد في حديد
مابتاخذ بني آدم عشان تمدح فيه ليل نهار ... وثانياً ليش الحب لصالح الماركه
والانحياز لها .... كل ماركه فيها الزين .. وفيها الشين ..(كل الماركات)
ماقصرت اخوي
بس ممكن تقوول لي وش الخرابات اللي واجهتك بالسيارة وكيف التصليح ؟
وكيف وكيف ؟
اذا ممكن
شكرا عاشق الاوبل

بصفتي املك السياره اقولها لك ابتعد عن السياره ((والله)) كثيره الخربات

هذا الي اقوله لك بكل اختصااااااار

و اي استفسار انا جاهز ((ويكفي تعصب يا شباب))

ملاحظه (( انا مطلع السياره جديده من الوكاله يعني مو مستعمل ولا شي واستخدامي جدا ممتاز لا مقاومات ولا شي))

الدووج عموما مشاكله كثيرة ومايصلح لجو الخليج مرة
وانصحك تبتعد

للرفع....ارجو الافاده

اخواني اعتذر منكم بشده
ولكن الاحظ في البعض يردون عليي ولكن لهم قصه ولاء بالسيارة
ولذلك يمدحوون لسيارة كثيراً بسسب حبهم لها او لماركتها وا ولائهم للماركه
ولكني اسألكم بأمانه عن السيارة وكيف الممشى والخرابات
ارجوكم بكل امانه وصدق ... ولاتصير فيكم وانتو تردون عليي عشان الولاء للماركه
رجاءً
اعرف اني طولت عليكم وتعبتكم معاي بس انا ماابي تنشب في حلقي وأطيح بها
وانتون صراحه ماقصرتوا معاي
وشكراً لكل من دخل لموضوعي ورد عليه
سلام .........

ما اعرف شي عن السياره بس ماتحس ان 144 الف كثير على سياره 2006

ولو تاخذ نصيحتي
لا تشتري استعمال سعودي >>>> تعرف الشعب عندنا كيف يستعمل السيارة

خذ امريكي بما انه كله مستعمل فأكيد الأمريكان احسن مننا بالإستعمال
وغالبا السيارات الأمريكية تكون مواصفاتها احسن من عندنا
ثاني شي السيارات الامريكية عليها ضمان
ولا تاخذ ضمان اقل من ثلاث سنين
وبالنسبة للأسعار راح تختلف بالمواصفات والممشى
ويعني نصيحة لا تاخذ سيارة ماشية اكثر من 70 الف ميل
واهم شي النظافة

وعشان تعرف الفل كامل من العادي
الفل كامل يجيك فيه تخشيب على الدركسون ومسكات الأبواب
ويجي شاشتين شاشة قدام وشاشة ورا في التكاية
وسماعات خلفية للشاشة الي ورا
وفتحة سقف
ومقاعد جلد
وازرار بالدركسون >> انتبه له اهم شي
المكيف منفصل ( اربع فرارات )
ومقاعد كهربا

لانو ممكن تلقى سيارات فيه فتحة سقف وشاشات بس مقاعد قماش وتحريك يدوي او مافيها تخشيب

واتمنى ربي يوفقك وتحصل السيارة الي على مزاجك
اخوووك

شكراً لك اخوي محمد ماقصرت ... وانا بدور وبستخير ان شاء الله
شكراً

مشكووور اخوي فراس و عاشق الدوج
كفيتوا صراحه وففيتوا ... ومهما اتكلم ماأقدر اوفي لكم
كامل تقديري وامتناني لكم

سلام............

ماشاء الله تبارك الله .. الشباب مآقصروو ..

ومثل ماقال فراس تقرير الكارفكس لابد منهـ ،،

لكن 90 ألف ميل شوي مرتفع !

يعني أكيد رآح تلاقي ممشى أقل وبسعر منآسب ..

ومن ناحية مشاويرك الأسبوعية حول الـ 60 كيلو ..

أنا عندي التشارجر هيمي اخت الكرايسلر ومشاويري حول 1200 كيلو اسبوعياً أيام الدراسة :bigggrin:

لاتستعجل .. رآح تلاقي سيآرات أفضل بكل تأكيد .. ولو لقيت لاتتردد بالإستشارهـ ،،

تحيآتي ،،

والله ياخوي الكريزلر والدودج اخوات
نفس الشاصي واغلب القطع مثل بعضهم

وانا سيارتي 5.7 هيمي موديلها 2006 امريكية
ولله الحمد مافي اي حرارة
الحرارة ثابتة قبل النص

وكل الي عليك تشيك عليها وتطلب تقرير الكارفكس من احد الأخوان بالمنتدى
وخلاص ما عليك توكل ترا السيارة تستحمل وحقت مكدة

واش الي 60 كيلو
انا مالي اسبوع جايبها كملت 1700 كيلو >>>>> يحب اللفلفة

بعدين كلنا طلاب جامعة مو بس انت :bigggrin:

اهم شي استخير ولا توسوس >>>>> اول ما يسمع صوت شي في السيارة يقعد يعاني

اخووووووك

ان شاء الله مافيها اي خلاف
انت افحصها وتوكل على ربك واستخر

والباقي على ربك