اخي / احرص على تمرين سيارتك الجديدة والا ......

مالقصة ياتويوتا ...... والله غريبة المشكلة اف جي ولاند كروزر:c024: ....

ومشكووور عالمقطع؟....

هذا أعتقد أنه عيب في جيوب تويوتا ما أعتقد أنه من التمرين
لأني شفت مقاطع كثيره لها

http://www.youtube.com/watch?v=SYNW0POj5Fo
وهذا الآخر
http://www.youtube.com/watch?v=IwK92dj6xoU&feature=related

صحيح أنا شفت فيديو فيه مفخرة الأرض مخبط ما ادري المشكلة من وين :c024:

لكن بالنسبة للتمرين مهم جدا والسبب في ذلك أن اول 1000 كم تكون المكينة جديدة والـ1000 الاول ينظف المكينة ويمرنها وفيها البساتم تفتح والأهم انه فيه تأكد من سلامة الأحتراق داخل المكينة


والله أعلم

ماشاء الله الف مبروك والله يجعله باب خير وسعد عليك
وبخصوص التمرين فموجوده طريقته في دليل المالك

اشكر للاخوان مرورهم الكريم
انا اذكر شايب ايام 1998 اشترى ددسن وماجلست معاه ستة شهور الا وهي تدخن نفس دخان الاف جي ويوم سئلت قالولي هشيبان مايعرفون الا شغل وامش لاتمرين ولا غيره
هذا السبب الى خلاني اقترح ان السبب هو عدم تمرين السياره
وشكرا

فورد في سياراتها الجديدة لا تطلب من المالكين الجدد تمرين سياراتهم..
اول ما تطلع السيارة سقها زي ما تبغى وبالسرعة اللي تبغى مع المكيف واول صيانة بعد 8000 كيلو متر ..
ما ادري هل لفورد طريقة جديدة في تصنيع محركاتها ام سالفة ثانية ما ادري..
على العموم..التمرين مهم جدااا..

بالأمس شاهدنا لاندكروزر أثنين في مقطعين مختلفين يدخنون دخان أبيض يعني المكينة مخبطة واليوم نشاهد أف جي نفس الدخان وش القصة يا تويوتا ..؟؟؟؟

على العموم التمرين ما له دخل هذا كان زمان يقولون مرن السيارة الحين السيارة التالية شغل وأمش مع المكيف أهم شيء ما تمشي على سرعة وحدة يعني تنوع من السرعة وخصوصا في السفر لا تثبت السرعة
شكرا هب ريح

غريبه تويوتا ويصير فيها كذا مو معقوله تويوتا خوييك مطلع سزوكي جران فيتارا لا تمرين ولا كلام فاضي اول مجابه من الدمام للاحساء كان يمشي 180 -200 وبعدين شد عليها في التطعييس يخي يقولك في كتاب المالك ان السيارة ماتحتاج تمرين بس اذا تبي تطول عمر المحرك وتزيد من اقتصاديته مرنه

ياااااااااااااااااااااااااااااااااااخينا سؤال واحد فقط :

ليش ما يمرنون سياراتهم قبل ما يجيبونها لنا ويفكونا
من هالسالفه ؟؟؟!!! << سوداني خاااااااااااالص :smilie6:

بالنسبة للمقطع فاتوقع انه معبي ديزل ..خخخ

اما التمرين فانا استلمت السيارة فورد اكسبلورر من وكالة توكيلات الجزيرة وقالوا لا نشوفك الا بعد 8 الاف كيلو.... حتى لا تغير زيت ولا عندنا اساسا فحص الالف كيلو
ودليل المالك ماذكر اي شئ بخصوص التمرين او اول الف كيلو او ميل ... الا اذا ماقرأته زين (مع اني قرأت دليل المالك كامل)

ياشباب... كيف طريقة تمرين السيارة بالشكل الصحيح
علما اني اشتريت الاسبوع الماضي تريل بليزر 4X4 موديل 2008

السيارة الجديدة صح تشغل المكيف بس ما تمشي زي ما تبي...

أول ألف كيلو السيارة تأتي من المصنع بزيت خفيف...والكتالوج مكتوب فيه

انك ما تتعدى عدد دورات معين (على حسب السيارة)مثلا سيارتي قالوا في الوكالة لا تتعدى

2000 دورة ولا تتسارع بقوة أو توقف فجأة...

لكن بعد تغيير زيت الألف كيلو الأول ... تمشي زي ماتبي..
----------
الجيب اللي في المقطع اتوقع مثل توقعك...وأن الزيت ناقص في المكينة أو منتهي عمره

والله يهدي الجميع

تسلم على النقل
من وجهة نظري التمرين ماله علاقه بتاتا
السياره تاخذها من الشركه
ويقول امش زي ماتبي وشغل المكيف
بس شكله راعي السياره شادها لين فاجر ماطورها مطير البساتم
هذي نهاية التطعيس غشامه وجهل مهما كانت السياره جديده لها طاقه معينه خاصة بالدبل
ماتشدها اكثر من اللازم
وفي هذا السياق اذكر احد الشباب بجيب تايوتا والسياره مافيها شي زي الحلاوه
المهم دخلنا نفود وخوينا غشيم طلع
شد الموتر بالدبل لين فقع قلبه وبنمره جاوبت المكينه على طول

في النهاية التطعيس بهذا الشكل هدر اموال وليس رياضه
بل مخاطره وهوايه زيها زي الي يفحط بس فرق بالمكان
فتخيل سيارة واحد يفحط وش حالتها بتكون
اللهم اصلح شباب المسلمين واهدهم لماهو مفيد ونافع

تقبل مروري ومشكور على النقل
وياليت يكون التعقيب في اطار توجيه للاخوة هواة ماتسمى برياضة التطعيس لتوضيح مخاطرها واضرارها
كم فقدنا من انفس واموال بسبب التطعيس والتفحيط

التمرين مهم لسيارة من عزم وقوة وتحمل كل هذا عدما تقوم بتعديدة السيارة اكثر من الف كيلو دون السفر وعندم تشتري السيارة اصفار عليك بترك السيارة فتره شغالة وحاول الدوران بها فيها بالمدينة وشكر