سوزوكي ساموراي ( معلومات وتعديل واستفسارات وتبادل خبرات )

تم إصلاح المكيف بنجاح ولله الحمد، حيث أن المكيف لم يكن فيه شيء صالح. فماصورة الفريون كانت مكسورة، وفلتر الفريون يهرب، والكمبرسر معدوم. فتم تغيير كل هذه الأمور، وهنا صور القطع بعد الإصلاح:


تم شراء كمبرسر مستعمل بقيمة 400 ريال من أحد محلات القطع المستعملة بالخضرية، وكذلك تم تغيير سير الكمبرسر بسير جديد من الوكالة، وهذا هو الكمبرسر البديل مع السير:


إحدى مواصير الفريون تم الحصول عليها من التشليح وهو بحالة ممتازة:


فلتر الفريون الجديد من الوكالة تم تركيبه:


ماصورة الفريون وقد تم تلحيمها بنجاح بدون أي تسريب:



ثم تم إستبدال المروحة الأمامية للرديتر المكيف بمروحة مستعملة أيضاً من قطع الغيار المستعملة.

وبذلك أصبح المكيف بحالة جيدة والحمد لله. وقد كلفتني العملية كلها مع شغل اليد تقريباً 1000 ريال فقط. يجدر الذكر أن قيمة الكمبرسر الجديد من الوكالة 3500 ريال!

كذلك قمت بإصلاح نظام مضخة ماء المساحات، فاستبدلت الطرمبة بطرمبة جديدة من الوكالة بـ 160 ريال وربلة الطرمبة التي تركب على القربة وقد حصلت عليها جديدة مجاناً إهداء من الوكالة دعماً منهم لمشروعي الجديد.

شكل السيارة السيارة الحالي:





تنجيد المقاعد الأمامية وتركيب مقود بديل، حيث أن القديم كان قذر وسيء الملمس، أما الجديد فهو جيد وجميل::




تنجيد المقاعد الخلفية:

أنا في غنى عن هذه الحوسة الله لا يورينا ... خلنا على نفس اللون أحسن.



نعم مشوار الدمام يكسر الظهر هههه فما بالك لو رحت الرياض. لكن أتوقع مع التعديلات رح تصير أريح بكثير في الخطوط، حالياً سبب عدم الراحة هو أن المساعدات كلها رايحة فيها. ما غيرتها لأنها رحت تتغير كلها إلى مساعدات متمازة جداً.

وفي النية أشتري مقطورة سطحة أسحب فيها الساموراي بالفورتشنر.

وممكن بعد التعديلات أعرضها للبيع بسعر التكلفة الإجمالية أو أزيد عليها قليلاً لهواة السيارة المجهزة.



أشكرك أخوي على الدعوة الطيبة



أشكرك على الأمنيات الطيبة.

ماشاء الله عليك ياابوالخل اتمنى لك التوفيق والسلامه

اللي علينا وهو واجب الدعاء لك

والله يوفقك ويسهل أمرك ويسدد خطاك
والله ينور طريقك

اللهم آمين

ما شاء الله تبارك الله ,


مشروع جديد يابو الخل , عساك عالقوه ياخوي ,


خل السياره لاعبة ساموراي حقيقيه على قد أسمها !


وودي أخوض النقاش معاك , في التعديلات المكانيكا ,لكن ماعرف كيف أبدا :bigggrin:


بسبب , لست من هواة التعديلات , ولسبب آخر لقلت دخولي للمنتدى ,


بس حبيت أسألك , هل السياره بتظل معاك وقت طويل , أو لفتره مؤقته


لأن كأن قريت في أحد ردودك , أحتمال تأتي نية بيعه منك ,


و أتوقع السياره حدودها في الشرقيه ومن الصعب السفر عليها لمسافات بعيده :bigggrin: ,


إلا بالسطحه يعني , والسبب التعديلات اللي عليها , اللي تخلي السياره غير مريحه


عموماً بالتوفيق ياخوي ,, ونتظر ماهوا جديد في مشروعك

عدنا :)

الاخ ابو رنا

بالنسبة للصبغ او تغير اللون

خل اعلمك الإجراءت علشان ما تنحاس

تتفضل على الفحص الدوري
وتروح عند مهندس الفحص تحصله ورى مكان خروج السيارات من الفحص بعد الإنتهاء

إذا ما خاب ظني اسمه مهندس ياسر

وتقول ابي اغير اللون
راح يطلع معاك
ويشوف السيارة
المتطلبات
فحص وإستمارة جديده
ان تكون السيارة باسمك

راح ياخذ عليها لفه ويسألك عن اللون اللي تبيه

ويكتبه لك بروقة ويعطيك اياها ويقولك روح مكتب المرور اللي بالفحص
تروح للحاسب الالي هناك ويختم لك انه السيارة ما عليها مشاكل
وبعدين تروح للمدير ويوقع لك
وتتوكل على الله وتصبغها
مكتوب بالورقة لازم 15 يوم بس
لا تحاتي انا اخذت مني شهرين ورجعت لهم وما صارت مشاكل

كل هاذا ما ياخذ منك 20 دقيقة لو الزحمة كثيره :)

وإذا صبغتها ترجع للمهندس ويوقع لك وتروح للحاسب الالي يغير اللون عنده
وتمر المدير علشان يصرف لك إستمارة جديده :)


طالما انك قاعد تطقطق عليها الحين ليه ما تركب كشافات
وترتب امور الكهرب

الرول كيج تقدر تشوف الكابتن امين مقداد اظن يسويه ورشته بالخضريه الدمام
وهو رجال والنعم فيه وطيب وراح ينصحك باللي يعرفه
وهو كثير إشتغال على امور اللفتنج
والميادين تشهد له

:smilie16: الف مبروك بابورنا وبتنظار التعديلات واحسن اختبارلسيارة في بحيرة البجع:a1120(121):

السلام عليكم

شاد حيلك يابو الخل ما شاء الله

بس ياليت توثق كل شي بالصور يعني لما سويت المقاعد ياليت صورتها قبل التنجيد وبعدة وحطيتها وكذلك المكبرسر وغيرة حتى يثرى الموضوع
اتمنى عمل ذلك بالمستقبل

كبرت السالفة وهي صغيرة ... 36 إنش طبعاً مستحيل يركب، لكن لو يكبر قليلاً سيجد تحسن كبير في الآر بي إم. أما من 4200 إلى 3000 فهذه كبيرة جداً صعب تحقيقها.

لكن تغيير نسبة القير الخامس يبغالها شغل ميكانيكا وفك وتركيب الله لا يوريك. أفضل شيء بس يغير الكفرات لكفرات أكبر ويريح نفسه.

الاخ drive ..
نسيت اخبرك كلامك صحيح القير عادي 5 نسب

شكرا الخل الوفي ..كلامك للاسف صحيح الدبل كهرب:smilie20:
عالعموم كسبنا اخ وزميل في السوزوكي:bigggrin:
بانتطار جديدك ولا تنسا اخوك من النصائح والدعاء..
الاخ drive ..
الرساله وصلة على الخاص ..شكرا على النصيحه ..وبنسويها انشالله ..
فاهمني ماشالله عليك .. فكرت بتغيير نسبة تروس القير الخامس:c0214: .. المصيبه ما حصلت الفني والورشه والتروس المناسبه ..
فاللي يعرف فني يقدر يساعدني شاطر له جايزه:xyxwave:
شكرا للجميع وما نستغنا عن النصائح .. ولصاحب الموضوع متاسف اذا خرجت عن الموضوع الرئيسي ..انشالله بفرد له موضوع خاص فيه

اذا حسبتها راح تحصل ان الكفر الحالي 205/70 جنط 15
يعني قطر 26.3 انش والار بي ام على 4100
لو يبي يخفضه الى 3000 لازم يركب كفر قطر 36 انش....... هل يركب؟

الحل بالنسبة لي هو تغيير نسب القير للتعشيق الرابع والخامس (على افتراض ان الحالي قير عادي بحكم انه للبر)
لان القير الاوتو نسبة الثالث 1.00 والرابع 0.696
بينما العادي نسبة الثالث 1.674 والرابع 1.190 والخامس 1.00
وتلاحظ ان النسب متقاربة جدا للعادي وعالية على الخامس (مثل الثالث في الاوتو)

من رأيي يبدل القير الرابع ب 1.00 والخامس الى 0.696 وراح يصير سرعة دوران المحرك 2850 على سرعة 120 ويبقى العزم على الاول والثاني ما تغير والدبل بنفس قوته

طبعا المعلومات من هنا
http://www.globalsuzuki.com/automobile/lineup/jimny/spec/index.html
والحساب من هنا
http://www.4lo.com/calc/gearratio.htm

على فكرة، ممكن تخفض النسبة من غير ما تغير التروس ولا أي شيء وبطريقة سهلة جداً جداً ... ركب كفرات أكبر. سيكون ذلك مطابقاً تماماً لتغيير نسبة الدفرنس إلى نسبة أقل.

نعم معروفة أنظمة تعليق ARB أنها الأريح.

بالنسبة لنسبة التروس، أنت تبغى تسوي عكس إللي أنا أبغى أسويه. لو قللت من نسبة التروس طبعاً سوف يقل عزم السيارة، لكن بالمقابل سوف تستطيع المشي بسرعة أكبر مع آر بي إم أقل.

لكن الدبل عندك كهربائي، ويؤسفني أن الدبل الكهربائي التعديل فيه لا يوجد له قطع لتغيير نسبته. وأعرف أن الذين يغيرون نسبته يستبدلون الدبل بدبل الساموراي ويركبون محول من أجل تركيب دبل الساموراي مع أجهزة التحكم الكهربائية للجمني.



أشكرك على النصائح. بالنسبة للمقاعد الرياضية فلا أفكر فيها لأنها غالية على غير فائدة بالنسبة لي، ففائدتها للحماية من الصدمات على سرعات عالية، والسيارة لا تستطيع المشي بسرعات عالية أصلاً. كذلك تصميمها لا يصلح للأوفرود، لأنه يحيط بالمنكبين وجسم السائق وبالتالي يقلل من مجال الحركة فيهما، بينما القيادة في المناطق الوعرة تحتاج إلى مرونة ومجال في حركة ذراعي السائق.

قص السقف موجود في خياراتي، لأني كنت أتمنى واحد كشف وما لقيت. لكن سأترك هذا الشيء في الأخير. كذلك قفص الحماية موجود في قائمتي سوف أقوم به إن شاء الله، لأن السيارة سريعة الانقلاب لخفة وزنها.

بالنسبة للمكينة، بأنتظر وأشوف المكينة الحالية متى تخبط. إذا خبطت وراحت فيها غيرتها إلى واحدة أكبر منها. لكن هناك محركات تركب بكل سهولة على الساموراي بدون أي تعديلات في كراسي المكينة وعلى نفس القير، وبعضها حتى بنفس الظفيرة، مثل محرك السوزوكي فيتارا 1.6 لتر. ومحرك الجمني أيضاً ضمن الخيارات. الهدف لا أريد محرك ضخم يخلص لي الخزان الصغير بسرعة، أبغى محرك يكون أفضل وأقوى وفي نفس الوقت إقتصادي. والخزان البديل أيضاً في القائمة. لا أفكر في تركيب محرك مع قير أبداً، لأن ذلك يعني التخلي عن دبل الساموراي الشهير بالتعديلات القوية.

الله يعطيك العافية يالخل الوفي

والله مشروع رائع (كنت اتمنى انك تسويه وتترك سيارتك شد بلد أعتقد أفضل ولا لا)

ونصيحتي لك ركب لك مقعد رياضي (أحمر أبو حزامين) وقص السقف وضع عوارض حماية
واستكرات مع اشوية تنكيل للصدامات وبعض اجزاء السيارة وحاول تضع لها مكينة قوية (مثل الاربي
او الون جيه مع القير) ورهم لها خزان وقود كبير شويمع التعديلات إلي بتسويها صدقني ما احد بيطلع
جنبك بيطلع وحش(بس ترى سمعت ان مكاين الاربي ليست عملية بس قوية ورخيصة)

والله يعطيك خيرها ويكفيك شرها

وتستاهل التقييم يابطل

وتقبل مروري

تحياتي

السلام عليكم ..
مبروك السياره الجديده والمشروع الجديد ..
ماشاء الله شفت لك اكثر من موضوع ..خبير دفع رباعي الله يحفظك ..
عندي نصيحه وطلب نصيحه ..
الاولى... عندي جيمني موديل 2007 شارنه للبر ومرات اروح فيه الدوام ..
اول ماشريته كان تعليقه قاسي ومتعب شوي .. بدلت (ممتص الصدمات ) الى arbالاصفر فرقت معاي جدا صار مريح جدا ومثل راحة الصالون ..فانصح اي شخص عنده جمني يبا الراحه يبدل الى ممتص الصدمات arb الاصفر ..
الثاني ... طلب النصيحه "بعد ذلك سوف أقوم بتغيير نسب التروس في الدفرنسات إلى 5.1:1 وتركيب أقفال دفرنسات دائمة"..
هذا شي كنت افكر فيه من زمان لانه rbmعندي عالي شوي يعني امشي 120 كم/ساعه rbm يكون على 4100 تقريبا ففكرت اني اغير نسبة التروس الى نسبه اقل حتى اريح المكينه من الحنه شوي وابدل الدبل لنسب اعلى حتى اوازن بينهم واقدر استخدم السياره في البر ..
شوه رايك خبيرنا .. الفكره اني انزل rbm حتى 3000 يوم اكون ماشي 120كم/ساعه

مشكور ويعطيك العافية

ماشاء الله عليك اخي .. الخل الوفي .. اسم على مسمى


الف مبروك ع السيارة وبانتظار جديدك ونحن متابحين لك ولابداعاتك