رجة في الماليبو ارجو المساعدة

صدقت اغلب الورش همهم الفلوس ويغيرون شى مايبي لة تغيير بس الحين بغير العكس وان شاء الله تظبط

مشكوور اخوي عبدالرحيم

الله يعافيك


اغلب الورش تروح عندهم ويكون العطل بسيط ويطلعون لك الف شغلة وطلب وهذا عن واقع تجارب

انت اهم شي الحين تتأكد ان الرجة تروح وتغير العكس


وتقبل مروري

اخوي عبدالرحيم الله يبارك فيك والله افكر في اللي قلت علية ودي اغير بس العكس اما الباقي يمكن باقي نص عمر
اتوقع. بس الورش يبون يغيرون كلشي

ان شاء الله بغير العكس فقط باخذ شورك واشوف وش يصير .ان شاء الله تروح الرجة

يعطيك العافية اخوي عبدالرحيم

مبروك ياخوي على معرفة السبب

انا اود اقول لك بدل ماتتكبد خساير خذ لك عكس فقط وغيره وشف هل تختفي تماما لان المشكلة من العكس ولا انصحك بالتجاري خذ وكالة فقط

وعليكم السلام يعطيك العافية اخوي عبدالسلام
انت صحيح نفس حالتي بالظبط بس انا ماغيرت اللي قلت عليها بس رحت اربع ورش وكل واحد يقولي شي واللي يقولي ترصيص واللي يقولي كراسي ولا عمود توازن بس انا ماحبيت استعجل
رحت ورشة من الورش الكبيرة وفحص الارضية كلها وطلع بالموتر جرب وقالي مشكلتك من العكس اليمين لازم تغيرة وكتب لي لستة كاملة من عكوس ومساعدات وجلد مقصات واذرعة كاملة وجلد عمود توازن وفية اشياء ثانية المهم رحت الوكالة بالصك اللي معي هههههههههههه
وقلت لة ابي القطع هاذي خذ لة ربع ساعة على مايدخلهم بالكمبيوتر وبعد ماخلص قالي كل القطع تكلفتهم 7700

وانا ماراح استعجل بتاكد يمكن اشتريهم من برا او من امازون بشوف هل فية فرق او نفس السعر والله يعين
وما اقول الا حسبي الله ونعم الوكيل على اللي مايخاف الله على هالاسعار محد حولهم يلعبون على كيفهم

واعتذر على الاطالة بس حبيت ابين لكم اللي صار معي

الحمدالله على كل حال

السلام عليكم عزيزي وانا ايضا مثل حالتك غيرت كراسي غيرت رمان وغيرت رمان عكوس وخرطت هوبات وغيرت فحمات و عملت ترصيص عشر مرات وشيكت كفرات ورنجات وفكيت عمود الكردان والرجة مازالت موجودة حتى اني مغير زيت القير وفك مخ القير وتنضيفه وللاسف ماحصلت نتيجة والله نسيت ايش غريت غير هالاشياء ولليوم الرجة ماراحت الرجة بالبودي مثل رجاج الجوال او كانك تاكل عيون قطط بسرعة عالية بعد كل هذا اجمع العلماء انه اما عكوس تغيير بجديدة او فحصها بجهاز ترصيص عكوس ليزري او فك الطنجرة ولك الحكم مصروف قسم بالله انه عور قلبي حسبي الله نعم والكيل

بشيك اليوم ان شاء الله وبشوف وش المشكلة وبرد لك خبر يعطيك العافية اخوي عبدالرحيم مشكور وماقصرت

على حسب كلامك والله اعلم انها العكوس وكل ماعليك انك ترفع السيارة وادعس حتى توصل للسرعة اللي تبدأ فيها الرجة ولاحظ العكوس هل عملية دورانها سليمه لانه قد يمكن ان لا تكون مستقيمة ويكون فيها طعج اي اعوجاج

واذا كانت سليمة شيك ع الباقي

الفحمات والهوبات توني مغيرها

وعندي ملاحظة نسيت لا اذكرها ان الرجة تزيد اذا دعست على الدعسة بس واذا رفعت رجلي عن الريس تروح الرجة

مشكور يعطيك العافية وبالنسبة لسؤالك السيارة ماتعرضت لحادث بس بشيك على اللي قلت علية

ايضا شيك على الفحمات والهوبات اذا كان يبغى لها خرط