:) هدوا الوضع يا شباب
انا احب اضيف نقطة هنا .. إن الباترول (DOHC) بينما الباجيرو (SOHC) وهذي لصالح الباترول رقماً
وايضاً الباترول 4800 سي سي بينما الباجيرو 3800 سي سي وهذي لصالح الباترول رقماً
الباترول فيه نظام VTC يعني الصمامات فيه (in & out) بحكم إنه مزدوج الكامة بينما الباجيرو (in) فقط لأنه مفرد الكامة
هذي كلها تصب في صالح الباترول .. وإن جينا للقوة الحصانية ولعزم الدوران فبرضو للباترول
وأنا ما انقص من حق الباجيرو .. حتى هو قوي .. وماشاء الله ممشاة أكثر من رائع لكن لغة الأرقام لصالح الباترول
النقطة المهمة هنا إن .. السيارة تكــــــــــامل ..
يعني ايش فايدة السيارة اذا كانت قوية وتصميمها مو حلو "مثلاً"
وش فايدة السيارة اذا كانت قوية وتصرف بنزين "شرب الهيم"
وش فايدة السيارة اذا كانت قوية ومافيها مواصفات سلامة "مثلاً"
وش فايدة السيارة اذا كانت قوية وغير مريحة "مثلاً"
وش فايدة السيارة اذا كانت قوية "وتشطيبها من داخل قبيح والمواد المستخدمة خالية من الجودة" "مثلاً"
صاحب الموضوع يبي سيارة مريحة وصرفيتها حلوة وقوية وفي نفس الوقت مواصفاتها حلوة ووسائل السلامة ممتازة وجودتها عالية.
ومن هذا المنطلق أرجو ان كل واحد يبدي رأيه
لأن الرجال ما بيروح يطعس كل يوم والا بيقاوم فيها :)
تحياتي ولا أحد يزعل مني
Kenny
اول شي خلي في بالك ان الكامل وجه الله سبحانه وتعالى
ومافي شي في الدنيا يستطيع الوصول الى الكمال
,,,
اما عن كلامك الي يدل على انك تجهل تماما الباترول
يعني ايش فايدة السيارة اذا كانت قوية وتصميمها مو حلو "مثلاً"
وش فايدة السيارة اذا كانت قوية وتصرف بنزين "شرب الهيم"
وش فايدة السيارة اذا كانت قوية ومافيها مواصفات سلامة "مثلاً"
وش فايدة السيارة اذا كانت قوية وغير مريحة "مثلاً"
وش فايدة السيارة اذا كانت قوية "وتشطيبها من داخل قبيح والمواد المستخدمة خالية من الجودة" "مثلاً"
اولا
ويش فايدة السياره وتصميمها مو حلو ؟ اولا السياره وسيلة نقل بالدرجه الاولى مو انتيكه تزين فيها الشارع,,, واعتقد ان الباترول احلى من الباجيرو بكثير من ناحية الشكل ,,,
ثانيا
اذا كانت السياره قويه وتشرب شرب الهيم ويش فايدتها ؟؟ يعني القوه ما منها فايده ؟ يعني بس اشغل السياره و اعبيها بنزين وهي واقفه في البيت ؟.... فعلا جهل
ثالثا
لو يكون في علمك ان الباترول فيه مواصفات سلامه انت الله بالخير عنها راجع ردودي السابقه
وراجع وكالة النيسان علشان يكون الكلام فعل واثبات !! وعلى فكره شاصي النيسان اقوى من شاصي الباجيرو بالاضافه الى بدي النيسان القوي !!
رابعا
لا تتهم الفتك بانه غير مريح
فعلا انت تثبت لي انك جاهل
وانا اجزم مليون بالميه انك ما جربت في حياتك الفتك ولا شفته ويمكن ما تدري عنه
انا انصحك انك تروح وكاله النيسان وتاخذ تجربه للفتك بنفسك علشان تعرف كيف الفتك مريح حتى المكينه ما تسمع لها حس !!
خامسا
تشطيب الباترول من الداخل قبيح ؟
هذا يدل على انك ماركبت الفتك ولا شفته ابدا وفعلا تجهله
والصوره هذي هي خير دليل
والصورةلداخلية السفاري ,, ولو كانت داخلية سوبر سفاري كانت بتكون احلى بشاشة النفيقيشن وشاشة العدادت الليزر وغيرها من مميزات
مادري كيف كل الي شروه وهو قبيح من الداخل على حسب كلامك ما انتبهوا لهذي النقطه ؟؟
مع انهم كلما استعملوا الموتر تحصلهم كاشخين و مستانسين ومرتاحين بداخليته الي تقول عنها قبيحه
,,
في الختام اتمنى انك ما تتهم السيارات الاخرى بغير علم او بجهاله ...
