السلام عليكم ورحمة الله وبركاته
تعرفون يا شباب ان الحين الجو بدأ يدخل على الشتوي وتدرون ان الحرارة توصل 15 درجة مئوية عند الساعة السادسة صباحا >> بالنسبة للدمام وضواحيها
~~~~
المهم : اول امس قعدت الصباح بتوكل على الله للجامعة بسيارتي قكتوريا 2004 واشغل المكيف كل شي طبيعي واحطه على الهيتر وللآن طبيعي ووصلت الجامعة وطفيت السيارة والمكيف >>> لا ياشيخ ... عند الساعة 12 ظهرا >> دقة في المواعيد ،،،، طلعت برجع البيت صخنت السيارة و شغلت المكيف واذا بالمكيف كله حااار يمين يسار انزل الحرارة ارفعها مافيش فاايدة واطفي المكيف واشغله واطفي السيارة واشغلها مافيييش فايدة ..
وضاقت بي الدنيا والعالم وتمنيت اني ما اشتريت فورد حتى لدرجة ان اي واحد يمر بقوله خذ السيارة ببلاش >>> لايكثر هرجك
وارجع البيت :: وابدل والبس لباس الورش والكهربائيين واتهيأ للمصاريف نفسيا وماديا واشغل وامشي لـ
كهربائي رقم "1" : شرحت له الحالة فقال لي : صديق هذا مكيف خربان باب الكتروني انا لازم فك طبلون وركب باب وركب طبلون وهزا يكلف 440 ريال ... أنا : اوكي صديق اجيك بعدين :c0038:
كهربائي رقم " 2" :شوف محمد هذا مكيف خربان لازم فك طبلون بس انت تبغى انا فك هيتر بـ 120 ريال ... انا :c0038:
كهربائي رقم " 3 " : شوف صديق انا فك هيتر بـ 60 ريال .. انا :c0038:
ورجعت البيت وبينما انا منغمس بالمشكلة فحينها .!! :smilie16: وكآخر الحلول اني افصل البطارية لاني متعود على الماركيز الي كان عندي كلما صار شي افصل البطارية .. فصلتها وشبكتها ،، بسم الله واشغل السيارة واشغل المكيف واذا بكل شيء رجع طبيعي وللله الحمد والحين استمتع مثل اول بالبارد والحار بعد ما كنت راح اخسر الهيتر
وبكذا نلخص الحادثة بنقطتين :
1- عند حدوث اي مشكلة الذهاب لاكثر من مختص
2- عند حدوث اي مشكلة لا سمح الله في الماركيز اللنكون او الفكتوريا تتعلق بالكهرباء نقوم فورا بفصل البطارية لربع ساعة ..
تحياتي
