هل فتحه السقف مهمه في شراء السياره؟!

سيم سيم صديق...

إللي فهمته من كلآمكـ إن الفرق إذا تبي فتحه تكون ليمتيد والفرق 20.000 كثير مرهـ صراحه ،، وذكرت إنت مواصفات الإكس إل وأشوفها إن حلوهـ ومعقووله ،،

طيب خـذ رأي إذا ناسبكـ ،، طبعاً إذا شريت السيارهـ تقدر تركب فتحه ،، فيه محل في الصناعية القديمة بس إسمـه ما يذكرني ألآن مصلح عندهـم وآحـد من الأصدقاء ،، وشغلهـم مرهـ روعه ،، والسعر تقريباً 5000 ريال ،، إذا مثلا الله كتب لك نصيب وشريت ونويت تركب ،، رآسلني ع الخاص أوصف لك المحـل ،،

ومبروكـ مقدماً ،،

:xyxthumbs:

فعلا كلامك صحيح

وأيضا في فصل الشتاء راح تشعر بحلاوة الفتحه

وخصوصا إذا الجو كان مغيم

وانت على البحر :ch19:

ومشغل موسيقى :wink:

والمشكله الفرق بين الاكس ال واللميتد بفتحه اكثر من 20000 الف وصراحه كثيره مررره
هاذا مواصفات الاكس ال

محرك 6 سلندر 3.5 لتر280 حصان
- 24 صمام بنظام VVT-i ونظام وقود EFI
- ست سرعات أوتوماتيكية، نظام ناقل الحركة التتابعي
- جنوط ألمنيوم مقاس 17 بوصة
- فرامل مانعة للانغلاق مع موزع فرامل إلكتروني مساعد فرامل نظام التحكم في توازن السيارة ونظام التحكم في الالتصاق الناشئ من التسارع.
- وسائد هوائية أمامية السائق والراكب، وسائد جانبية، ستائر جانبية، وسائد للركب للسائق.
- مرايا جانبية بتحكم كهربائي و إشارة إنعطاف
- JBL مشغل 6 أسطوانات مع 12 سماعة و بلوتوث مع مدخل USB & AUX
- مكيف أوتوماتيكي مستقل بمنافذ خلفية
- مثبت سرعة
- أنوار أمامية عدسات عالية الكثافة
- حساسات أمامية وخلفية
- شاشة عرض معلومات
- مقود وناقل الحركة جلد مع أزرار تحكم على المقود
- مقاعد قماش
- حركة كرسي السائق كهربائية بثمانية اتجاهات مع دعامة الظهر كهربائية
- حركة كرسي الراكب كهربائية بأربع اتجاهات
- كرسي خلفي مقسوم بنسبة 40:60 وقابل لإمالة الظهر
- تخشيب داخلي
- كشافات ضباب أمامية
- مرايا داخلية ذاتية التعتيم + بوصلة
- حلية جانبية كروم

وهاذا الميتد
اضف على الكس ال
مرايا جانبية بتحكم كهربائي مع ذاكرة( ((بصراحه مافهمتها بس احس مو مهمه)))
- المفتاح الذكي ((( هاذا هو الشي الي بنقهر عليه)))
- مقابض أبواب خارجية مطلية بكروم (((مو مهمه من الكماليات)))
- زر توقيف وتشغيل المحرك (((هاذا شي ثاني بنقهر عليه)))
- ستارة خلفية كهربائية ((مو مهمه من الكماليات
- مقود بجلد طبيعي + خشب ((مو مهمه من الكماليات
- مقاعد جلد لونين((الحمد لله احب المخمل مو زين الجو في الرياض))
- حركة كرسي السائق و الراكب كهربائية بثمانية اتجاهات مع دعامة الظهر كهربائية((مومهمه بالنسبه لي))
- تهوية المقاعد الأمامية (((مو مهمه بالنسبه لي لاني باخذ مخمل))
- ذاكرة كرسي السائق ((سيارتي ما يسوقها الا انا ماعمري استفد منها بسيارة اخوي))
- كاميرا خلفية مع شاشة في المرآة الداخلية((بركب شاشه حقت الافالون الامريكه
- مساحات الزجاج الأمامي حساسة للمطر(((ما اتوقع منها فايده ))
وشرفني مرورك ياغالي

عسآكـ من عوآدهـ أخوي نوآف ،، وكآن تبي رأي أنت ماشاء الله إختياركـ وقع على سيارتين حلوين ،، ومقدماً مبرووك والله يطعمـكـ خير اللي بقع عليها الإختيار ،، وكلاهم هالسيارتين من وجهة نظري ما تصلح الا بالفتحه ،، ياخي أنت بتآخـذ سيارة تعتبر من الفئة الفخمه ،، فقهر قهر لو ما تجي فتحه ،، الفتحه يظيف لها منظر حتى بوقفتها ،، وهي ماشيه ،، وإختار اللون اللؤلؤي لأن هاللون أعتبرهـ يزيد من رونق السيارة ومنظرها ،،

عموما بالتوفيق وخـذ السيارة بفتحهـ ،،


بالتوفيق ،،

مستحيل اشتري سيارة بدون فتحه سقف :bigggrin:
وفين اللي يقول الجو مايساعد !! عندك من 5 الفجر لين 8
وقريب المغرب !! واكيييد بتدي منظر جبار للسياره

وبالنسبه ليا الحمدالله مساعدتني لان عيني حساسه :a1120(86): ماقدر افتح الطاقه وانا امشي ولمن ادخن افتح التنده و الدخان بيطلع

((([COLOR=Black]الناس اذواق[COLOR=Red])))[/COLOR][/COLOR]

عادي لو توفرت خير ولو ماتوفرت عادي كلش مو هامني ابدا نهائيا

مين قال مشاكلها كثيره
انا عن نفسي عندي الفتحه مش من الوكاله
انا مركبها عند محل خاص بالفتحات وبضمان عشر سنوات ولا عانيت من اي مشكله
وتجي اكترونيه افضل من الوكاله وفي حاله اطفاء السياره الفتحه تغلق نفسها اتوماتيكي

وهذا فيديو لها

http://www.youtube.com/watch?v=W7q_XaboHf8

اول شي كل عام وانت بالف خيير
ولا اخفيك انا بعد العيد بشتري سياره وكنت محتار بين سيارتين اوريون قراندي 2011 وافالون اكس ال موديل 2011 علما ان ميزانيتي 105000ريال فقط ولا افكر بغير تويوتا وانا رجال بستعمل الموتر اكثر من 5 سنوات وانا استخرت بشتري افالون اكس ال
وزي منت عارف الافالون تجي لمتد بفتحه و الكس ال بدون فتحه بصراحه كل ما اقول لاحد قال ياتاخذ موتر بفتحه ولا لا تاخذ وحبيت اخذ مشورتكم في الفتحه هل هي ضروريه لدرجه ناس ما تشتري سياره الا فيه فتحه ؟
واسف على الاظاله

اخوي نواف ،، انا أعتبر إن الفتحه يعتمد على الأذواق ،،

يعني مثلا الفتحه بصراحه تصلح على سيارات ،، وسيآرات أشوف إنها عايديه مو ضروري لها ،،
يعني مثلا ابشبه لك على سيارتين وأتمنى محد يجي بخاطرهـ


يعني مثلا عندكـ الكامري << الفتحه عليها ما تفرق سواء فيـه أو مافيـه ،،

وخذ مثلا عندكـ هوندآ << الفتحه عليها مرهـ روعه وتعطيها روونق خآص ومنظر إبدآعي ،،


ويآليت تقولنا وش السيارهـ عشان يجـيك أراء من الأخوهـ تفيدكـ هل يصلح عليها فتحه أو لا ،،

ومبروكـ مقدماً ،،

وانا بعد اشكرك على رائك وكل عام وانت بالف خييير

السلام عليكم ورحمة الله وبركاته
والله من وجهت نظري ماأحتاج فتحت السقف في السيارة لعدة أسباب :
- الأجواء في السعودية ماتساعد لأنه يوم حر يوم عج يوم هواء بدون عج وصيف 60 درجة الحرارة .
- بعدين 80 كم ماتنفع إزعاج الهواء .
- مشاكلها كثير مثلا : واحد من بزارين الحي إذي بشكل مو طبيعي يكسر الفتحة وهذا صارت في أحد الأقارب ،، مشاكل الربلات .

أشكر صاحب الموضوع وكل عام والجميع بخير

شرفني مرورك
ورايك اعجبني يعني الي بيشتري سياره اقل شي بتجلس معه 7 سنوات نفسي طبعا اتوقع مو لازم فتحه
نشوف الاراء الباااقيه

مالها داعي صراحة, مدخل اضافي للشمس والحر

انا سيارتي مافيها فتحة ولو مرة لزمت وبقوة ممكن اقص عند محل مضمون وبضمان

لكن حتى يومنا هذا اشوف ان مالها داعي بالنسبة لي

خصوصاً إني امسك خطوط واسعة وطويلة وسرعة السيارة عالية فما تنفع الفتحة.

من ناحيه تجميل السياره صح
والتهويه صح بس اتوقع مشاكلهاا كثيره من تنسيم هواء وربلات
وعلى قوله بعض الاخوان هي مجرد فتره تستانس فيهاا بعدها تقفلهاا
لاني بصراحه واجهت نااس متعصبين يا يشترون سياره فتحه ولا ما يشترون ههههههههه:a1120(82):

بسم الله الرحمن الرحيم
انا اشوف الرأي مثل ماقالوا بعض الاخوان هي جماليه للسياره
وانا ايضا اضيف معلومه ان الفتحه في وضعيه الارتفاع من الخلف تغير جو السياره اذا كان داخل السياره كتمه
وسلامتكم

انا من النوع اللي لازم تكون فيه فتحة سقف لسسب

انه انا ماشتري الا سيارة وحدة الين تقول خلاص خلاص فكني فعشان كذا احبها كاملة
ياما جات ايام غيوم وفتحتها واحيانا يجي جو حلو وافكها

كل حسب نظريته