كابرس 2007 ومشاكله معي ..... افيدوني وش اسوي ؟؟

انا اراهن على الكابرس الجديد ميكانيكيا تحسن كثييييييييييييييير

هي بس سيارتك لا ولكن هذي نتيجه الصناعة الاستراليه

ويازمان وينك عن ايام الكابرس الشفر الاصلي الي ولا وراح ولاعاد من الكابرس شئ الا اسمه فقط فقط

تحياتي

اخي الكريم

جرب تسوق كابرس غير اللي معاك من الوكالة جرب واحد ولا من عند اي احد استأجر
وشوف الأصوات والمشاكل اللي تقول عليها موجودة في غير سيارتك ولا لا
اذا ماهي موجودة فمعناها انك شويه موسوس وهذا طبيعي عشانك دافع فلوس والسيارة جديدة...
اذا موجودة الأشياء في كابرس غيره معناها في مشكله...

بس

هلا وغلا


يارجــااال خلك على موترك ولاتغيره ولا شي وابعد هالوسوسه وانبسط على موترك

والله يالكابرس الجديد اذا مر من قدامي اني اغمض عيوني واذكر ربي من كثر مايفتني هالموتر ماشالله
ماعليك من خرابيط وهروج الناس وموترك يكفي انه يجيك على كيف ماتبي


شخصيه لايعلى عليه
عزم مايحتاج

والوكاله شد معهم شوي وبيزبطون لك سياراتك هذا ان طلع فيها شي وترا كل الوكالات بهالشكل مايجون الا بالعين الحمرا






وبالتوفيق انشالله




تحياتي

صوت المكينه وهي بارده طبيعي..صوت التكايات..الياباني مافيه هالصوت لان مافيه تكايات اصلاً..طقة الP هذي عاديه..هذي يسموها قفل الجير..عشان يقفل ولا يتحرك على المرتفعات او المنخفضات...الطقه ملحوظة لان القفل قوي مو حي الله..


الآربي ام ينزل تحت الواحد طبيعي..اذا مسكت بريك قوي او فجأة..طبيعي جداً..مو طبيعي اذا السياره قامت تقطع او تطفي..في هالحاله في مشكله..في النهاية سيارتك اوتوماتيك ;)


في النهاية سيارتك عليها ضمان..لكن انا اقول سيارتك سليمة..مافيها شي..ولو فيها شي عندك ضمان يعدل المشاكل ولاتنسى ان سيارتك من اول الدفعات للشكل الجديد..يعني احتمالية المشاكل موجودة لكن بنسبة بسيطة..مره ثانيه سيارتك سليمة..لكنك مو متعود على الامريكي ولكل شي اسبابه. مو مشاكل |3|


بالتوفيق

اشوف كل شي تقوله طبيعي بس خل عنك الوسوسه وان شاءالله مافيه الا الخير

اخووووي معقوووووله



شف انا اول ماطلعتها قلت يمكن وسوسه

بس خليت اخوي يسوقها وخليته يشغلها ويسمع الاصوات يعني مو انا اللي اسمعها لحالي

لدرجه اني اقمت ادعس بالسياره ولا اهتم فيها لانها بجد شئ يقهر

اخووووووي كنك

والله صدقت هذولي ماينفع لهم الا العين الحمراء

وربي يمشون معك بس انا وراهم وراهم

بساااااااااااااام



ايوووه زي كذا تقريبا بعض الايام تجي وبعض الايام تروح

يعني افهم من كلامك انه شئ عادي ولا اخاف لايصير مشاكل بالقير ولا شئ ؟؟




لا موب كذا اذا بغيت اهدي مررررره ابوقف عند الاشاره تلقى الضغط تحت الواحد بس يرقى وينزل على خفيف مدري عايدي ولا اوسوس << هذي الوحيده اللي احس بوسوسه فيها هههههههههههههههههههه


ههههههههههههههههههههههههه

تتتتتتتتتم والسياره تفداك بعد

ووش دعوووه لا قطه ولا شئ نتشرف وانا اخوك

مشكوووووور على مروووووورك يالغلا


في تي اي اي << مشكله اللي مايعرف انجليزي ههههههههههههه

قد شفت صوووور بس لمرسيدس جديد كاتبها على السياره وحاطه مقابل الوكاله << بس هذي اخر فكره ابحطها هههههههه

مشكوووور على مرورك

كينق كامري

والله انا من زمان ودي بماكسيما بس مشكلتها ماتغيرت

ونزل الكابرس واعجبني واخذته لكن الشكو لله

مشكووووور على مرورك

ههههههههههههههههههه

اخوووي فرندقس مززززمت لاتخاف اللي في قلبي موب خالص والله لا اهذر عليهم الين اقول بس

وتسلم يالغالي على المساعده وان شاء الله يعطونا وجه

اميررررررر الغلااااا


طيب حلوووو انا هذي مشكلتي انها عيوب مصنعيه وكل مارحت للوكاله مايصلحونها ابي حل لهم بسسس

والسيااااره مطلعها من العيسى اللي اغتريت من كثر ما اسمع عن صيانتهم بالمنتديات ولكن طلع بس كلام

UNTOUCHABLE
والله صدقت كل مابردت السياره زادت الاصوات شئ غريب

نابولي 89

مشكووووور على مرورك

الله يعينك على الامريكي بس يازيني الياباني انا جربت الكابرس اول مره واخر مره ان شاء الله عيوب خرابات يتهربد بسرعه حساساس

عندك كلام فرندقس مزمت صحيح

انا اعرف واحد ارسلها لوكيل الشرق الاوسط ومقرهم الامارات دقو عليه يعتذرون وقالوا له اي وقت تعال ونصلح المشكلة

او فيه طريقة سمعتها و الذمه على الراوي يقول انه كان فيه واحد مطلع بي ام من الناغي وصار لها مشكلة في الكمبيوتر المهم مبلغ التصليح تجاوز ال30 الف ريال وهي على الضمان وكل ماكلمهم قالوا له ادفع ...تعب الولد اخر شي كتب لوحه وحطها في القزازة اللي ورا الموتر ووقف السيارة قبل الوكاله ب30 متر كاتب فيها ان هذه السيارة لاتزال تحت الضمان والوكيل يرفض اصلاحها دقوا عليه الوكالة وترجوه يوخرها ...طبعا ماوخرها الا بشروطه هو :) ووافقو عليها طبعا

قلنا الشفر بيجوز عن سوالفه لكن زودوها

بس ورب الكعبة لو تصير عندي ذا المشاكل لأرفع قضايا عليهم وأجرجرهم بالمحاكم ترا هالشكليات ما يجون إلا بالعين الحمرا إسئلني والله

ترا إنت دافع فلوس لهم والموتر جديد يعني غصب عن من جابهم يصلحونها

وبالنسبة للطقطقه فشيك عليها بس لا يكون المقص تعبان ولا شيء ترا هالأمور حساسه

وبالنسبه للضغط فخويي صارتله نفس المشكلة تقريباً لكن يكون ماشي 100 وعداد السرعه يهز مو الضغط لكن موتره سوناتا 2007 وما كمل الـ 1000 كيلو

والله يساعدك

استغرب من بعض الاعضاء اللي يجي يرد ويقول السيارة فاشلة واستراليه ومن هالكلام ..

انتم تبون تضيقون صدر الرجال .. والله مالكم داعي ،، هو يبغى حل للمشكله ماقال وش رايكم فيني يوم شريتها ..

وبعدين الموتر موتر ،، استرالي ولا صيني

ومن عام 2000 والناس تستعمل كابرس ماحد يشتكي منها ،، واذا فيه احد اشتكى تكون مشاكل طبيعيه

وكلن على حسب استعماله .. ترا السيارة كلها مكينه وقير ماتستحمل الجور الدايم

وبالنسبه لمشاكلك اخوي ..

ابقولك كلمتين دام السيارة تمشي خلاص خلك مرتاح ،، ترا هذي وسوسه بتعاني منها فترة لأن الموتر جديد ..

يعني لا تبلش عمرك كل يوم ناط للوكالة .. امش واذا السيارة جاها شيء حقك مايضيع ان شاء الله حقك محفوظ ..

والله يعطيك خيرها ويكفيك شرها ..

لماذا تستغربوا من هذه المشاكل انها الصناعة الاستراليه فحسب

السلام عليكم

شباب انتو نسيتو ايام ال2000 اول مانزل وال 2004 اول مانزل كيف المشاكل وبالنسبه للطقطقه اللي في القير واللي في اللي في المساعدات طبيعيه وتقريبا في كل الكوابرس وخاصه اذا برد الجو تسمع شي مزعج|2|

كم كلفك الموتر يا امير الغلا وكم الاس اس من دبي؟

ســلامــي للـكـل
انا عضو جديد وانا ماشارك بمنتديات ولا اكتب ردود بس اتصفح لكن لمن شفت موضوعك فزيت المهم
انا مطلع كابريس2007رويال وهو مو رويال من الوكاله بس مواصفات رويال جبته طلبيه خاصه من دبي
وطلعته من قبل لايوصل السعوديه من اكثر من شهرين يعني له معي فتره طويله ومافيه اي شي من اللي تقوله ولا اي عيب
وترى يالغالي انت مطلع كابريس مو كرسيدا عشان تقول طقطقه ومشاكل في تشغيل السياره
هاذي المشكله معروفه انه عيوب في تصنيع السياره ويشملها الضمان والوكاله عليها حق لك وهي مكلفه انها تعدلها او تغيرها لك

بس انت تقول نصابين ومابيرجعوها وانت ماقلت من هم وماقلت انت طلعتها من معرض ولى وكاله ومن اي وكاله طلعتها
بس ترى اذا بالبيد فانا اقولك من دحين الله يعينك
وخليك وراهم وفي الاخير لازم بتطلع حقك

اخوي ماكسيما انا باحطلك الرابط حق شركة جي ام في الشرق الاوسط لانه مو راضي يشتغل معاي وتحصل مكتوب اتصل بنا طبعا بيجيك الايميل لا تخلي ولا تبقي على قلبك واذا خلص اللي في قلبك قولي واعطيك من اللي في قلبي عليهم لاتشيل هم وكلها فتره بسيطه ويتصلو عليك من دبي بس انت تصبر شوي وانشاء الله انهم مايتاخرو عليك
واسف على التاخير

وهذا الرابط

http://www.gmarabia.com/content_data/LAAM/ME/ar/GBPME/999/SA/index.html?cntryCd=SA#

وتقبل تحياتي ,,,