من بحثي عن العيوب في ناس يشتغلون في صيانة السياره بشكل يومي ورشة العيدي والمالكي يقولون عيب مخ القير ترا فيه 2006 و07 و 08 يعني كلها سوا يقول لي لو تبي تشتري 2009 وطالع اقل اعطال
وموفق ان شاء الله
هلابك اخوي q-911 :xyxwave:معقولة من 2006- 2008 كلها نفس المشكلة معناته الله يحلل البي ام
مافيه هالمشاكل مشكلتك مع قطع الغيار او اهمالك في التصليح اما من ناحية قير ومكينة
وهايدروليك فهو اوكي
من خلال ماقريت عنه . اتذكر طلع عيب مصنعي وصار مع واحد من اقاربي عام 2001
كان توه مطلع السيارة وكالة مالها معه شهرين وهو ماسك طريق الرياض ومعه اهله
يقول طفى الموتر وانا ماشي وش السبب الله العالم راح لوكالة الناغي وفحصوها طلع
فيها عيب مصنعي دخل على مديرهم البريطاني وتكلم معه انه بيرفع شكوى البريطاني
قاله نرجع لك السيارة ونعطيك بدالها رفض الرجال قال ابغى فلوسي خصمو قيمة الاستخدام
وعطوه الباقي . هاذي الحالة الوحيدة اللي قد مرت علي من شخص اعرفه غيرها مااعرف
الا من خلال الانترنت . انتظر تفاعل باقي الاخوان معانا ومشاركتكم اكبر اثراء لهالموضوع.
واشكر كل واحد من اخواني الاعضاء اللي شرفني بموضوعي هذا او اي موضوع
لي بهالمنتدى وشاركنا برأيه وخبرته واقتراحاته وتجربته ونقلهم لأخوانه الاعضاء .
انتظر باقي ردرود وتفاعل الاخوان .
