ايش الأقل تكلفة تشغيلية: كابرس ولا فكتوريا؟؟

الاخوان: محزون-موستنج كمارو-لوفر
ما قصرتو يالحباييب
يبدو ان الفورد فازت بالمناقصة

انصحك بالكراون فيكتوريا ولا مجال للمقارنه بينه وبين الكابرس او اي خروف من الخرفان الاسترالية(1) فهو يتحمل الكرف ومشاوير الطرق الطويله ولا تنسا حرارة الجو لدينا واكيد مادام السيارة ستستخدم للاجره ستكون لها مشاوير بعز القوايل والشموس :)

وهذا لن يتحمله الا سيارة مثل الكراون فيكتوريا (2)

اما الاخوان اللي اشتكوا من عدم توفر قطع غيار تورس ولينكولن فاعتقد بان السبب هو عدم انتشار النوعين بالسعودية وكذلك ربما لقدم موديلات سياراتهم 0

وشكرا لكم
اخوكم لوفر|3|


---------------
المصادر :
(1) نقلا عن كتاب الخرفان الاسترالية تعطش على الطرق السعودية ، المجلد صفر الصفحة صفرين 0
(2) نقلا عن كتاب الفورد الامريكي لعنبوه اشهد انه موتر ، المجلد ميه صفحه ميه 0

ههههههههههههه
اخوي m7zon احلى شي سالفة الخرفان الاسترالية,
عاد هذي حلوة مرة وجبتها جيب, الله يقطع بليسك:D

الفورد ياطالب الفورد انشهد انه حمااار مكده وموتر ماعليه كلام قطع رخيصه وموتر على كيفك قوي وصداماته تتحمل ماشاء الله تبارك الله معي ماركيز والله صرفيه محترمه جدا وعزم ممتاز وفرامل ممتازه صح ان طارتها هواء مره خفيف بس هذا ممتاز في التحكم بالزحمه لانه كان معي صابونه التي زد قطع كتوفي وسوا لي احراجات بالمواقف من ثقله الكابريس بعد موديل 96 والله ماعادهو كابرس خاماته اعفن انواع الخامه مخصصه للعب على ذقون اهل الخليج فقط :mad: اما الفورد للحين امريكي اصلي والله يستر لايخطون خطوات جنرال موترز ويجيبون لنا تلفيق استرالي والله انه اي شي استرالي مهوب زين حتى الخرفان الاستراليه |11| ههههههههههه خل عنك وخذ الفورد يشيل الحمول ويقول عطني ولايشتكي شي ماشاء الله وتركب فيه القطعه وتنساه:cool: ا الله يحفظه|13| يالله فمان الله وفورد ولاتشاااور اي مخلوووق خلاااص..|1|

الأخ ملاك:
انت عندك كابرس اوكي بس كم تمشيها بالسنة؟؟
انا معي لومينا (اخت الكابرس ونفس المكينة 6 سلندر) وما شفت منها اي مشاكل الا اشياء اعتيادية
بس ما قدرت احكم
لأن ما ادري عنها في الـ Heavy duty
وشكرا على مرورك
________________________________________
سوبرا-مؤيد- F50 -فواز-لينكولن-_GTO_ - abdohad90
اشكر لكم ارائكم

اكيد ثم اكيد ثم اكيد الكابررررررررررريس إسإل مجرب انا عندي كابرس وابويي عنده فورد ......الكابرس ما عليه كلام

معي لينكولن إل إس

القطع الغير إستهلاكية أغلبها غير متوفر لقلة إنتشار هذه السيارة

وطلبت من توكيلات الجزيرة جنط إستغرق طلبه من أمريكا وقت قياسي أسبوعين فقط

وقارن إنتشار الإل إس والتورس بالكراون فيكتوريا

ويعطيكم العافية




وشكرا

:confused: لو اشتريت فورد

يمكن بعد كم سنة ما راح تحصل قطعها بسهولة

عندي فورد تورس 98 الأن لا اجد قطعها بلوكالة

اما الكابرس الله اعلم

:confused:
انا اقول لك ما حصل معي

والله صراحة الفور تستحمل اكثر من الكابريس
بس اذا كنت تبي اقل صرفية ومكيف ابرد الكابرس هنا احسن بها النقطة
وسلام

مافي مجال للمقارنة



الفكتوريا طبعاً


بالتوفيق :)

مكينة الكابرس 6 سلندر من هولدن..ماعدا البلوك يجي من المكسيك :)


لكن المكينه ممتازه ومافيها مشاكل رغم ان او سنه لها هذي...


هولدن مشتغلين على المكينه من زماااااان يعني تقريباً من 5 سنوات او اكثر وهم يسوو ابحاث عليها..وبنو مصنع بكلفة 200 ميلون دولار عشان صناعة المحركات

أرشحلك الفيكتوريا

لأنها سيارة عملية بكل المقاييس

وقطعها رخيصة

والأهم إنها سيارة مستحيل تقطعك في الخط

والله يوفقك

الفكتوريا أحسن بألف مرة
أكرفها لين ما تقول آمين

وأسعار القطع ببلاش مقارنة بالكابريس

أخوي لو لاحظ إن الأغلبية دائماً يستعملون فورد في الليموزين ..
لأنها سيارة عملية .. هل عمرك رأيت كابريس ليموزين ..
ما تحي ولا في الأخلام إلا نادراً ..
الكابريس سيارة عائلية حقت مشاوبر خاصة مو 100000 كم في السنة ..
عموماً الأي رأيك وانت حر ..

ابو اسد- الوليد الطائر-لمبورجيني- موستنج-سوبرا-باسات2001-مؤيد-كريزي فور كار
ما قصرتو والله
يبدو ان الكفة تميل لصالح الفورد
بس على فكرة ترى محركات الكابرس سواء 6 سلندر او 8 سلندر فهي امريكية اصلية وليست من هولدن
لأنها في الاصل محركات لبويك من جنرال موتورز
وكذلك ناقل الحركة
نشوف اراء باقي الشباب

السلام عليكم ورحمة الله

هاذي اول مشاركه لي

وانا اقولك مثل ما قال سوبرا فكتوريا (الفورد) يستحمل طلعات ونزلات والكابرس قطعه غاليه

لو قلت كابرس 8 سلندر ماعليش..لان في ناس وصلو بها فوق ال500000 كيلو وغيرو في السياره حاجات بسيطه(اقصد الغير استهلاكيه) يعني واحد غير مره طرمبة الماي مرتين في هالمسافه وطرمبة علبة الباور مره واشياء بسيطه لاتذكر..

بس اهم شي في كل سياره الصيانه على الاقل في السنه مره..والاهتمام بالزيوت والماي وكل شي رايح يصير تمام


بخصوص الكابرس 6 سلندر ماعندي علم فيه ...لان مكينته لسه جديده نازله من 2005 ...


اما صرفية الكابرس على الخط فمعقوله جداً

قطع الغيار اسعارها متوسطه بس طبعاً الكروان فكتوريا ارخص

انصحك بالفيكتوريا لانه سياره عمليه وقطع غيارها رخيصه ومتوفره